«Амэн побудий лэ Христостири любовь»

1, 2. а) Со амэндэ андо ди, кала амэ гиндосарас пала лэ Иисусостири жызня и служэния? б) Пала со амэ подаса дума андэ кадэя статья?

КАЛА варикас анда амарэ чаче на ашэл, амэ фартэ скучисарас пала лэндэ. Спэрва, кала амэ гиндосарас пала лэстирэ послидни деса, амэндэ андо ди можэт тэ авэл ек и дук. Особено, если во фартэ мучияспэ. Но прожал время, и дук полокорэс ужал. И амэ упалэ можэм тэ радосавас. Амэнди драго по ди, кала вспоминаем, сости во амэн сытярэлас, сар подритярэлас алавэса и диласа или сар амэ вмести асасас.

² Точно кадяжэ амэнди фартэ ԥарэс тэ адиносарас пала кода, сар о Иисусо мучияспэ и муля. Англа Вечеря и посли латэ амэ старысавас май бут тэ гиндосарас, пэскати дэ куч лэ Иисусостири жэртва, через сави во витиндя амэн лэ бэзэхэстар (1 Кор. 11:24, 25). Кала амэ вспоминаем, сар о Иисусо дэлас дума, со терэлас, кала жувэлас пэ ԥув, амэн када фартэ радуий. Кадяжэ амэн подритярэл, кала розмышляем, со о Иисусо терэл акана и со во стерэла важ амэндэ англэ. Кала амэ гиндосарас пала када и пала лэстири любовь, амэ камас тэ сыкавас пэстири блаӷодарность пэ дила. Пала када амэ и подаса дума.

И БЛАӶОДАРНОСТЬ ПОБУДИЙ АМЭН ПРЕДАНО ТЭ ЖАС ПАЛА ИИСУСО

3. Васо амэ блаӷодарни важ о выкупо?

³ Кала амэ розмышляем пала лэ Иисусостири жызня и смэрть, амэндэ андо ди бари блаӷодарность. Андэ пэстири служэния пэ ԥув о Иисусо ԥэнэнас лэ манушэнди пала блаӷословении, савэ анэна лэ Дэвлэско Царство. Амэ фартэ цэнисарас кадэва чачимос пала Царство. Амэ блаӷодарни важ о выкупо, важ кода кай блаӷодаря лэсти амэндэ можэт тэ авэл дружба лэ Иеговаса и лэ Иисусоса. Кодэлэндэ, ко патян андо Иисусо, кадяжэ исин надежда тэ жувэн вечно и тэ диқэн пэстирэ чачен, кала о Дэл рия лэн каринг и жызня (Иоан. 5:28, 29; Рим. 6:23). Амэ нисоса нэ можэм тэ затерас кадэва лашымос лэ Дэвлэстар. И амэ никала на роспотиндюваса лэ Дэвлэса и лэ Христоса пала кода, со вонэ стердэ важ амэндэ (Рим. 5:8, 20, 21). Но амэ можэм тэ сыкавас лэнди, кай фартэ блаӷодарни пала кадэва баро подарко. Сар?

4. Сар и Мария Магдалина сыкадя пэстири блаӷодарность пала кода, со стердя важ латэ о Иисусо? (Диқэн и картинка.)

