Васо о Иисусо ровэлас?

1—3. Васо лэ Иеговастирэ служытеля моӷут тэ ровэн?

КАЛА послиднё разо тумэ ровье? Канешно, дэкала амэ можэм тэ ровас радостятар. Но май часто — кала амэнди ԥарэс по ди. Например, кацаво можэт тэ авэл, кала варико муля. И ԥэй анда США, савя ақарэн Лораb, пистросардя: «Мэ хасардэм пэстиря бэята, и дэкала сас кадя ԥарэс, кай манди сас нисо нэ мило. Андэ кацавэ маменторя, мэ нащи полавас, сар мэрно ди инке можэт тэ марэлпэ».

² Амэ можэм тэ ровас и па авэр причины. Ек пианерка анда Япония, савя ақарэн Хироми, росԥэнэн: «Мандэ моӷут тэ умэкэнпэ и вас, кала андэ служэния и мануша на камэн тэ ашунэн. Дэкала мэ дажэ ясвэнца мангавпэ, кай тэ виарақав хоть еқэ манушэс, саво камэла тэ ашунэн пала Дэл».

³ Можэт и амэндэ, сар кай кадэла ԥэя, сас кацаво жэ по ди (1 Пет. 5:9). Амэ камас тэ служысарас лэ Иеговасти радостяса (Пс. 100:2). Но дэкала амэ ровас, кала хасардям варикас анда чаче, кала умэкэнпэ и вас или кала ԥарэс тэ ашаспэ предани лэ Дэвлэсти (Пс. 6:6). Со амэ можэм тэ терас, кай тэ улас кацавэ гиндоря?

4. Пала со уӷанаса анда кадэя статья?

⁴ Амэнди можэт тэ поможый лэ Иисусоско примеро. Дэкала лэсти сас кадя ԥарэс, кай во дажэ ровэлас (Луки 19:41; 22:44; Иоан. 11:35; Евр. 5:7). Давайте роздиқаса трин кацавэ случаёря и уӷанаса, сости амэ можэт тэ сытювас. Кадяжэ амэ подаса дума пала лашэ советоря, савэ поможына, кала амэнди кадя ԥарэс, кай аж камэлпэ тэ ровас.

МУЛЯ О ДРУӶО

5. Со амэ уӷанас пала Иисусо анда Иоанна 11:32—36?

⁵ Ӥвэндэ андо 32 бэрш н. э. лэ Иисусоско пашутно друӷо о Лазарё занасвайля и муля (Иоан. 11:3, 14). Кай о Лазарё сас дуй ԥэя, Марфа и Мария. Кадэлэ ерес о Иисусо фартэ любияс. Лэнди сас фартэ ԥарэс, кала муля лэнго ԥрал. Посли кода, сар тердяпэ кадэя бида, о Иисусо авеля андэ Вифания, кай жувэнас и Марфа и Мария. Кала и Марфа ашундя, кай авеля о Иисусо, вой прастая каринг лэстэ. Прецтавьте, со латэ сас по ди, кала вой ԥэндя: «Ӷосподо, тэ авелоп ту катэ, мэрно ԥрал на мулиноп» (Иоан. 11:21). Кала о Иисусо додиқля, кай лэ Лазарёстирэ ԥэя и авэр мануша ровэн, во тожэ на зритярдя и ясва. (Проадинон Иоанна 11:32—36.)

6. Васо о Иисусо ровья андэ кадэва случаё?

⁶ Васо о Иисус ровья андэ кадэя ситуацыя? Андэ «Понимание Писания» исин кацаво атвето: «О Иисусо ԥарэс сԥурдя и заровья, важ кода кай муля лэско друӷо, и кай диқля, сар дэ ԥарэс лэ Лазарёстирэ ԥэянди»c. Можэт, о Иисусо погиндосардя, сар лэско друӷо мучияспэ лэ насвалимастар или сар дэ страшно сас лэ Лазарёсти, кала во полэлас, со лэс аштярэл. Кадяжэ лэ Иисусости сас ԥарэс тэ диқэл, кай и Марфа и Мария умардэ бидаса. Если варико хасардя пэстирэ чачес, то, канешно, лэстэ кацаво жэ по ди. Сости амэ сытювас анда кадэва случаё? Роздиқаса трин маменторя.

7. Со амэ уӷанас пала Иегова анда кода, кай о Иисусо заровья?

