Дуй нэвэ ԥрала андо Руководящё совето

АНДЭ среда, андо 18 январё 2023 бэрш, по сайто jw.org появисайля бари объявления. Котэ ԥэнэнаспэ, кай и ԥрала Ге́йджо Фли́гло и Джэ́фри Ви́ндэро назначени тэ служын андо Руководящё совето лэ Иеговастирэ свидетелёнэнго. Лэдуй кадэла ԥрала предано служын лэ Иеговасти ужэ бут бэрша.

О ԥрал Флигло вибареля андэ США, по западо андо краё Пенсильвания. Лэско ери — лэ Иеговастирэ свидетеля. Кала во сас тэрноро, вонэ пэрэлаглэ андо найбаро форицэ, кай на хутилэлас лэ вазвещятелёнэн. Прожыля набут время и во болделя андо 20 ноябрё 1988 бэрш.

И родителя всегда ԥэнэнас, кай о ԥрал Флигло тэ служый полновремено. Каринг лэндэ цэрэ часто авэнас и раёни барэдэр ԥрала и вефильцоря. О Гейджо диқэлас, савэ дэ бахталэ кадэла ԥрала и ԥэя. Май набут бэршэстар посли кода, сар во болделя, во ашэля общё пианеро андо 1 сентябрё 1989 бэрш. Ай андо октябрё 1991 бэрш, во ля тэ служый андо Вефилё андо Бруклино. О Гейджо стодя кадэя цэль, кала лэсти сас 12 лет и на парашэлас каринг латэ тэ жал.

Андо Вефилё о ԥрал Флигло 8 бэрш служыяс андо цэхо, кай терэнас и обложки пэ литература, ай посли када лэс назначили андо служэбно отдело. Андэ кодэя время во дэсавэ бэрша служыяс андэ собрания, кай дэнас дума пэ русько шыб. Андо 2006 бэрш во жэнисайля пэ ԥэй, савя ақарэн Надя, вой вмести лэса ля тэ служый андо Вефилё. Вонэ служынас андэ португальско собрания, ай тоди май бут, чем 10 бэрш — андэ испанско. Кала о ԥрал Флигло бут бэрша сас андо служэбно отдело, лэс стодэ тэ терэл дила лэ ԥралэнца анда Учебно камитето. Ай посли када — лэ ԥралэнца анда Служэбно камитето. Андо марто 2022 бэрш во ашэля помошнико кай о Служэбно камитето лэ Руководящёнэ советоско.

О ԥрал Виндэро бареля андо форо Маррие́та (краё Калифорния, США). Во бареля андо ери кай лэ Иеговастирэ свидетеля и болделя 29 марта андо 1986 бэрш. Ужэ андэ авэр шон посли кода, сар болделя, во ля тэ служый сар подсобно пианеро. Лэсти када кадя чалеля, кай во ришыл тэ на ашавэл кадэя служэния. Через дэсавэ шона, андо 1 октябрё андо 1986 бэрш, во ашэля общё пианеро.

Кала о Джэфри сас тэрноро, во авеля в ӷости кай пэстирэ дуй ԥрала, савэ андэ кодэя время служынас андо Вефилё. Посли кода, сар во лэндэ сас, во фартэ закамля тэ авэл вефильцо. Во ришыл тэ подэл и заявления тоди, сар кати поджана и бэрша, савэ важ када трэбуй. И андо маё 1990 бэрш лэс ақардэ тэ служый андо Вефилё андо Уолкилло.

Котэ о ԥрал Виндэро терэлас дила андо отдело, саво диқэл пала вужымос, пэ ферма и андо Бюро кай о Вефилё. Андо 1997 бэрш во жэнисайля пэ ԥэй, савя ақарэн А́нджела, и ласа вонэ идоси служын андо Вефилё. Андо 2014 бэрш лэн пэрэандярдэ андо Уорвико. Котэ о ԥрал Виндэро поможыяс тэ строин и здании важ всемирно ӷлавно управления. Андо 2016 бэрш вонэ пэрэлаглэ андо Учебно цэнтро Сторожэво башня андо Паттерсоно, котэ о ԥрал Виндэро служыяс андо отдело, саво терэл аудио и видеозаписи. Прожылэ 4 бэрш и вонэ рисайлэ андо Уорвико. О ԥрал Виндэро ля тэ терэл дила лэ ԥралэнца анда Камитето па кадроря. Андо марто 2022 бэрш лэс назначили тэ авэл помошнико андо Камитето па кадроря лэ Руководящёнэ советоско.

Амэ блаӷодарни лэ Иеговасти важ кадэла мануша, «савэ сар подаркоря». Амэ мангаспэ, кай о Иегова анда оди тэ дэл лэнди лашымос, важ кода кай вонэ пристон бут зор важ лэ Царствостири дила (Эф. 4:8).