⁴ Подам дума пала Мария Магдалина. Ла мучинас семь бэнга. Возможно, кадэя жувли на патялас, кай варико лати можэт тэ поможый. Тоди прицтавьте, сар вой сас блаӷодарно лэ Иисусости, кала во видарадя андар латэ кодэлэ бэнгэн! Блаӷодарно ди побудисардя ла тэ ашэл лэстири ученица и тэ отдэл пэстири время, о зор и о мищимос, кай тэ поможый лэсти андэ служэния (Луки 8:1—3). Хоть и Мария фартэ цэнияс кода, со о Иисусо стердя лично важ латэ, вой, наверно, на полэлас, кай англэ ла аштярэл инке май баро лашымос лэ Дэвлэстар. О Иисусо отдэла пэстири жызня пала мануша, «кай кажно, ко сыкавэл, кай патял андэр лэстэ... тэ жувэл вечно» (Иоан. 3:16). Через и блаӷодарность Мария сас предано лэ Иисусости. Кала во мэрэлас по столбо и мучияспэ, и Мария сас рядом и подритярэлас лэс и аврэн (Иоан. 19:25). Ай посли кода, сар о Иисусо муля, и Мария и дуй авэр жувля авелэ каринг и моӷилка и андэ́ и смеси, савэндэ сас лашо запахо, кай тэ обмақэн лэстири тила (Мар. 16:1, 2). О Иегова блаӷословил ла Мария важ латири преданость. Посли кода, сар о Иисусо воскрес, во диқляпэ ла Марияса и подя дума ласа. Кати кай дэсавэ анда лэстирэ ученикоря сас кацави возможность (Иоан. 20:11—18).

5. Сар амэ можэм тэ сыкавас пэстири блаӷодарность лэ Иеговасти и лэ Иисусости пала вся, со вонэ терэн важ амэндэ?

⁵ Ай сар амэ можэм тэ сыкавас и блаӷодарность лэ Иеговасти и лэ Иисусости пала вся, со вонэ важ амэндэ терэн? Если амэ на ласа тэ жалуисарас пэстири время, о зор и ловэ важ лэ Царствостири дила. Например, амэ можэм тэ поможысарас пэ стройка и кала жал о ремонто андэ здании, савэ используют, кай тэ полас лэ Иеговас кадя, сар лэсти чалёл.

И ЛЮБОВЬ КАРИНГ О ИЕГОВА И О ИИСУСО ПОБУДИЙ АМЭН ТЭ ЛЮБИСАРАС АВРЭН

6. Васо можно тэ ԥэнэс, кай о выкупо — када лично подарко кажнонэсти андар мэндэ?

⁶ Кала амэ гиндосарас, сар о Иегова и о Иисусо амэн любин, вонэ ашэн инке май куч амарэ одести (1 Иоан. 4:10, 19). Амэ лас инке май фартэ лэн тэ любисарас, кала полас, кай о Иисусо отдя пэстири жызня пала кажно андар мэндэ. Када драго полэлас о апостало Павло. Акэ со во пистросардя пала пэстири блаӷодарность лэ галатонэнди: «Мэ жував кодэлэса, кай патяв андэ лэ Дэвлэско Шаво, саво сыкадя пэстири любовь каринг мандэ и отдя пэс важ мандэ» (Гал. 2:20). Через о выкупо о Иегова пашардя амэн каринг пэстэ и акана амэндэ можэт тэ авэл лэса дружба (Иоан. 6:44). Хэба на ашэл амэндэ драго по ди кодэлэстар, кай о Иегова додиқля андар мэндэ варисо лашо и потиндя пала амэндэ само бари цэмин, кай амэ тэ ашас лэстирэ друӷоря? На ашэл амари любовь каринг о Иегова и о Иисусо инке май бари? Пуш пэстар: «Каринг со кадэя любовь побудий ман?»

7. Сар амэ можэм тэ сыкавас, кай любисарас лэ Иеговас и лэ Иисусос? (2 Коринфянам 5:14, 15; 6:1, 2).

⁷ И любовь каринг о Дэл и каринг о Христос побудий амэн тэ любисарас аврэн. (Проадинон 2 Коринфянам 5:14, 15; 6:1, 2.) Но сар и мануша тэ диқэн амари любовь? Если амэ анда вся оди росԥэнас и радосно новость пала Царство. Амэ на обжас лэ манушэн, савэндэ авэр нацыя. Кадяжэ амэ на диқас, сави лэндэ образования или барвалэ вонэ чи най. Амэ дас дума всаворэнца, кас диқас андэ служэния. Кадя амэ исполняем лэ Иеговастири воля, «важ кода кай во камэл, кай и разни мануша тэ спасынпэ и драго тэ полэн о чачимос» (1 Тим. 2:4).

