Васо важ о Иисусо кадя важно лэ Иеговаско алав?

1, 2. а) Со терэлас о Иисусо вечером англа пэстири смэрть? б) Савэ вопросоря амэ роздиқаса андэ кадэя статья?

КАДА сас рятэ 14 нисана андо 33 бэрш андэ амари эра. О Иисусо находийпэ андо Иерусалимо. Во ӷанэн, кай ӥто лэс здэна, сындона, дошалярэна, мучина и умарэна. Во бэшэл вместе лэ апосталонэнца андэ комната важ и ӷостёря. Вонэ кати справисардэ и Патради и о Иисусо приԥэндя, сар и ученикоря трэбуй тэ сэрэн лэстири время. О Иисусо ԥэнэн лэ учениконэнди бут лашэ алава. Ай тоди, англа кода сар вонэ тэ вижан анда цэр, во анда вся ди взвийпэ каринг о Дэл. Кадэя фартэ важно молитва запистромэ андэ 17-то ӷлава Евангелия лэ Иоанностар.

² Сар лэ Иисусостири молитва сыкавэл, пала со во гиндояс кода вечеро? Со сас важ о Иисусо по пэрво ҭан важ вся и время, пока во терэлас лэ Дэвлэстири дила пэ ԥув? Давайте подаса дума важ када.

«МЭ ДЭМ ТЭ ӶАНЭН ТИРО АЛАВ ЛЭ МАНУШЭНДИ»

3. Со камля тэ ԥэнэн о Иисусо, кала ԥэндя: «Мэ дэм тэ ӷанэн тиро алав лэ манушэнди» и «мэ росԥэндэм лэнди пала тиро алав»? (Иоано 17:6, 26).

³ О Иисусо мангэласпэ: «Мэ дэм тэ ӷанэн тиро алав лэ манушэнди» и «мэ росԥэндэм лэнди пала тиро алав». Во дувар ԥэндя кадэва гиндо андэ пэстири молитва. (Проадинон Иоано 17:6, 26.) Со во камля тэ ԥэнэн? Хэба и ученикоря на ӷанэнас лэ Дэвлэско алав? Инке сар ӷанэнас. Вонэ сас евреёря, ай кадэва алав пистромэ андэ Еврейски Лила фартэ бут разоря. Вижал, о Иисусо най просто сытярэлас, кай лэ Дэвлэс ақарэн Иегова, ай росԥэнэнас, саво во сыно. О Иисусо поможыяс пэстирэ учениконэнди май драго тэ уӷанэн лэ Иеговас: лэстири дила, лэско гиндо и лэско характеро. Нико на ӷанэн лэ Иеговас май драго, чем о Иисусо.

4, 5. а) Сар амэ можэм май фартэ тэ лас тэ цэнисарас варикаско алав? Росԥэнэн примеро. б) Сар лэ Иисусостирэ ученикоря моӷли инке май драго тэ уӷанэн лэ Иеговас?

⁴ Призындяраса кацаво примеро. Тутэ андэ собрания исин старейшына, савэс ақарэн Сюра. Инке во хирурго и ту дэлмут ӷанэс кадэлэ ԥралэс. И акэ еқвар, кала тути срочно трэбуй тэ терэн операцыя, во терэл ла и спасый тири жызня. Со акана сыкавэл важ тутэ кадэлэ ԥралэско алав? Акана, кала ту ашунэса лэско алав, ту лэса вспоминать, со во важ тутэ стердя. Сюра — када ужэ най просто лэ старейшынаско алав, ай алав кодэлэ врачоско, саво спасысардя тути и жызня.

⁵ Точно кадя жэ и лэ Иисусостирэ ученикоря ужэ ӷанэнас лэ Дэвлэско алав. Но о Иисусо поможысардя лэнди тэ цэнин лэско алав инке май фартэ. Васо можно кадя тэ ԥэнэс? Важ кода кай андэ вся, сар андярэлас пэс о Иисусо, во сыкадя, сар андярдоп пэс о Иегова. Кала и ученикоря ашунэнас, сар о Иисусо сытярэлас, и диқэнас, сар во обжаласпэ аврэнца, вонэ инке май драго уӷанэнас лэ Иеговас (Иоан. 14:9; 17:3).

