Сытён па библейски пророчества

1. Со поможыя, кай амэнди тэ чалёл тэ изучаем и библейски пророчества?

«МАНДИ фартэ чалёл тэ изучаю и библейски пророчества», — ԥэнэн тэрно ԥрал, савэс ақарэн Бено. Ай тумэндэ кацаво жэ по ди? Или тумэнди набут страшно тэ дэн дума пэ кацави тема? Ай можэт, кала тумэ ашунэн ек о алав «пророчество», тумэнди ужэ ашэл скушно. Но если тумэ май бут уӷанэна пала кода, васо о Иегова закамля, кай андэ Библия тэ авэн пророчества, можэт, тумари мнения парудёла.

2. Пала со авэла кадэя статья?

² Андэ кадэя статья амэ уӷанаса, васо амэнди трэбуй тэ иследуем и библейски пророчества и сар када тэ терас. Ай потом амэ подаса дума пала дуй пророчества анда книжка Даниила и диқаса, саво лашымос вонэ амэнди анэн.

ВАСО ТРЭБУЙ ТЭ ИСЛЕДУЕМ И БИБЛЕЙСКИ ПРОРОЧЕСТВА?

3. Со амэ трэбуй тэ терас, кай тэ полас и библейски пророчества?

³ Кай тэ полас и библейски пророчества, амэнди трэбуй помощь. Роздиқам ек примеро. Прецтавь, кай ту авелян интя, кай никала на санас. Но драго, кай ту най екжэно. Вмести туса лагля о друӷо, саво драго ӷанэн кодэва ҭан. Во точно ӷанэн, кай тумэ щяс и каринг андярэл кажно дром. О Иегова шолпэ пэ кацаво друӷо. Во ӷанэн, андэ сави время амэ жувас и со амэн аштярэл англэ. Вижал, кай тэ полас и библейски пророчества, амэ трэбуй смирено тэ мангас лэ Иеговастар помощь (Дан. 2:28; 2 Пёт. 1:19, 20).

4. Васо о Иегова стердя кадя, кай андэ лэско алав тэ авэн пистромэ и пророчества? (Иеремия 29:11). (Диқэн кадяжэ и картинка.)

⁴ Всаворэ родителя камэн, кай лэндирэ бэяцэ тэ авэн бахталэ. О Иегова имено кацаво Дад. (Проадинон Иеремия 29:11.) Но о Дэл най сар и мануша. Во можэт точно тэ росԥэнэн, со авэла англэ (Ис. 46:10). Вижал, и библейски пророчества — када подаркоря амарэ небеснонэ Дадэстар, саво фартэ амэн любий. Но васо можно тэ патяс, кай вся, со пистромэ андэ Библия, точно авэла?

5. Сости тэрнэ ԥрала и ԥэя сытён кай о Максо?

⁵ Андэ школа круӷом амари молодёжь часто исин кодэла, важ кастэ и Библия на ашэл нисо. Через кода, сар вонэ пэс андярэн и сар дэн дума, кай и тэрнэ лэ Иеговастирэ свидетеля моӷут тэ авэн самнении. Акэ со сас лэ Максоса. Во вспоминает: «Кала мэ сымас подростко, мэ лэм тэ на допатяв, кай мэрнэ родителёнэндэ чачуни вера и кай и Библия лэ Дэвлэстар». Сар пэс андярдэ лэстирэ родителя, кала уӷанглэ пала када? О Максо росԥэнэн: «Вонэ на холявэнас, хоть мэ и ӷанавас, кай вонэ фартэ пэрэжывают». Пэ всаворэ лэ Максостирэ вопросоря лэстирэ родителя дэнас атвето па Библия. Но во и екжэно варисо терэлас. О Максо росԥэнэн: «Мэ екжэно изучал и библейски пророчества и давас дума пала кода, со уӷанавас, лэ друӷонэнца анда собрания». Каринг со када андя? Во ԥэнэн: «Мэ точно полэм, кай и Библия лэ Дэвлэстар!»

6. Со трэбуй тэ терэн, если тумэндэ исин самнении, и васо?

⁶ Если тумэ, сар и о Максо, линэ тэ на допатян, кай андэ Библия чачимос, на трэбуй тэ дошалярэн пэс. Но када сыкавэл, кай трэбуй варисо тэ терэн. И самнении шонпэ пэ ржавчина. Если тэ на шон сама пэр латэ, вой можэт тэ росхал кода, со фартэ кучутно. Кай тэ полэн, исин «ржавчина» пэ тумари вера чи най, задэн пэсти вопросо: «Патяв мэ кодэлэсти, со андэ Библия пистромэ пала кода, сави жызня авэла англэ?» Если тумэ нэ можэте састэс тэ ԥэнэн «да», тоди тумэнди трэбуй тэ иследуете и библейски пророчества, савэ ужэ исполнисайлэ. Сар тумэ можэте када тэ терэн?