8. Сар амэ можэм тэ сыкавас и любовь каринг и ԥрала и ԥэя?

⁸ И любовь каринг о Дэл и каринг о Христос кадяжэ побудий амэн тэ любисарас лэ ԥралэн и лэ ԥэян (1 Иоан. 4:21). Амэ анда оди интересуемся, андэр со вонэ нуждаюца, и поможысарас, если лэндэ тердяпэ варисави бида. Амэ подритярас, кала варико андар лэндэ хасарэл пэстирэ чачен, авас лэндэ, кала вонэ занасвайлэ и анда вся зор старысавас тэ подритярас лэн, кала вонэ умэклэ и вас (2 Кор. 1:3—7; 1 Фес. 5:11, 14). Амэ на парашас тэ мангаспэ пала лэндэ и сэрас, кай «кала анда вся оди мангэлпэ кодэва, ко кандэл лэ Дэвлэс, кай кацави молитва исин баро зор» (Иак. 5:16).

9. Сар инке амэ можэм тэ сыкавас пэстири любовь каринг и ԥрала и ԥэя?

⁹ Амэ кадяжэ сыкавас пэстири любовь каринг и ԥрала и ԥэя, кала терас вся, кай тэ ладисарас лэнца. Кала простисарас, амэ терас кадя, сар о Иегова. Если о Иегова сас ӷотово тэ отдэл пэстирэ Шавэс пала амарэ ӷрехоря, хэба на трэбуй и амэ тэ простисарас лэ ԥралэн и лэ ԥэян, кала вонэ шылинпэ? Амэ на камас тэ шаспэ по найлашо рабо анда лэ Иисусостири притча. О ӷосподино простисардя лэсти баро вужылимос, но кадэва рабо на закамля тэ простий аврэ рабос, саво сас лэсти вужыло найбарэ ловэ (Матф. 18:23—35). Если тумэ на поладисардэ варикаса анда собрания, моӷли бы тумэ пэстиря ригатар тэ терэн вся, кай тэ помиринпэ англа Вечеря? (Матф. 5:23, 24). Кала тумэ пэс кадя андярэна, тумэ сыкавэна пэстири бари любовь каринг о Иегова и каринг о Иисусо.

10, 11. Сар и барэдэр ԥрала моӷут тэ сыкавэн пэстири любовь каринг о Иегова и каринг о Иисусо? (1 Петра 5:1, 2).

¹⁰ Сар и барэдэр ԥрала моӷут тэ сыкавэн пэстири любовь каринг о Иегова и каринг о Иисусо? Вонэ сыкавэн када, кала заботинпэ пала лэ Иисусостирэ бакрорэ. (Проадинон 1 Петра 5:1, 2.) Пала када о Иисусо ԥэндя андэ дума лэ Петроса. Посли кода, сар о Пётро тривар отԥэнделя лэ Иисусостар, во, наверно, фартэ камэлас тэ доԥэнэн лэ Иисусости, кай любий лэс. Кала о Иисусо воскрес, во пушля лэстар: «Си́мано, шаво лэ Иоаноско, любис ту ман?» Канешно, о Пётро сас ӷотово пэ вся, лиш бы тэ сыкавэл пэстири любовь каринг о Ӷосподино. О Иисусо ԥэндя лэсти: «Пасысар мэрнэ бакрорэн» (Иоан. 21:15—17). О Пётро вся пэстири жызня драго диқэлас пала лэ Ӷосподиностирэ бакрорэ, и кадэлэса доԥэндя, кай любий лэ Иисусос.