«ВАЖ ТИРО АЛАВ, САВО ТУ МАНДИ ДЯН»

6. Сар тэ полас, кай о Иегова дя лэ Иисусости пэско алав? (Иоано 17:11, 12).

⁶ О Иисусо мангэласпэ пала пэстирэ ученикоря: «Фэрисар лэн, Свынто Дад, важ тиро алав, саво ту манди дян». (Проадинон Иоано 17:11, 12.) Сыкавэн кадэла алава, кай акана по Иисусо лэна тэ ԥэнэн Иегова? Най. О Иисусо ԥэндя: «Важ тиро алав». Вижал, лэ Иеговаско алав на пэрэжыля лэ Иисусости. Тоди сар тэ полас, кай о Дэл дя лэ Иисусости пэско алав? О Иисусо моӷ тэ дэл дума лэ Иеговастирэ алавэстар. Кала во авеля пэ ԥув, во терэлас вся най корко пэстар, ай пэстирэ Дадэстар (Иоан. 5:43; 10:25). Ай инке лэ Иисусоско алав сыкавэл «О Иегова спасый». Вижал, лэ Дэвлэско алав и лэстирэ Шавэско алав фартэ сԥанглэ ек еқэса.

7. Васо о Иисусо моӷ тэ дэл дума лэ Иеговастирэ алавэстар? Росԥэнэн примеро.

⁷ Призындяраса примеро. О президенто можэт тэ бишалэл андэ авэр страна пэстирэ манушэс тэ дэл дума лэстирэ алавэстар. Вижал, кода, со ԥэнэна кадэва мануш, авэла кадя жэ важно, ԥэнэса када ԥэндя екжэно о президенто. Кадя жэ и о Иисусо дэлас дума лэ Иеговастирэ алавэстар (Матф. 21:9; Лука 13:35).

8. Со о Иисусо терэлас лэ Иеговастирэ алавэстар жы каринг кода, сар тэ авэл пэ ԥув? (Исход 23:20, 21).

⁸ По Иисусо андэ Библия ԥэнэнпэ Алав, важ кода кай через лэстэ о Иегова росԥэнэн и приԥэнэн варисо лэ анӷелонэнди и лэ манушэнди (Иоан. 1:1—3). Наверно, о Иисусо сас кодэва анӷело, савэсти о Иегова ԥэндя тэ заботийпэ пала израильтяноря андэ пустыня. Во приԥэндя пэстирэ народости тэ кандэл кадэлэ анӷелос и ԥэндя: «Во када терэл мандар»a. (Проадинон Исход 23:20, 21.) Кадя о Иегова ворта сыкадя, кай о Иисусо терэл лэстар кадэя дила. Имено о Иисусо можэт со май драго тэ доԥэнэн, кай лэ Иеговаско алав свынто и кай вся, со о Сатана ԥэндя по Иегова — када хохаимос.

«ДАДЭ, СТЕР АШУНГЛО ТИРО АЛАВ»

9. Пар со дицол, кай лэ Иеговаско алав сас фартэ важно важ о Иисусо?

⁹ Жы каринг кода, сар о Иисусо тэ авэл пэ ԥув, лэ Иеговаско алав сас фартэ важно важ лэстэ. И кала во жувэлас пэ ԥув, вся лэстири дила сыкавэлас, кай када на паруделя. И англа пэстири смэрть во мангля: «Дадэ, стер ашунгло тиро алав». И лэско Дад сразу жэ ԥэндя лэсти: «Мэ стердэм тэ авэл ашунгло и инке стерава» (Иоан. 12:28).