⁷ О Иегова полэл, со тумэндэ по ди. О Иисусо андэ вся сас кацаво жэ, сар лэско Дад (Евр. 1:3). Па лэ Иисусостирэ ясва дицолас, со сас по ди кай о Иегова (Иоан. 14:9). Если тумэ хасардэ варикас анда пэстирэ чаче, тумэ можэте тэ патян: о Иегова най кати диқэл, кай тумэнди ԥарэс, — лэсти кадя жэ больно, сар и тумэнди. Во камэл тэ улэл о ԥаримос па тумаро ди (Пс. 34:18; 147:3).

8. Васо амэ можэм тэ патяс, кай о Иисусо рия каринг и жызня амарэ чачен, савэ нинайлэ?

⁸ О Иисусо камэл тэ рий каринг и жызня кодэлэн, ко тумэнди куч. Англа кода, сар тэ заровэл, о Иисусо ԥэндя ла Марфати: «Тиро ԥрал ущела» (Иоан. 11:23—27). И Марфа патялас лэ Иисусости. Сар предано лэ Дэвлэстири служытельница, вой ӷанэнас, кай дэлмут о пророко Илья и о Елисеё ужэ ринас лэ мулэн (1 Цар. 17:17—24; 2 Цар. 4:32—37). И возможно, вой ашундя, сар екжэно о Иисусо рисардя дэсавэ манушэн каринг и жызня (Луки 7:11—15; 8:41, 42, 49—56). Амэ можэм тэ авас уверени, кай упалэ диқаса кодэлэн, кас хасардям. Погиндон: о Иисусо дя тэ ровэл, кала подритярэлас пэстирэ друӷонэн, и сыкадя, кай лэсти най всаек, кала варико мэрэл. Во фартэ аштярэл и время, кала сможэт тэ рий кодэлэн, ко амэнди куч!

9. Сар амэ можэм па лэ Иисусоско примеро тэ подритярас кодэлэн, кастэ тердяпэ бида? Росԥэнэн примеро.

⁹ Подритярэн кодэлэн, кастэ тердяпэ бида. О Иисусо най кати ровэлас ла Марфаса и ла Марияса, но и виашунэлас и подритярэлас лэн. Амэ кадяжэ можэм тэ подритярас кодэлэн, ко умардо бидаса. Ек старейшына анда Австралия, савэс ақарэн Дэно, росԥэнэн: «Кала муля мэрни хулаи, манди трэбуй сас подержка. Дэсавэ ԥрала и ԥэя сас ӷотови ман тэ виашунэн о дес и рят. Англа лэндэ мэ моӷ свободно тэ ровав, и вонэ ман важ када на сындонас. Дэкала мандэ совсем на сас зор, и вонэ сас ӷотови тэ поможын манди па цэр, например, тэ вихалавэн и машына или тэ тинэн и тэ гитон тэ хан. Инке вонэ часто манца мангэнаспэ. Кадя вонэ сыкадэ, кай чачунэ друӷоря, пэ савэ всегда можно тэ надеиспэ» (Прит. 17:17).

ПЭРЭЖЫВАЛ ПАЛА МАНУША

10. Росԥэнэн о случаё, саво запистромэ андэ Луки 19:36—40.

¹⁰ О Иисусо авеля андо Иерусалимо 9 нисана андо 33 бэрш н. э. Кала во пашэля каринг о форо, и мануша линэ тэ буӷлярэн пэстири ӥда по дром — кадя вонэ сыкадэ, кай прижанэн лэс пэстирэ царёса. Када сас бахтали время. (Проадинон Луки 19:36—40.) Важ када и ученикоря нисар на аштярэнас, со авэла англэ. О Иисусо пашол каринг о форо, диқэл пэр лэстэ и дэл тэ ровэл. Ясвэнца во ԥэнэн, со авэла лэ манушэнца, савэ жувэн андо Иерусалимо (Луки 19:41—44).

11. Васо о Иисусо дя тэ ровэл важ о народо?