¹¹ Барэдэр ԥрала, сар англа Вечеря и посли латэ тумэ можэте тэ сыкавэн, кай полэн, пэскати дэ важни лэ Иисусостирэ алава, савэ во ԥэндя лэ Петрости? Тумэ можэте тэ сыкавэн пэстири бари любовь каринг о Иегова и каринг о Иисусо, если лэна вся и время тэ подритярэн лэ ԥралэн и лэ ԥэян. Ай кадяжэ тэ пристон баро зор, кай тэ поможын кодэлэнди, ко неактивни, тэ ринпэ каринг о Иегова (Иез. 34:11, 12). Инке тумэ можэте тэ шон сама кодэлэн, ко изучает и Библия, и кодэлэн, ко авеля пэ Вечеря пэрво разо. Амэ камас, кай вонэ тэ чуствуют пэс драго, и тожэ тэ ашэн лэ Иисусостирэ ученикоря.

И ЛЮБОВЬ КАРИНГ О ХРИСТОС ПОБУДИЙ АМЭН ТЭ АВАС СМИЛИ

12. Сар лэ Иисусостирэ алава, савэ во ԥэндя вэчэром англа пэстири смэрть, поможын тэ авас смили? (Иоанна 16:32, 33).

¹² Вэчэром англа пэстири смэрть о Иисусо ԥэндя пэстирэ учениконэнди: «Андэ люма тумэн аштярэн биды, но на даран! Мэ победисардэм кадэя люма». (Проадинон Иоанна 16:32, 33.) Со поможысардя лэ Иисусости смило тэ виритярэл, кала пэр лэстэ тасавэнас и вороӷоря, и тэ ашэлпэ верно лэ Дэвлэсти жы кай пэстири смэрть? Во надеияспэ по Иегова. Во ӷанэнас, кай лэстирэ учениконэндэ авэна испытании, савэ шонапэ пэ лэстирэ, важ када во мангля пэстирэ Дадэс, кай во тэ фэрий лэн (Иоан. 17:11). Васо када поможый амэнди тэ авас смили? Важ кода кай о Иегова май зорало всаворэ́ амарэ вороӷонэндар (1 Иоан. 4:4). Вся англа лэстирэ яқа. Амэ уверени, кай если надеисавас по Иегова, то сможэм тэ улас пэстар и дар и тэ авас смили.

13. Сар о Иосифо анда Аримафе́я сыкадя и смилость?

¹³ Уӷанам пала Иосифо анда Аримафе́я. Во сас пативало сындомари анда Ӷлавно иудейско сындо, пэ саво ԥэнэнас Синедрионо. Но спэрва о Иосифо на сас смило. О Иоано ԥэндя пала лэстэ, кай во сас лэ Иисусоско ученико, «но гаравэлас када через и дар англа иудеёря» (Иоан. 19:38). Хоть лэ Иосифости чалеля и лащи новость пала лэ Дэвлэско Царство, во на виԥэнэнас лэ манушэнди, кай патял андо Иисусо. Во даралас, кай и мануша будэр на авэна тэ стон патив пэр лэстэ. Но андэ Библия ԥэнэнпэ, кай кала о Иисусо муля, о Иосифо «ашэля май смило, жыля каринг о Пила́то и мангля лэ Иисусостири тила» (Мар. 15:42, 43). Во будэр на гаравэлас, кай подритярэл лэ Иисусос.

14. Со трэбуй тэ терэс, если тутэ исин дар англа мануша?

¹⁴ Тутэ варикала сас дар англа мануша, сар кай о Иосифо? Дарасас ту тэ росԥэнэс андэ школа или пэ бути, кай ту лэ Иеговаско свидетелё? Ай можэт, ту на ашэс вазвещятелё или на болдёс, важ кода кай пэрэжываеш, со погиндона пала тутэ авэр? На домэк, кай через кацавэ гиндоря ту тэ на андярэс пэс правильно. Анда вся оди мангпэ лэ Иеговасти, кай во тэ дэл тути смилость тэ терэс кадя, сар во камэл. Кала ту диқэса, сар о Иегова атвечает пэ тирэ молитвы, када придэла тути зор и смилость (Ис. 41:10, 13).

