Лашэ советоря важ и изучения

Май бут уӷанэн пала райканэ лэ Иеговастирэ качестворя

Кала адиносарас и Библия, амэ можэм тэ используем разни инструменторя важ и иследования, кай май драго тэ полас кода, со адиносарас. Но амари цэль — най просто тэ уӷанас май бут. Амэ камас, кай амари любовь каринг о Иегова тэ ашэл май бари. Важ када важно кажно разо тэ уӷанас варисо нэво пала амаро райкано Дэл. Кала адинон и Библия, пушэн пэстар: «Со анда кадэла стихоря мэ уӷанглэм пала Иегова?»

Амэ можэм тэ шас сама пэ кода, сар о Иегова сыкавэл и любовь, и справедливость, и мудрость и о зор. Но кай о Дэл исин най кати кадэла штар качестворя. Лэстэ исин и бут авэр. Кай жэ тэ виарақас май бут инфармацыя и пала авэр райканэ лэ Иеговастирэ качестворя?

Варикай пала 50 лэ Дэвлэстирэ качестворя пистромэ андо «Индекс публикаций Сторожевой башни». Ԥэрнавэн о заӷоловко «Иегова», ай потом подзаӷоловко «Качества по отдельности». Кала адинон варисавэ библейски стихоря, погиндон, саво качество о Иегова сыкавэл андэ кадэва случаё, и май бут пала лэстэ уӷанэн. (Если тумэндэ исин «Путеводитель по публикациям Свидетелей Иеговы», ԥэрнавэн о заӷоловко «Бог Иегова», ай потом подзаӷоловко «Качества».)