¹¹ Лэ Иисусости сас ԥарэс по ди. Васо? Хоть и мануша лэс кадя драго прилинэ, бут ко анда народо на закамля тэ ашунэн и лащи новость пала Царство. Важ када о Иерусалимо авэла розмардо, бутэ манушэн умарэна, ай кодэлэн, ко пэрэжувэла кадэя бида, залэна андо плено (Луки 21:20—24). Вся вижыля кадя, сар и ԥэндя о Иисусо. Ай сар и мануша котэ, кай тумэ жувэн, ашунэн и лащи новость пала Царство? Если ла прилэн фартэ мало мануша, сости амэ сытювас анда кода, кай о Иисусо дя тэ ровэл пала народо? Роздиқаса инке трин урокоря.

12. Со амэ уӷанас пала Иегова анда кода, кай о Иисусо дя тэ ровэл пала народо?

¹² О Иегова заботийпэ пала мануша. Лэ Иисусостирэ ясва напоминают амэнди, сар дэ фартэ о Иегова пэрэжывает пала мануша. Во «на камэл, кай варико тэ мэрэл, но камэл, кай всаворэ тэ каинпэ» (2 Пет. 3:9). Адес амэ сыкавас кацави жэ любовь каринг и мануша, сар о Иегова, если терас вся, кай тэ доандярас лэнди о чачимос пала Дэл (Матф. 22:39)d.

13, 14. Сар о Иисусо сыкавэлас, кай полэл и жалуий лэ манушэн и сар амэ можэм тэ сытювас лэстар?

¹³ О Иисусо терэлас бут дила андэ служэния. Во на умэкэлас и возможность тэ росԥэнэн лэ манушэнди пала Дэл (Луки 19:47, 48). Васо во кадя терэлас? О Иисусо любияс лэ манушэн, полэлас и жалуияс лэн. Дэкала кадя бут миро камэлас тэ ашунэл лэ Иисусос, кай «во и лэстирэ ученикоря нэ моӷли дажэ тэ хан» (Мар. 3:20). Кадяжэ во виарақэлас время дажэ и рят, если када сас удобно важ авэр (Иоан. 3:1, 2). Да, бут мануша, савэ спэрва ашунэнас лэ Иисусос, на ашэлэ лэстирэ ученикоря. Но кай кажно сас возможность тэ уӷанэн и лащи новость и тэ патял андэр лэстэ. Амэ тожэ камас, кай всаворэ мануша тэ ашунэн и лащи новость (Деян. 10:42). Кай тэ стерас када, амэнди трэбуй тэ авас ӷотови тэ парувас о подходо андэ амари служэния.

¹⁴ Авэн ӷотови тэ парудён. Если амэ на парувас о ӷрафико, кай тэ служысарас андэ разно время, тоди, возможно, амэ никала на виарақаса кодэлэн, ко камэл тэ уӷанэн пала Дэл. Ек пианерка, савя ақарэн Матильда, ԥэнэн: «Амэ лэ хуласа старысавас тэ служысарас андэ разно время. Тэсара амэ служысарас андэ дилово тиритория. Посли обедо, кала бут мануша аврял, амэ тердювас лэ стэндонэнца. Ай ужэ вэчэром жас цэр цэрэстар». Канешно, тумэндэ ужэ исин пэско ӷрафико важ и служэния. Но если тумэ камэн май бутэ мирости тэ росԥэнэн пала Дэл, витидэн кацави время важ и служэния, андэ сави май удобно най тумэнди, ай лэ манушэнди. Тоди о Иегова лэла тэ радуийпэ и авэла амэнца довольно.

ДАРАЛАС, КАЙ ПОДВЭДИЯ ПЭСТИРЭ ДАДЭС

15. Со сас андэ послиднё рят англа лэ Иисусостири смэрть, сар запистромэ андэ Луки 22:39—44?

¹⁵ И рят 14 нисана андо 33 бэрш н. э. о Иисусо авеля андо Гефсиманско садо. Котэ во андэ молитва росԥэндя лэ Иеговасти вся, со сас лэстэ по ди. (Проадинон Луки 22:39—44.) О Иисусо най ек часо «фартэ ровэлас и ясвэнца анда вся оди мангэласпэ» (Евр. 5:7). Пала со о Иисусо мангэлас лэ Дадэс андэ послиднё рят англа пэстири смэрть? Тэ ашэлпэ лэсти предано и тэ стерэл, со во камэл. О Иегова ашундя пэстирэ Шавэстири молитва и бишалдя каринг лэстэ лэ анӷелос, кай тэ подритярэл лэс.

16. Васо о Иисусо ровэлас, кала мангэласпэ андо Гефсиманско садо?