САР ТЭ ИЗУЧАЕМ И БИБЛЕЙСКИ ПРОРОЧЕСТВА

7. Сости тумэ можэте тэ сытён кай о Даниило, кала иследуете и пророчества? (Даниил 12:10). (Диқэн кадяжэ и картинка.)

⁷ О Даниило — лашо примеро, сар тэ иследуем и пророчества. Лэстэ сас правильно цэль — во камэлас тэ ӷанэн о чачимос. Кадяжэ о Даниило сас смирено и полэлас, кай о Иегова дэл тэ полэн и пророчества кати кодэлэнди, ко ӷанэн лэс и жувэл па лэстирэ законоря (Дан. 2:27, 28; проадинон Даниила 12:10). Лэ Даниилостири смирения дицолас андэ кода, кай во всегда мангэлас помощь лэ Иеговастар (Дан 2:18). Ай инке о Даниило столас зор, кай вся внимательно тэ иследует. Во родэлас атветоря андэ кодэла ла Библиятирэ части, савэ сас андэ лэстири время (Иер. 25:11, 12; Дан. 9:2). Сар тумэ можэте тэ сытён кай о Даниило?

8. Васо дэсавэ мануша на патян андэ Библейски пророчества, но со трэбуй тэ терас амэ?

⁸ Погиндон, васо тумэ иследуете и пророчества. Васо тумэ иследуете и библейски пророчества? Важ кода кай па чачимастэ камэн тэ уӷанэн и истина? Если да, о Иегова обязательно тумэнди поможыя (Иоан. 4:23, 24; 14:16, 17). Ай сави цэль можэт тэ авэл нэправильно, кала иследуете и пророчества? Дэсавэ терэн када, кай тэ доԥэнэн, кай и Библия най лэ Дэвлэстар. Вонэ гиндон, кай кадя лэндэ авэла, васо тэ на приашундён каринг латирэ советоря и екжэнэ тэ витидэн, со лашо, ай со най. Но амэндэ трэбуй тэ авэл правильно цэль. Кадяжэ, кай тэ полас и библейски пророчества, трэбуй инке ек важно качество.

9. Саво качество трэбуй, кай тэ полас и библейски пророчества? Росԥэнэн.

⁹ Авэн смирени. О Иегова дэл алав, кай лэла тэ поможый кодэлэнди, ко найӷордо (Иак. 4:6). Важ када амэ трэбуй тэ мангас лэстар помощь, кай тэ полас и библейски пророчества. Кадяжэ амэ трэбуй тэ полас, кай амэнди фартэ трэбуй помощь лэ кандинэ рабостири, саво дэл о духовно хамос, кала када трэбуй (Луки 12:42). О Иегова — када Дэл, савэстэ андэ вся порядко. Важ када амэ полас, кай о Иегова росԥэнэн о чачимос андэ пэско Алав кати через кадэва рабо (1 Кор 14:33; Эф. 4:4—6).

10. Сости тумэ сытён па кода, со сас кай и Эстер?

¹⁰ Внимательно иследуйте. Спэрва витидэн о пророчество, саво тумэнди интересно, и иследуйте лэс. Имено када и стердя и Э́стер. Вой камэлас май бут тэ уӷанэн пала пророчества, савэ сыкавэнас, кай авэла о Христос. Вой росԥэнэн: «Кала манди сас 15, мэ ришыла тэ виарақав доказательства, кай кадэла пророчества сас запистромэ жы каринг кода, сар тэ арақадёл о Иисусо». И Эстер ля тэ изучает и свитки Мёртвого моря. Имено када и сас трэбуй! Вой ԥэнэн: «Дэсавэ анда кадэла свиткоря сас пистромэ инке сар на авеля о Иисусо. Вижал, и пророчества, савэ андэр лэндэ пистромэ, — лэ Дэвлэстар». И Эстер прижандёл: «Кай тэ розлавпэ, манди трэбуй сас най еқвар вся тэ проадиносарав». Но вой радо, кай стодя пэ када кадя бут зор. Посли кода, сар вой внимательно иследовала дэсавэ библейски пророчества, вой пэнэн: «Мэ полэм, кай ла Библияти можно андэ вся тэ патяс!»

11. Васо важно тэ авас уверени, кай вся, со пистромэ андэ Библия, — када чачимос?

