«Мэ бут сости сытелэм аврэндар»

Кода, со сас андэ кодэя рят, фартэ парудя мэрни жызня. Кодэла времятар мэ лэм тэ родав лэ Дэвлэс. Но англа кода, сар мэ тэ росԥэнав, со сас потом, спэрва мэ камав тэ росԥэнав, сар мэ барелэм и васо мэ закамлэм май бут тэ уӷанав пала Дэл.

СЫТЮВАВ ЛЭ ДАДЭСТАР

Мэ арақаделэм андо 1937 бэрш андо форо Генена андэ Франция, кай сас бут шахты. Мэрно дад сас шахтёро. И во сытярдя ман тэ любисарав тэ терав дила и тэ авав фартэ справедливо. Мэрно дад фартэ пэрэжывал пала авэр шахтёроря, савэ терэнас ԥари бути и лэсти камэласпэ варисо тэ парувэл. Важ када во терэлас дила андэ профсоюзоря и жалас пэ забастовки. Инке лэсти фартэ на чалёлас, сар андярэн пэс и рашая. Вонэ притерэнаспэ, кай патян андо Дэл. Бут андар лэндэ сас фартэ барвалэ и вимангэнас о хамос и ловэ кай и шахтёроря, савэ и кадя жувэнас фартэ чорорэс. Мэрно дад гиндояс, кай и рашая фартэ наӷло пэс андярэн, и важ када во нисо на камэлас тэ ӷанэн пала Дэл и манца на дэлас дума пэ кадэя тема.

И мэ сытелэм лэ дадэстар тэ вэрыцысарав и нэсправедливость, сави сас везде кай на бандюв. Например, манди фартэ на чалёлас, кай бут миро андэ Франция вэрыцынас лэ манушэн, савэ пэрэлаглэ лэндэ анда авэр страна. Манди чалёлас тэ цэлавпэ лэ бэятонэнца анда авэр нацыя. Мэ совсем на шавас сама, сави лэндэ нацыя. Кадяжэ кай мэрни дэй сас авэр нацыя. Вой сас полячка. И манди камэласпэ, кай всаворэ мануша тэ ладин ек еқэса и тэ жувэн мирно и тэ стон патив ек пэ ек!

ЗАГИНДОСАВАВ ВАСО МЭ ЖУВАВ

Андо 1957 бэрш ман залинэ андэ халавдэ. Ман бишалдэ тэ служысарав андо Алжиро. Котэ манца и тердяпэ вся, пала со мэ росԥэндэм спэрва. Посли кода, сар мэ зацыписайлэм: «Дэвла, поможысар манди!», мэ додиқлэм, кай када сас най вороӷо, ай дыко ишако. Сар жэ мэ обрадосайлэм, кай на прижыляпэ никас тэ умарав! Посли кода, сар мэ диқлэм и война, мэ загиндосайлэм, васо амэ жувас. Трэбуй амэ лэ Дэвлэсти? И авэла варикала мирно и спокойно?

Потом, кала мэ лаглэмтар андо отпуско каринг мэрнэ родителя, мэ уӷанглэм еқэ лэ Иеговастирэ свидетелёс. Во манди подарисардя и Библия. Кала мэ рисайлэм андо Алжиро, мэ лэм ла тэ адиносарав. Май фартэ манди чалелэ и алава анда Откровение 21:3, 4: «Мэ ашундэм, сар кодэва, ко сас по престоло ӷромко ԥэндя: „Акэ, бари лэ Дэвлэстири катуна машкар и мануша, и во лэла лэнца тэ жувэл. [...] Тоди во виқосэла всаворэ ясва па лэндирэ яқа, и смэрть будэр на авэла, нисави бида, ни дук будэр на авэла“». Мэ фартэ удивисайлэм кодэлэсти, со котэ пистромэ. И манди на патяласпэ, чаче кадя авэла? Кодэя время мэ почти нисо на ӷанавас ни пала Дэл, ни пала Библия.

