«Кала мандэ на хутилэл зор, тоди мэ зорало»

1. Со о Павло на лажалас тэ ԥэнэн?

О АПОСТОЛО Павло на лажалас тэ ԥэнэн, кай дэкала лэсти сас ԥарэс по ди. Во пистрояс, кай во ԥурёл, кай лэсти трэбуй тэ стол вся о зор, кай тэ терэл правильно и кай о Иегова най вся и время дэл атвето пэ лэстири молитва кадя, сар во аштярэлас (2 Коринфянам 4:16; 12:7—9; Римлянам 7:21—23). О Павло кадяжэ прижангля, кай кодэла, ко лэс на любин, гиндон, кай во слабоb мануш. Но во на домэкэлас, кай через кода, со лэстэ на вижалас тэ терэл и через кода, со дэн дума пала лэстэ и мануша, во тэ гиндой, кай на ашэл нисо (2 Коринфянам 10:10—12, 17, 18).

2. Саво важно гиндо поля о Павло анда 2 Коринфянам 12:9, 10?

² О Павло поля фартэ важно гиндо. Во поля, кай о мануш можэт тэ авэл зорало, дажэ если во гиндой пала пэстэ, кай во слабо. (Адиносар 2 Коринфянам 12:9, 10c.) Кала о Иегова ԥэндя, кай лэско «зор драго дицол», кала о мануш слабо, во камля тэ ԥэнэн, кай дэла лэ Павлости зор, скати лэсти трэбуй. Андэ кадэя статья амэ подаса дума, сости амэ можэм тэ сытювас кай о апостоло Павло. Но спэрва погиндосараса, васо амэ на трэбуй тэ на прилас пашэ каринг оди, кала и вороӷоря ԥэнэн пар мэндэ найлашэ алава.

КАЛА ПАР МЭНДЭ ԤЭНЭН НАЙЛАШЭ АЛАВА

3. Васо амэ можэм тэ лошавас, кала пар мэндэ ԥэнэн найлашэ алава?

³ Никасти на чалёл, кай пэр лэстэ тэ ԥэнэн найлашэ алава. Но если амэ фартэ пэрэжываем пала кода, кай кадэла алава амэнди ԥэнэн и вороӷоря, тоди амэ можэм тэ умэкас и вас (Притчи 24:10). Со тоди трэбуй тэ терас? Амэ, сар и о Павло, можэм тэ лошавас, кала амэн холярэн (2 Коринфянам 12:10). Васо? Важ кода кай, кала пар мэндэ ԥэнэн найлашэ алава и ӷонин важ и вера, када сыкавэл, кай амэ лэ Иисусостирэ ученикоря (1 Петра 4:14). О Иисусо ԥэндя, кай лэстирэ учениконэн лэна тэ ӷонин (Иоанна 15:18—20). Кадя и сас андэ пэрво вико. Андэ кодэя время и мануша, савэ ритярдёнас пала ӷреческо культура, гиндонас кай и христианоря найгодявэрнэ и бут со на полэн. Кадяжэ гиндонас и иудеёря. Еқвар вонэ ԥэндэ, кай о Пётро и Иоанно «найӷрамотни мануша [вонэ на ԥирэнас андэ еврейски школы, кай сытярэнас пала вера]» (Деяния 4:13). Бут ко гиндояс, кай и христианоря слаби и нико пала лэндэ на зашолапэ. Важ кода кай вонэ на ӷаминаспэ андэ политика, вонэ нэ моӷли тэ зашонпэ пала пэстэ англа правительство. Кадяжэ вонэ на жанас андэ халавдэ и важ када вонэ нэ моӷли пэс тэ фэрин, если пэр лэндэ варико дэла. Через када и мануша на стонас пэр лэндэ патив.

4. Сар диқэнас и пэрви христианоря пэ кода, кай лэн ӷонинас важ и вера?