10, 11. а) Со о Иисусо терэлас, кай лэ Иеговаско алав тэ авэл инке май ашунгло? (Кадяжэ диқэн и картинка.) б) Васо трэбуй пэ дила тэ доԥэнас, кай лэ Иеговаско алав свынто, и тэ зашаспэ пала лэстэ?

¹⁰ О Иисусо тожэ терэлас вся, кай лэстирэ Дадэско алав тэ ашундёл лашымаса. Сар во када терэлас? Во росԥэнэнас аврэнди пала лэ Дэвлэско райкано характеро и лащи дила. Но када най вся. О Иисусо пэ дила доԥэнэнас, кай лэ Иеговаско алав свынто и кай вся, со о Сатана ԥэнэн по Иегова, — када хохаимос. О Иисусо сыкадя, пэскати дэ важно када тэ терас, кала сытярэлас пэстирэ учениконэн тэ мангэнпэ. Во ԥэндя: «Амаро небесно Дад, мэк тиро алав авэл свынто» (Матф. 6:9).

¹¹ Васо трэбуй пэ дила тэ доԥэнас, кай лэ Иеговаско алав свынто, и тэ зашаспэ пала лэстэ? Важ кода кай андо Эдемско садо о Сатана хохадя по Иегова. Во ԥэндя, кай о Иегова хохавэл лэ Адамос и ла Ева и одлэл лэндар варисо лашо (Быт. 3:1—5). Кадя о Сатана дошалярдя лэ Иеговас, кай во терэл неправильно. Кадэлэса о Сатана закамля тэ шол чик пэ лэ Иеговаско лашо алав. Ӷэт май интя, кала жувэлас о Иово, о Сатана ԥэндя, кай и мануша кандэн лэ Иеговас кати важ кода, кай варисо лэстар тэ лэн. Кадэва хохавно анӷело кадяжэ ԥэндя, кай ни ек мануш на любий лэ Иеговас па чачимастэ и кай и мануша одбандёна лэстар, кала лэндэ авэла варисаво ԥаримос (Иов 1:9—11; 2:4). Трэбуй сас время, кай всаворэ тэ додиқэн, ко па чачимастэ хохавэл: о Иегова или о Сатана.

«МЭ ОТДАВ ПЭСТИРИ ЖЫЗНЯ»

12. Пэр со о Иисусо сас ӷотово тэ жал через и любовь каринг о Иегова?

¹² Через и любовь каринг о Иегова о Иисусо камэлас тэ терэл вся, со па лэско зор, кай тэ зашолпэ пала лэстэ и кай лэстирэ Дадэско алав тэ авэл инке май ашунгло. «Мэ отдав пэстири жызня», — ԥэндя о Иисусо (Иоан. 10:17, 18). Во сас ӷотово дажэ тэ отдэл пэстири жызня важ лэ Иеговаско алавb. И пэрви идеальни мануша, о Адамо и Ева, одбанделэ лэ Иеговастар и терделэ пэ лэ Бэнгэстири риг. Ай о Иисусо, наоборот, екжэно авеля пэ ԥув и сыкадя, кай любий пэстирэ Дадэс. Во вся и жызня андярэлас лэ Иеговастири время (Евр. 4:15; 5:7—10). О Иисусо пэрэжудя ԥари смэрть по столбо, но на ашадя лэ Иеговас (Евр. 12:2). Кадя во доԥэндя, кай любий лэ Иеговас и лэско алав.

13. Васо о Иисусо май драго всаворэндар моӷ тэ доԥэнэн, кай о Сатана — хохавно? (Кадяжэ диқэн и картинка.)

¹³ Пэстиря жызняса о Иисусо доԥэндя, кай хохавно о Сатана, ай най о Иегова (Иоан. 8:44). О Иисусо ӷанэн лэ Иеговас май драго всаворэндар, ко варикала жувэлас по небо или пэ ԥув. Если андэ лэ Сатанаско хохаимос тэ авелоп хоть ӷрама чачимос, о Иисусо точно пала када ӷанглоп. Но о Исусо всаворэ одеса патялас лэ Иеговасти и важ када зашоласпэ пала лэско алав. Дажэ кала здэласпэ, кай о Иегова ашадя лэ Иисусос, во витидя тэ мэрэл, но тэ на отԥэндёл пэстирэ Дадэстар (Матф. 27:46)c.