Андо 1959 бэрш, кала мэ рисайлэм цэрэ, мэ уӷанглэм инке еқэс лэ Иеговастирэ свидетелёс, савэс ақарэн Франсуа. Во поможысардя манди тэ уӷанав май бут анда Библия. Например, во манди росԥэндя, кай лэ Дэвлэстэ исин алав. Лэс ақарэн Иегова (Пс. 83:18). О Франсуа кадяжэ росԥэндя манди, кай о Иегова стерэла кадя, кай пэ ԥув авэла раё, авэла справедливость и кадяжэ стерэнапэ и алава анда Откровение 21:3, 4.

Кода, со мэ уӷанавас анда Библия сас фартэ понятно и ля ман лэ одестар. Через кода, кай мэрно дад сытярэлас ман тэ авав справедливо, мэ лэм тэ холявав инке май фартэ пэ рашая. Мэ полэм, кай вонэ на сытярэн па Библия и мэ камавас лэнди андэ яқа тэ ԥэнав, кай вонэ терэн нэправильно! Манди сас ԥарэс тэ зритярдював.

О ԥрал Франсуа и авэр лэ Иеговастирэ свидетеля, савэнца мэ подружысайлэм, поможысардэ манди тэ ритярав пэс андэ вас. И блаӷодаря лэнди мэ полэм, кай важ амэндэ май важно, най тэ сындосарас лэ манушэн, ай тэ росԥэнас лэнди о чачимос пала лэ Дэвлэско Царство. Именно кадя и терэлас о Иисусо. Кадяжэ трэбуй тэ терас и амэ (Матф. 24:14; Луки 4:43). Ай инке манди трэбуй сас тэ сытював тэ дав дума драго и ковлэс всаворэ манушэнца и тэ на шав сама, андэр со вонэ патян, важ кода кай андэ Библия пистромэ: «Лэ Ӷосподоско рабо на трэбуй тэ ӷулел андо споро. Но во трэбуй тэ андярэл пэс всаворэнца ковлэс» (2 Тим. 2:24).

Мэ бут со парудэм андэ мэрни жызня и андо 1959 бэрш мэ ашэлэм лэ Иеговаско свидетелё и болделэм по раёно канӷрэсо. Котэ мэ диқлэмпэ ла ԥьяса, савя ақарэн Анжель. Вой манди фартэ чалеля. Мэ лэм тэ ԥирав пэ собрания, андэ сави вой ԥирэлас, и андо 1960 бэрш амэ пожэнисайлям. Вой райкани манушни, лащи хулаи и кучутно подарко лэ Иеговастар (Прит. 19:14).

МЭ БУТ СОСТИ СЫТЕЛЭМ КАЙ И МУДРИ ԤРАЛА, САВЭ НАЙ ЕК БЭРШ СЛУЖЫН ЛЭ ИЕГОВАСТИ

Мэ бут сости сытелэм кай и мудри ԥрала. Блаӷодаря лэнди мэ полэм, кай тэ стерэс и ԥари дила, трэбуй тэ авэс най ӷордо и тэ сэрэс и алава анда Притчи 15:22: «Кала приашундёс каринг кода, со тути подԥэнэн, анэна лашимос».

Андо 1964 бэрш мэ ашэлэм раёно надзирателё. Именно кадэла алава анда Притчи фартэ придинэ манди зор. Манди кати сас 27 бэрш и мэ на ӷанавас инке, сар када драго тэ терав. Сар тэ подритярав лэ ԥралэн и лэ ԥэян. Канешно, дэкала мэ теравас варисо най кадя. Тоди и ԥрала старыинаспэ тэ подԥэнэн манди. Важ мандэ сас фартэ куч лэндирэ советоря.