⁴ Тердярдя чи най лэ христианонэн кода, сар обжанаспэ лэнца и вороӷоря? Най. О апостоло Пётро и о Иоанно сас лошалэ, кай лэн ӷонинас пала кода, кай вонэ лэ Иисусостирэ ученикоря и росԥэнэнас пала лэстэ (Деяния 4:18—21; 5:27—29, 40—42). Лэ христианонэнди най васо сас тэ лажан кодэлэстар, андэр со вонэ патян. Хоть и мануша на стонас патив пэ кадэла христианоря, вонэ всаек поможысардэ аврэнди май бут, чем кодэла, ко лэн ӷонинас. Например, и книӷи анда Библия, савэ пистросардэ дэсавэ кадэла христианоря, идоси поможын милиононэ манушэнди тэ патян и тэ аштярэн англэ о лашимос. О Царство, пала саво вонэ росԥэнэнас, ужэ исин акана. И йто во лэла тэ правий понад всаворэ мануша (Матфея 24:14). Ай о зорало римско правительство, саво сас, и саво ӷонияс лэ христианонэн, лэс ужэ дэлмут нинай. И инке, кодэла лэ Иисусостирэ ученикоря, савэ на парашэнас лэс тэ кандэн, акана ашэлэ царёря по нэбо, ай кодэла, ко лэн ӷонинас, мулинэ. И дажэ, если о Дэл рия каринг и жызня кодэлэн, ко лэн ӷонияс, вонэ лэна тэ жувэн тала лэ Дэвлэсти правления. Ай кадэя правления подритярэнас кодэла, кас вонэ ӷонинас (Откровение 5:10).

5. Васо, сар пистромэ андэ Иоанна 15:19, и мануша, савэ на полэн лэ Иеговас, на стон патив пар мэндэ?

⁵ Адес дэсавэ мануша на стон патив пэ Иеговастирэ свидетеля и гиндон пала лэндэ, кай вонэ на полэн нисо. Васо? Важ кода кай амэ на терас кадя, сар терэн бут мануша. Амэ стас зор, кай тэ на гиндосарас пала пэстэ бут и кай тэ авэл амэндэ ковло ди. Ай лэ манушэнди, савэ на ӷанэн лэ Иеговас, чалён и ӷорди мануша. И инке, андэ сави страна амэ тэ на жудоп, амэ на ӷуляс андэ политика и на служысарас андэ халавдэ. Амэ на шаспэ пэ мануша, савэ на полэн лэ Иеговас, и важ када вонэ на стон патив пар мэндэ. (Адиносар Иоанна 15:19d; Римлянам 12:2).

6. Сави бари дила о Иегова поможысардя тэ стерэн пэстирэ служытелёнэнди?

⁶ Хоть о миро на стол патив пар мэндэ, о Иегова всаек через амэндэ терэл фартэ бари дила. Адес пэ ԥув росԥэнэнпэ пала Дэл кадя бут, сар никала. Пала кадэя дила диқэл о Иегова. Лэстирэ служытеля вимэкэн и журналоря, савэ пэрэандярэн пэ само бут шыба. И вимэкэн лэн май бут, чем любо авэр журнало андэ люма. Кадяжэ вонэ через и Библия поможын лэ манушэнди, кай и жызня лэндэ тэ авэл май бахтали. Кати лэ Иеговастирэ зорэса и мануша, пала савэ о миро гиндой, кай вонэ нисо на ашэн, моӷут тэ стерэн кацави бари дила. Но со можно тэ ԥэнэс пала кажно андар мэндэ? Можэт о Иегова тэ поможый тэ авас май зоралэ? Если да, тоди со трэбуй важ када тэ терас? Роздиқам трин маменторя, савэнди амэ сытювас кай о апостоло Павло.

НА НАДЕИНПЭ ПЭ ПЭСКО ЗОР

7. Сости амэ сытювас кай о Павло?

⁷ Сости амэ сытювас кай о Павло? Пэрво, кала служысарас лэ Иеговасти, нащи тэ гиндосарас, кай вся стераса кати пэстирэ зорэса и кодэлэса, кай амэндэ вся драго вижал. Здэлпэ, кай лэ Павлостэ сас вся, важ кода кай тэ абурой пэса и тэ гиндой, кай вся можэт тэ стерэл кати пэстирэ зорэса. Во вибареля андо форо Тарсо. Када сас ӷлавно форо андэ Киликия. Кадэва форо сас лашо и во сас фартэ ашунгло кодэлэса, кай котэ дэнас лащи образования. О Павло сас ӷрамотно мануш. Лэс сытярэлас о Гамалиило, саво сас ек анда ашунглэ барэ мануша, савэ драго полэнас андэ иудейско вера (Деяния 5:34; 22:3). И сас время, кала по Павло стонас бари патив и иудеёря. Во ԥэндя: «Мэ ритяравас о иудейско законо май фартэ всаворэндар, ко сас андэ мэрнэ бэрша машкар мэрно народо» (Галатам 1:13, 14; Деяния 26:4). Но о Павло на надеияспэ кати пэр пэстэ.