¹⁶ Васо о Иисусо ясвэнца мангэласпэ андо Гефсиманско садо? Во пэрэжывал, кай лэс трэбуй тэ казнин сар манушэс, саво позорит лэ Дэвлэс. Кадяжэ пэр лэстэ сас бари отвецтвеность тэ злэл о позоро па лэ Дадэско алав. Дэсавэндэ адес тожэ ԥари время, андэ сави трэбуй тэ дицол, пэскати вонэ предани лэ Иеговасти. Сости тоди тумэ можэте тэ сытён лэ Иисусостар? Роздиқаса инке трин важни урокоря.

17. Со амэ уӷанас пала Иегова анда кода, сар во атветил лэ Иисусости пэ молитва?

¹⁷ О Иегова ашунэл, кала тумэ мангэнпэ ясвэнца. О Иегова внимательно ашундя лэ Иисусостири молитва, кала во мангэласпэ анда вся оди. Васо? Важ кода кай важ о Иисусо само важно сас тэ ашэлпэ предано лэ Иеговасти и тэ злэл о позоро па лэско алав. Если и амэ терас вся, кай тэ ашаспэ предани лэ Иеговасти, и камас тэ злас о позоро па лэско алав, тоди во ашунэла амарэ молитвы (Пс. 145:18, 19).

18. Сар о Иисусо сыкадя, кай во друӷо, саво полэл амэн?

¹⁸ О Иисусо полэл, со тумэндэ по ди. Кала амэнди фартэ ԥарэс, сар дэ драго, кала паша амэндэ исин друӷо, саво амэн полэл, ай инке фэдэр если лэстэ сас кацавэ жэ трудности, сар амэндэ. О Иисусо — кацаво друӷо. Во полэл, со када, кала нинай зор и кала трэбуй помощь. О Иисусо драго амэн ӷанэн и полэл амарэ слабости. Если амэнди трэбуй помощь, во позаботияпэ, кай амэнди тэ поможын тоди, «кала када трэбуй» (Евр. 4:15, 16). О Иисусо приля и помощь лэ анӷелостар андо Гефсиманско садо. Сости амэ сытювас? Сар и о Иисусо, давайте тэ прилас помощь лэ Иеговастар. Во можэт тэ стерэл када через и публикацыя, видео, речь, старейшына или лашо друӷо.

19. Со придэла амэнди зор, кай андэ ԥари время тэ ашаспэ предани? Росԥэнэн примеро.

¹⁹ О Иегова дэла тумэнди «спокойство андо ди». Сар о Иегова придэл амэнди зор? Кала амэ мангаспэ, во дэл амэнди «спокойство андо ди, саво май баро чем всаворэ гиндоря» (Флп. 4:6, 7). Блаӷодаря кадэлэсти по ди ашэл май вушэро, и амэ лас май набут тэ пэрэжываем. Роздиқаса, со сас андэ жызня кай и ԥэй Люсия. Вой росԥэнэн: «Манди часто прижалпэ тэ борисавав лэ гиндонэнца, кай мэ екжэни. Дэкала манди дажэ здэлпэ, кай о Иегова на любий ман. Но тоди мэ сразу жэ росԥэнав лэсти, со мандэ по ди. И молитва поможый манди тэ улав кацавэ гиндоря». Кадэва примеро сыкавэл, кай и молитва поможый амэнди тэ авас спокойни.

20. Со тумэ уӷанглэ анда кадэя статья?

²⁰ Амэ роздиқлям трин случаёря, кала о Иисусо ровэлас, и виарақлям бут лашэ и полезни урокоря. Кадэя статья напомнила амэнди, кай трэбуй тэ подритярас кодэлэн, ко хасардя варикас анда чаче. Кадяжэ трэбуй тэ патяс, кай о Иегова и о Иисусо поможына амэнди андэ кацави бида. Инке амэ камас тэ полас и тэ жалуисарас лэ манушэн андэ служэния, важ кода кай кадя терэн о Иегова и о Иисусо. И, канешно, амэнди придэл зор, кай амаро небесно Дад и лэско Шаво полэн амэн, ӷанэн амарэ слабости и камэн тэ поможын амэнди вся тэ виритярас. Давайте ласа тэ сэрас кадэла урокоря и тэ аштярас, кала о Иегова зритярэла пэстири обещяния и «виқосэла всаворэ ясва па... [амарэ] яқа» (Отк. 21:4).