Акэ, со сас манца, сар мэ кати лэм тэ служысарав, сар раёно надзирателё. Еқвар, кала мэ авелэм андэ собрания андо Парижо и трэбуй сас ужэ тэ уладав, ек ԥрал, саво дэлмут служый лэ Иеговасти, пашэля каринг мандэ и ԥэндя: «Моӷу мэ туса тэ подав дума?» Мэ ԥэндэм: «Канешно». И тоди во пушля: «Кала о врачо авэл андэ варисаво цэр, кас во камэл тэ диқэл?» Мэ лэсти ԥэндэм: «Лэ насвалэ манушэс». Ай во манди: «Ни акэ, ай мэ шутэм сама, кай ту май бут время проандярэс кодэлэнца, кастэ ужэ лащи дружба лэ Иеговаса, кастэ вся драго, например, лэ старейшынонэнца андэ собрания. Но амэндэ жэ исин бут ԥрала и ԥэя, савэнди ԥарэс, савэ лажавнэ, савэ кати линэ тэ служын лэ Иеговасти. И вонэ авэна фартэ лошалэ, если ту шоса сама лэн или авэса каринг лэндэ по обедо».

Мэ фартэ блаӷодарно, кай о ԥрал подтидя кацавэ годявэрнэ алава! Дицолас, кай во анда вся оди любий лэ ԥралэн и лэ ԥэян андэ собрания, и када фартэ ля ман лэ одестар. Важ када мэ отшутэм пэстар и ӷордость и сразу лэм кадя тэ терав. Мэ фартэ блаӷодарно лэ Иеговасти, кай исин кацавэ ԥрала.

Андо 1969 и 1973 бэрш манди ԥэндэ тэ орӷанизую, кай лэ ԥралэндэ и лэ ԥэяндэ, савэ авэн по канӷрэсо, тэ авэл хамос, кай лэн тэ праварэн. Када сас пэ канӷрэсоря, савэ прожанас андо форо Коломбо паша Парижо. По канӷрэсо андо 1973 бэрш трэбуй сас тэ стерав кадэя дила кадя, кай тэ хан 60 000 мануша! О хамос трэбуй сас тэ хутилэл пэ панч дес. На пэрэдэса алавэнца, сар мэ дэ фартэ пэрэжывал. Но упалэ манди поможысардэ и алава анда Притчи 15:22. Мэ манглэм совето кай и ԥрала, савэ драго розлэнаспэ андэ кадэя дила. Сас и ԥрала, савэ залэнпэ масэса, савэ барярэн и овощи и кодэла, ко затинэнас о хамос. Вмести лэнца мандэ вижыля тэ стерав кадэя дила, сави мэ екжэно на стердоп.

Андо 1973 бэрш амэн ла хулаяса ақардэ тэ служысарас андо Вефилё андэ Франция. И пэрво дила, сави манди динэ, сас найвушэро. Манди трэбуй сас тэ андярав литература андо Камеруно, андэ африканско страна. Ай котэ лэ 1970 бэршэстар жы кай 1993 бэрш амари дила сас заԥандади. И упалэ мэ на ӷанавас, со тэ терав. Пэ када шутя сама ек ԥрал, саво андэ кодэя время служыяс надзирателёса андо филиало андэ Франция. Во подритярдя ман кацавэ алавэнца: «Амарэ ԥралэнди андо Камеруно фартэ трэбуй амари литература, сави придэла лэнди зор. Давай ла одындяраса!» И амэ одындярдям.

Мэ най еқварэс диқаваспэ лэ старейшынонэнца, савэ служынас андо Камеруно и най еқварэс ездисаравас андэ страны, савэ сас паша лэстэ. Кадэла смили и осторожни ԥрала поможынас манди тэ анав литература андо Камеруно. О Иегова блаӷословисардя амари дила. Важ 20 бэрш, скати сас котэ о запрето, кай лэ Иеговаско народо андо Камеруно, сас всаворэ журналоря анда «Сторожэво башня» и сас «Наше священное служение».

МЭ БУТ СОСТИ СЫТЕЛЭМ БЛАӶОДАРЯ МЭРНЯ ХУЛАЯТИ

Кала амэ кати общялись, мэ ужэ полэм, кай и Анжель всаворэ одеса любий лэ Иеговас. Ай кала амэ пожэнисайлям, мэ када додиқлэм андэр латэ инке май фартэ. Например, посли ябьяв вой мангля ман тэ ԥэнав лэ Иеговасти андэ молитва, кай акана амэ вмести ласа тэ отдас вся о зор лэ Иеговасти андэ служэния. И о Иегова ашундя амари молитва.