8. а) Сар пистромэ андэ Филиппийцам 3:8, сар о Павло диқэлас пэ кода, со ашадя? б) Васо во лошавэлас, кала лэсти на дохутилэлас зор?

⁸ О Павло сас лошало тэ ашавэл вся, через со во сас ашунгло машкар миро. Во поля, кай када вся, сар гуной. (Адиносар Филиппийцам 3:8e.) Во бут со пэрэандярдя, кай тэ ашэл лэ Иисусостирэ ученикоса. Лэс нэнавидели мануша анда лэско народо (Деяния 23:12—14). Ай кодэла, каса лэстэ сас ек ӷражданство, марэнас лэс и стонас андо баруно (Деяния 16:19—24, 37). Во кадяжэ фартэ пэрэжывал, кай лэстэ дэсо на вижалас тэ терэл правильно (Римлянам 7:21—25). Но о Павло на домэкэлас, кай через кода, кай лэстэ най вся вижалас драго тэ терэл и через и вороӷоря лэстэ тэ умэкэнпэ и вас. Во всаек лошавэлас, хоть лэсти и на хутилэлас зор. Васо? Важ кода кай, кала лэсти на хутилэлас зор, во диқэлас, сар лэсти поможыяс о Дэл (2 Коринфянам 4:7; 12:10).

9. Сар трэбуй тэ диқас пэ кода, через со лэ мирости здэлпэ, кай амэ слаби?

⁹ Амэ камас, кай о Иегова тэ поможый амэнди и тэ дэл зор. Тоди на трэбуй тэ гиндосарас, кай амэ аваса май куч лэсти кати важ кода, кай амэндэ лашо зор, лащи образования, бут ловэ чи важ кода катар амэ. Машкар лэ Дэвлэско народо найбут кодэлэн, ко «годявэрно андэ лэ миростирэ яқа, най кадя бут кодэлэн, ко барэ мануша и ко анда ашунглэ еря. Наоборот, о Иегова витидя «кодэлэн, пала кастэ о миро гиндой, кай вонэ слаби» (1 Коринфянам 1:26, 27). Важ када на гиндон, кай тумэндэ на вижала тэ служын лэ Иеговасти, если тумэндэ нинай кода, пала со сас ԥэндо май упрэ. Ай фэдэр диқэн пэ када лащя ригатар. На бистрэн, тумэ най слаби, важ кода кай о Иегова дэл тумэнди зор. Можэт тумэ даран лэ манушэндар, савэ камэн, кай тумэ тэ на допатян андэ кода, со пистромэ андэ Библия. Тоди мангэнпэ лэ Иеговасти, кай о Иегова тэ дэл тумэнди смилость, кай тэ росԥэнэн лэнди, андэр со тумэ патян (Эфесянам 6:19, 20). Ай можэт тумэндэ проблема лэ зорэса чи лэ нервэнца чи депрессия и через када тумари жызня ашэля фартэ ԥари. Тоди мангэн лэ Иеговас тэ дэл зор, саво трэбуй, кай тэ на парашэн тэ терэн лэсти дила. Кажно разо, кала диқэн, сар о Иегова поможый тумэнди, тумэ лэн инке май фартэ тэ патян лэсти и полэна, кай лэ Иеговастирэ зорэса тумэ можэте тэ стерэн кода, со сас най па тумаро зор.

СЫТЁН КОДЭЛЭНДАР, ПАЛА КАСТЭ ПИСТРОМЭ АНДЭ БИБЛИЯ

10. Васо амэнди трэбуй тэ сытювас кодэлэндар, пала кастэ пистромэ андэ Библия, например, андэ Евреям 11:32—34?

¹⁰ О Павло часто сытёлас па Писания. Во бут сости сытеля лэ манушэндар, пала савэ во адинояс, и савэ на парашэнас тэ кандэн лэ Дэвлэс. Андэ пэско письмо лэ христианонэнди, савэ сас евреёря, о Павло мангля лэн тэ погиндон пала дэсавэ служытеля. (Адиносар Евреям 11:32—34f.) Ек андар лэндэ сас о царё Давидо. Во пэрэандярдя ԥаримос най кати лэ вороӷонэндар, но и кодэлэндар, ко сас варикала лэстирэ друӷонэнца. Подам дума пала Давидо и погиндосарам, сар кода, со сас андэ лэстири жызня, файма, подритярэлас лэ Павлос. Кадяжэ амэ подаса дума, сости амэ можэм тэ сытювас лэ Павлостар.