¹¹ Кала амэ диқас, кай варисавэ библейски пророчества ужэ исполнисайлэ, амэ лас май фартэ тэ патяс лэ Иеговасти. И амэ смило жас интя, каринг во амэн андярэл. Кадяжэ, и пророчества поможын амэнди тэ патяс, кай англэ вся авэла драго, саво бы ԥаримос амэндэ тэ на авэл. Давайте набут розласа дуй лэ Даниилостирэ пророчества, савэ исполнинпэ акана. Кала амэ поласа лэн, амэ сможэм тэ прилас мудри ришэнии.

ВАСО ТУМЭ ТРЭБУЙ ТЭ ӶАНЭН ПАЛА ТАЛПЫ, САВЭ АНДА САСТРИ И ӶЛИНА?

12. Со сыкавэн и талпы анда «састри, пэрэӷамимэ ла ковля ӷлинаса»? (Даниила 2:41—43).

¹² Проадинон Даниила 2:41—43. О Навуходоносоро диқля андо суно фартэ бари статуя, савятэ и талпы анда «састри, пэрэӷамимэ ла ковля ӷлинаса». Если тэ сыстосарас кадэва пророчество и авэр пророчества анда книжка Даниила и Откровение, тоди поласа, кай и талпы сыкавэн и Англо-Американско держава, сави само зорали андэ амари время. Пала кадэя держава о Даниило ԥэндя, кай «кадэва царство авэла андэ варисостэ састо, ай андэ варисостэ слабо». Васо во авэла андэ варисостэ слабо? Важ кода кай и прости мануша, савэн сыкавэл и ковли ӷлина, на дэн, кай кадэя держава тэ сыкавэл вся пэско саструно зорb.

13. Савэ важни гиндоря амэ уӷанас, если полас о пророчество пала статуя?

¹³ Анда кода, сар о Даниило росԥэндя пала статуя и пала латирэ талпы, амэ можэм тэ уӷанас дэсавэ важни гиндоря. Пэрво, кай и Англо-Американско мирово держава исин фартэ баро зор, и вой най еқвар лэс сыкавэлас. Например, и Англо-Американско держава сас машкар кодэла страны, савэ победисардэ андэ дуй мирови войны. Но кадэя мирово держава ашэл май слабо через и мануша, савэ жувэн пэ латири тиритория. Вонэ жан против правительство и ек против еқэстэ. Кадя жэ лэла тэ терэлпэ и англэ. Дуйто, имено кадэя мирово держава лэла тэ правий, кала лэ Дэвлэско Царство розмарэла всаворэ манушыканэ правительстворя. Хоть бут народоря лэна тэ жан против Англо-Американско мирово держава, лэндэ нисо на вижала. Када драго дицол анда кода, кай о «бар», саво сыкавэл лэ Дэвлэско Царство, дэладап и талпы — кодэя ла статуятири часть, сави сыкавэл о союзо машкар Великобритания и США (Дан. 2:34, 35, 44, 45).

14. Сар кода, кай амэ полас о пророчество пала талпы анда састри и ӷлина, поможыя амэнди тэ прилас мудри ришэнии?

¹⁴ Патян тумэ, кай исполнийпэ лэ Даниилоско пророчество пала талпы анда састри и ӷлина? Если да, када дицола па тумари жызня. Тумэ на лэна тэ тидэн барвалимос и хабэ андэ кадэя люма, сави ӥто на авэла (Луки 12:16—21; 1 Иоан. 2:15—17). Кода, кай амэ полас кадэва пророчество, поможыя амэнди тэ диқас, кай само ӷлавно акана — када тэ росԥэнас лэ манушэнди пала лэ Дэвлэско Царство и тэ поможысарас лэнди тэ ашэн лэ Христостирэ ученикоря (Матф. 6:33; 28:18—20). Кала тумэ иследовали кадэва пророчество, пушэн пэстар: «Патяв мэ, кай лэ Дэвлэско Царство ӥто розмарэла всаворэ манушыканэ правительстворя? Дицол када пэ ришэнии, савэ мэ прилав?»

САР ВЛИЯЕТ ПЭР ТУМЭНДЭ «О СЕВЕРНО ЦАРЁ» И «О ЮЖНО ЦАРЁ»?

15. Ко адес «о северно царё», ай ко «о южно царё»? (Даниила 11:40).