И РАДОСТЬ ПОМОЖЫЙ АМЭНДИ ТЭ НА ПАРАШАС ТЭ СЛУЖЫСАРАС ЛЭ ИЕГОВАСТИ

15. Со закамлэ тэ терэн и ученикоря, кала диқлэ лэ Иисусос? (Луки 24:52, 53).

¹⁵ Кала о Иисусо муля, лэстирэ ученикоря умэклэ и вас. Прицтавьте, сар лэнди сас дэ ԥарэс. Лэнго друӷо муля, и вонэ гиндонас, кай нинай нисави надежда (Луки 24:17—21). Но кала о Иисусо авеля, во поможысардя лэнди тэ полэн, сар через лэстэ исполнисайлэ и библейски пророчества. Инке во дя лэнди фартэ важно дила (Луки 24:26, 27, 45—48). Кала о Иисусо вазгляпэ по нэбо, лэстирэ учениконэнди будэр на сас ԥарэс, наоборот, вонэ фартэ радуинаспэ. Вонэ ӷанэнас, кай лэнго Ӷосподино жундо и дэла лэнди зор тэ стерэн нэви дила, сави во дя лэнди. Кадэя радость поможысардя лэнди тэ на парашэн тэ славин лэ Иеговас (проадинон Луки 24:52, 53; Деян. 5:42).

16. Сар амэ можэм тэ сытювас лэ Иисусостирэ учениконэндар?

¹⁶ Сар амэ можэм тэ сытювас лэ Иисусостирэ учениконэндар? Амэ можэм радостяса тэ служысарас лэ Иеговасти най кати англа и посли Вечеря, но и вся о бэрш. Важ када лэ Дэвлэско Царство трэбуй тэ авэл ӷлавно андэ амари жызня. Например, дэсавэ ришыли тэ терэн бути кадя, кай тэ авэл время важ и проповедь, собрании и семейно изучения. Ай авэр камэн тэ терэн май бут андэ пэстири собрания или тэ пэрэладэн кордэ, кай на хутилэл лэ вазвещятелёнэн. Важ када вонэ ришыли тэ на тинэн кода, со най фартэ трэбуй. И чаче, кай тэ на парашас тэ служысарас лэ Иеговасти и кай лэ Дэвлэско Царство тэ авэл ӷлавно андэ амари жызня, амэнди трэбуй стойкость. Но если амэ ласа кадя тэ терас, о Иегова амэн обязательно блаӷословия (Прит. 10:22; Матф. 6:32, 33).

17. Со тумэ камэн тэ терэн англа Вечеря и посли латэ? (Диқэн и картинка.)

¹⁷ Во вторник, 4 апреля, амэ стидасапэ пэ Вечеря. Амэ фартэ аштярас кадэя события! Но важно най кати андэ кодэва дес тэ розмышляем пала лэ Иисусостири жызня и смэрть, ай кадяжэ пала любовь, сави во и о Иегова сыкадэ каринг амэндэ. Старыинпэ май бут тэ гиндон пала када англа и посли Вечеря. Например, витидэн время, кай тэ проадинон и тэ порозмышляете пала событии, пала савэ пистромэ андэ таблица «Послиднё курко, кала о Иисусо жувэлас пэ ԥув» (диқэн «Амаро христианско дром и служэния». Тетрадка, кай тэ сытювас пала апрелё 2019 бэрш, стр. 4). Кала тумэ лэна тэ адинон пала лэ Иисусостири жызня, шон сама пэ кодэла стихоря, савэ поможына тумэнди тэ авэн май блаӷодарни, любящи, смили и радосни. Ай кадяжэ погиндон, сар тумэ можэте тэ сыкавэн пэстири блаӷодарность пэ дила. Патян: о Иисусо фартэ цэний вся, со тумэ терэн, кай тэ вспоминаете пала лэстэ англа Вечеря и посли латэ (Отк. 2:19).