11. Васо здэласпэ, кай лэ Давидостэ слабо зор? (Диқэн и картинка пэ обложка.)

¹¹ О Голиафо, саво сас зорало воино, гиндояс, кай лэ Давидостэ слабо зор. Кала во лэс додиқля, во подасаяпэ лэстар. И понятно васо. О Голиафо сас май баро лэстар, лэстэ сас май лащи оружыя и во ӷанэнас май драго тэ марэлпэ. Насупротив лэстэ о Давидо, здэласпэ бэятоса, саво совсем на ӷанэнас тэ марэлпэ и савэстэ на сас оружыя. Но па чачимастэ, о Давидо сас пэ бутэстэ май зорало, чем здэласпэ. Во надеияспэ по Иегова, и во поможысардя лэсти тэ победий лэ вороӷос (1 Самуила 17:41—45, 50).

12. Саво инке ԥаримос прижыляпэ тэ пэрэандярэл лэ Давидости?

¹² Кай о Давидо сас инке авэр ԥаримос, через саво лэстэ сас фартэ ԥарэс по ди. Во на парашэлас анда вся оди тэ служый лэ Саулости, савэс о Иегова стодя царёса андо Израилё. Спэрва о Сауло столас патив по Давидо. Но потом во ля тэ завидуий лэсти через пэстири ӷордость. О Сауло ля вэрыто пэс тэ андярэл лэса и дажэ камэлас тэ умарэл лэ Давидос (1 Самуила 18:6—9, 29; 19:9—11).

13. Сар андярэлас пэс о Давидо, кала о царё Сауло андярэлас пэс лэса кадя, сар во на затердя?

¹³ О Давидо на парашэлас тэ стол патив по Сауло, савэс о Иегова стодя царёса, хоть во и андярэлас пэс лэ Давидоса кадя, сар во на затердя (1 Самуила 24:6). О Давидо на дошалярэлас лэ Иеговас важ вся вэрыто, со стердя лэсти о Сауло. Наоборот, во надеияспэ по Иегова и патялас, кай во дэла лэсти зор тэ пэрэандярэл кадэва ԥаримос (Псалом 18:1 и кода, со пистромэ англа пэрво стихо).

14. Соса лэ Павлоско ԥаримос шоласпэ по Давидоско?

¹⁴ Лэ Павлоско ԥаримос шоласпэ пэ кода, со сас кай о Давидо. Лэ Павлостирэ вороӷоря сас пэ бутэстэ май зоралэ, чем во. Бут барэ мануша анда веры и анда политика, савэ сас андэ кодэя время, вэрыцынас лэ Павлос. Часто вонэ приԥэнэнас, кай лэс тэ марэн и тэ шон андо баруно. Сар и лэ Давидоса, кадяжэ и лэ Павлоса найдраго андярэнас пэс и мануша, савэ трэбуй сас лэс тэ подритярэн. Дэко анда христианоря дажэ жанас против лэстэ (2 Коринфянам 12:11; Филиппийцам 3:18). Но о Павло победисардя всаворэн, ко жалас против. Сар? Во на диқэлас по ԥаримос и на парашэлас тэ росԥэнэн важ о Дэл. Кадяжэ во на парашэлас тэ любий пэстирэ ԥралэн и ԥэян, хоть через лэндэ, лэсти сас ԥарэс по ди. Но со май ӷлавно, о Павло жы каринг пэсти смэрть на парашэля тэ кандэл лэ Дэвлэс (2 Тимофею 4:8). Во пэрэандярдя кадэва ԥаримос, важ кода кай во надеияспэ най пэ пэско зор, ай по Иегова.

15. Со трэбуй тэ улас и сар?