¹⁵ Проадинон Даниила 11:40. Андэ 11 ӷлава Даниила ԥэнэнпэ пала дуй царёря, или правительстворя, савэ боринпэ ек еқэса, кай тэ доԥэнэн, ко адес со май зорало. Если сыстосараса кадэва и авэр библейски пророчества, када поможыя тэ полас, кай «о северно царё» — када и Россия и кодэла, ко ла подритярэн, ай «о южно царё» — када и Англо-Американско мирово державаc.

16. Саво ԥаримос исин кай кодэла, ко жувэл котэ, кай правий «о северно царё»?

¹⁶ Лэ Дэвлэстирэ служытеля, савэ жувэн котэ, кай правий о «северно царё», пэр пэстэ диқэн лэстири холи. Важ кода кай патян андо Дэл, дэсавэ Свидетелёнэн марэн и шон андэ барунэ. Но кай о «северно царё» на вижал тэ пэрэдаравэл амарэ ԥралэн. Наоборот, лэндири вера ашэл инке май састи. Васо? Важ кода кай вонэ диқэн, сар точно исполнийпэ о пророчество, саво запистросардя о Даниило (Дан. 11:41)d. Если амэ сэрас када, амэндэ вижала тэ на хасарас амари надежда и тэ ашаспэ предани лэ Иеговасти.

17. Саво ԥаримос исин кай лэ Дэвлэстирэ служытеля, савэ жувэн котэ, кай правий о «южно царё»?

¹⁷ Дэлмут лэ Дэвлэстирэ народос кадя жэ приследовал и о «южно царё». Например, вначале андо 20 вико бутэ ԥралэн шонас андо баруно важ кода, кай вонэ на залэнас никастири риг андэ политика, ай дэсавэ бэятонэн, савэ сас лэ Иеговастирэ свидетеля, исключали анда школа. Но послидни бэрша и предани лэ Иеговастирэ служытеля, савэ жувэн котэ, кай правий кадэва царё, пэрэандярэн авэр ԥаримос. Например, кала андэ страна жан и выборы, кай о христианино можэт тэ авэл гиндо тэ подритярэл варисави политическо партия или манушэс. Тэ ӷолосует во на жала, но, можэт, андэ пэско ди и годи во ужэ заля варикастири риг. Сар жэ важно тэ на залас никастири риг андэ политика, най кати пэ дила, но и андо ди и годи! (Иоан. 15:18, 19; 18:36).

18. Сар амэ трэбуй тэ диқас пэ кода, кай воюют о Северно и о Южно царё? (Диқэн кадяжэ и картинка.)

¹⁸ Кодэла, ко на патян андэ библейски пророчества, моӷут фартэ тэ пэрэжывают, кала диқэн, сар дэ жэстоко воюют о северно и о южно царё (Дан. 11:40). Кай лэдуй царёря хутилэл ядерно оружыя, кай тэ уничтожат вся и ԥув. Но амэ ӷанас, кай о Иегова на домэкэла, кай кадя тэ авэл (Ис. 45:18). Важ када амэ на дарас, кай воюют «о северно» и «о южно царё», ай, наоборот, амари вера ашэл май састи. Када сыкавэл, кай о конец кадэла люмако фартэ пашэ.

НА ПАРАШЭН ТЭ ИСЛЕДУЕТЕ И ПРОРОЧЕСТВА

19. Со амэ трэбуй тэ полас пала библейски пророчества?

¹⁹ Амэ на ӷанас, сар исполнинапэ дэсавэ библейски пророчества. Дажэ о пророко Даниило на полэлас вся, со запистросардя (Дан. 12:8, 9). Но если амэ на дополас варисаво пророчество, када на сыкавэл, кай во на исполнияпэ. Амэ уверени, кай андэ пэстири время о Иегова дэла тэ ӷанас вся, со трэбуй. Важ кода кай имено кадя во всегда и терэлас (Ам. 3:7).

20. Савэ библейски пророчества ӥто исполнинапэ и со амэ трэбуй тэ на парашас тэ терас?

²⁰ Ӥто и мануша ԥэнэна, кай акана мирно и безопасно (1 Фес. 5:3). Потом и мирови правительстворя шона сама пэ хохавнэ веры и уничтожат лэн (Отк. 17:16, 17). Посли када вонэ дэна пэ лэ Дэвлэстирэ служытеля (Иез. 38:18, 19). Тоди залэлапэ и война Армагидоно (Отк. 16:14, 16). Амэ можэм тэ патяс, кай кадэла событии авэна фартэ ӥто. Ай пока давайте тэ иследуем и библейски пророчества и тэ поможысарас аврэнди тэ полэн лэн. Кадэлэса амэ сыкаваса, кай блаӷодарни амарэ любящёнэ небеснонэ Дадэсти.