Арақ лашэ гиндоря, савэ сможэш тэ прилэс андэ жызня

Кала амэ адиносарас и Библия и пристас зор, кай май драго тэ полас ла, амэ можэм тэ арақас важ пэстэ лашэ гиндоря. Со тэ терас, кай кала адиносарас и Библия, када тэ анэн амэнди май бут лашымос?

Уӷан май бут. Шув сама пэ разни маменторя. Например, уӷан, ко, кала и андэ сави ситуацыя пистросардя кадэла алава. Касти во када пистросардя? Кала адинос пала варисави события уӷан, со сас англа и посли латэ?

Погиндосар, сости када тут сытярэл. Пуш пэстар: «Со сас по ди кай и мануша, пала савэ мэ адиносарав? Саво лэндэ сас характеро? Кала гиндосарав пала лэнго характеро, сости мэ моӷу тэ сытював, ай состар манди трэбуй тэ фэрисавав и васо?»

Прилэ кода, со уӷанглян. Тер кадя, кала служыс лэ Дэвлэсти и просто андэ жызня. Тоди ту пэр пэстэ полэса, пала со ԥэндя о Иисусо: «Тумэндар лэла тэ марэл и бах, если лэна кадя тэ терэн» (Иоан. 13:17).

• Совето. Шув сама, кай кала пэ собрания по машкар курко амэ роздиқас «Сомнак анда Библия», амэ уӷанас, сар тэ прилас андэ жызня и гиндоря анда Библия. Котэ исин вопросоря, савэ поможын май драго тэ полас корко пэс, или пала савэ амэ можэм тэ погиндосарас. Инке исин картинки, савэ амэ можэм тэ роздиқас. Вся када поможый амэнди тэ арақас инке май бут лашэ гиндоря.