¹⁵ Прижылясаспэ тумэнди тэ тэрпин, кала пэр тумэндэ ԥэнэн найлашэ алава чи кода, кай долэнпэ кодэла, каса сытён андо ек класо? Ай можэт кодэла, каса терэн бути чи тумаро родо, саво на патял андо Иегова? Ай можэт тумэнца андярдэ пэс найдраго андэ собрания? Если тумэнца кацаво сас, на бистрэн пала кода, со сас лэ Давидоса и лэ Павлоса. Тумэ всегда можэте тэ улэн «и холи лашимаса» (Римлянам 12:21). Кала и мануша жан против тумэндэ, тумэ трэбуй най тэ марэнпэ лэнца, сар о Давидо лэ Голиафоса, ай тэ победин и холи кодэлэса, кай поможына лэнди тэ уӷанэн пала Иегова и пала Библия. Тумэндэ када вижала, если тумэ лэна тэ заадинон атветоря анда Библия кодэлэнди, ко тумэндар варисо пушэл. Ай кадяжэ победина тоди, кала тумэ лэна тэ стон патив и драго тэ андярэн пэс кодэлэнца, ко андярэл пэс найдраго тумэнца. Ай кадяжэ если лэна тэ терэн лашимос всаворэнди, дажэ пэстирэ вороӷонэнди (Матфея 5:44; 1 Петра 3:15—17).

ПРИЛЭН О ЛАШИМОС АВРЭНДАР

16, 17. Со о Павло никала на бистрэлас?

¹⁶ Англа кода, сар тэ ашэл христианиноса, о апостоло Павло сас наӷло мануш, саво ӷонияс лэ Иисусостирэ учениконэн (1 Тимофею 1:13; Деяния 7:58). Екжэно о Иисусо на домэкля лэ Павлос, савэс тоди ӷанэнас, сар Савл, тэ ӷоний лэ христианонэн. Во задя дума лэ Павлоса па нэбо и стердя кадя, кай во тэ парашэл тэ диқэл. Кай упалэ тэ диқэл, лэ Павлости прижыляпэ тэ мангэл помощь кодэлэндар, кас во ӷонияс. Во на гиндояс пала пэстэ бут и приля и помощь лэ христианиностар, савэс ақарэнас Анания. И ля упалэ тэ диқэл (Деяния 9:3—9, 17, 18).

¹⁷ Прожыля время, и о Павло ашэля ашунглэ манушэса андэ христианско собрания. Но во никала на бистрэлас, со сас, кала лэса задя дума о Иисусо па нэбо. О Павло старыияспэ никала тэ на гиндой пала пэстэ бут. Ай кадяжэ во прилэлас и помощь, сави дэнас и ԥрала и ԥэя, и ԥэндя: «Вонэ линэ фартэ ман тэ подритярэн» (Колоссянам 4:10, 11).

18. Со дэкасти на дэл тэ прилэн и помощь аврэндар?

¹⁸ Сости амэ можэм тэ сытювас кай о Павло? Сар кати амэ уӷанглям лэ Дэвлэстирэ служытелёнэн, амэ самас лошалэ, кала амэнди поможынас. Важ кода кай поласас, кай амэ инке бут со на ӷанас анда Библия и амэнди трэбуй бут со тэ полас (1 Коринфянам 3:1, 2). Ай сар акана? Ԥэнаса, амэ служысарас лэ Иеговасти бут бэрша и бут со ӷанас тэ терас. Тоди амэнди можэт и тэ на камэлпэ тэ прилас и помощь. И май фартэ кодэлэндар, ко болделя посли амэндэ. Но о Иегова часто подритярэл амэн через и ԥрала и ԥэя (Римлянам 1:11, 12). Амэнди трэбуй када тэ полас, если камас, кай о Иегова тэ на парашэл тэ дэл амэнди пэско зор.

19. Со поможысардя лэ Павлости тэ стерэл фартэ бут лащи дила?

¹⁹ О Павло стердя фартэ бут лащи дила, кала ашэля христианиноса. Со лэсти поможысардя? Во поля, кай ӷлавно най кода, катар о мануш, скати лэстэ зор, сави образования чи скати лэстэ ловэ. Ай ӷлавно кода, кай о мануш тэ надеийпэ по Иегова и тэ на гиндой пала пэстэ бут. Тоди лэстэ вижала тэ стерэл бут лащи дила. Ласа тэ сытювас лэ Павлостар и тэ сэрас кадэла важни гиндоря. Пэрво, трэбуй тэ надеисавас по Иегова. Дуйто, трэбуй тэ сытювас кодэлэндар, пала кастэ пистромэ андэ Библия. И трито, тэ прилас и помощь лэ ԥралэндар и лэ ԥэяндар. Тоди, сар бы амэнди ԥарэс тэ на авэл, о Иегова дэла амэнди пэско зор тэ виритярас вся!