Ай инке блаӷодаря мэрня хулаяти, мэ сытелэм май фартэ тэ патяв лэ Иеговасти. Например, кала андо 1973 бэрш амэн ақардэ андо филиало, мэ на грабисававас тэ прилав и ришэния, важ кода кай мэ любисаравас тэ служысарав сар раёно надзирателё. Но и Анжель ԥэндя, кай амэ отдям лэ Иеговасти пэстири жызня. Тоди хэба на трэбуй тэ терас вся, пала со амэн мангэл лэстири арӷанизацыя? (Евр. 13:17). Пэ када мэ нисо нэ моӷ тэ ԥэнав, и амэ лям тэ служысарас андо Вефилё. Мэрни хулаи фартэ мудро, годявэрни манушни, сави па чачимастэ любий лэ Иеговас. Ужэ бут бэрша мэ диқав, сар вой пэс правильно андярэл и сави вой. Кадэлэстар амаро ери май лашо и май бахтало. И када поможый, кай амэ тэ прилас правильни ришэнии.

Прожылэ бэрша, ай мэрни хулаи на парашэл ман тэ подритярэл. Например, бут теократически школы прожан пэ английско шыб. Важ када амэ закамлям тэ сытювас май драго тэ дас дума пэр латэ. Амэ пэрэжылям андэ английско собрания, хоть амэнди сас тоди ужэ май бут чем 70 бэрш. Тэ сытювас кодэя шыб сас найвушэро, важ кода кай мэ служысарав андо Камитето филиала андэ Франция и мандэ котэ бут дила. Но мэ и мэрни хулаи поможысарас ек еқэсти, кай тэ сытювас авэр шыб. Акана, кала амэнди май бут чем 90 бэрш, амэ на парашас тэ ӷотовимся каринг и собрании пэ английско и пэ француско шыб. Амэ кадяжэ старысавас тэ дас каминтарии пэ собрании и тэ росԥэнас вмести лэ ԥралэнца и лэ ԥэянца пала Дэл. Ԥэнава, кай о Иегова блаӷословисардя амэн, кай амэ сытювас английско шыб.

Андо 2017 бэрш амэн ақардэ тэ сытювас андэ Школа важ кодэла ко андэ комитето филиала и важ лэндирэ хулая́. Кадэя школа прожалас андо Учебно цэнтро Сторожэво башня андо Паттерсоно (штато Нью-Йорко, США). Када сас розлашо подарко лэ Иеговастар важ амэндэ.

О Иегова па чачимастэ Само баро учителё (Ис. 30:20). Важ када кай лэ Иеговастирэ служытеля, со май лащи образования. И нэ важно ԥурэ вонэ чи тэрнэ (Втор. 4:5—8). Мэ диқавас, сар кай и тэрнэ ԥрала и ԥэя и дружба лэ Иеговаса ашэлас май лащи. Лэнди андэ када поможыяс, кай вонэ кандэнас лэ Иеговас и приашундёнас каринг и ԥрала и ԥэя, савэ най ек бэрш служын лэ Дэвлэсти. Савэ жэ лашэ алава андэ Притчи 9:9: «Сытяр кодэлэс, ко мудро, и во ашэла инке май мудро. Сытяр праведнонэс, и во авэла тэ ӷанэн инке май бут»!

Дэкала мэ сгиндосарав кодэва дес, кала варикай 60 бэрш палпалэ, сымас пэ война андо Алжиро. Тоди мэ и представить пэсти нэ моӷ, скати лашимос ман аштярэл англэ. Мэ бут сости сытелэм аврэндар. О Иегова подарисардя манди и мэрня хулаяти бахтали жызня, андэ сави фартэ бут блаӷословении. Амэ камас тэ на парашас тэ сытювас кай о Иегова, ай кадяжэ кай амарэ мудри ԥрала и ԥэя, савэ лэс любин и савэ ужэ най ек бэрш служын лэ Иеговасти.