«ТУ АШЭЛЯН ИНКЕ МАЙ АШУНГЛО... КАЛА МЭ ДОСТЕРДЭМ И ДИЛА, САВИ ТУ МАНДИ ДЯН»

14. Со стердя о Иегова важ о Иисусо, важ кода, кай во на парашэля лэс тэ кандэл?

¹⁴ Рятэ англа пэстири смэрть о Иисусо ԥэндя лэ Иеговасти: «Через мандэ ту ашэлян инке май ашунгло... кала мэ достердэм и дила, сави ту манди дян». О Иисусо точно ӷанэнас: если во на парашэла тэ кандэл лэ Иеговас, лэско Дад дэла лэсти бут лашымос (Иоан. 17:4, 5). И о Иисусо най евья патялас. О Иегова на домэкля, кай о Иисусо тэ ашэлпэ андэ моӷила (Дила 2:23, 24). Во жундярдя пэстирэ Шавэс и дя лэсти почотно ҭан по нэбо (Флп. 2:8, 9). Ӷэт май интя о Иисусо ашэля Царё андэ лэ Дэвлэско Царство. Со стерэла кадэва Царство? Пала када амэ адиносарас андэ Библия: «Мэк правий тиро Царство. Мэк вся ашэл кадя, сар тути уӷодно, и пэ ԥув, и по небо» (Матф. 6:10).

15. Со о Иисусо стерэла англэ?

¹⁵ Ӥто о Иисусо жала пэ война против лэ Дэвлэстирэ вороӷоря и умарэла андо Армагеддоно лэ манушэн, савэндэ найлашо ди (Тайна 16:14, 16; 19:11—16). Потом о Иисусо шола лэ Сатанас андэ «пропость» — када сар баруно, кай во не сможэт нисо тэ терэл (Тайна 20:1—3). Кала о Иисусо лэла тэ правий тысяча бэрш, пэ ԥув авэла мирно жызня. И мануша на лэна тэ насвавэн и тэ мэрэн, во рия каринг и жызня кодэлэн, ко муля, и па вся и ԥув авэла раё. Вся авэла кадя, сар загиндосардя о Иегова! (Тайна 21:1—4).

16. Сави авэла жызня, кала прожала и тысяча бэрш?

¹⁶ Погиндосар, сави жызня авэла, кала прожала и тысяча бэрш. Будэр на авэла о бэзэх и всаворэ мануша ашэна идеальни. Лэ мирости будэр на трэбуй авэла тэ мангэн прощения важ о бэзэх через лэ Иисусостири жэртва. Кадяжэ лэ манушэнди будэр на трэбуй авэла помощь, кай тэ примиринпэ лэ Дэвлэса. «О послиднё вороӷо», и смэрть, будэр на авэла. Кодэла, ко муля, ринапэ каринг и жызня. Всаворэ, ко жувэл пэ ԥув, авэна идеальни (1 Кр. 15:25, 26).

17, 18. а) Со авэла, кала прожана и тысяча бэрш? б) Со стерэла о Иисусо, кала во парашэла тэ правий сар царё? (1 Каринфо 15:24, 28). (Кадяжэ диқэн картинка.)

¹⁷ Со инке авэла, кала прожана и тысяча бэрш? Кода, со амэ всаворэ фартэ аштярас! Будэр никала никасти дажэ по гиндо на авэла, кай о Иегова най свынто и най справедливо Дэл. Васо? Андо Эдемско садо о Бэнг ԥэндя, кай о Иегова хохавэл лэ мирос и кай во просто хулаий лэнца, но на любий лэн. И всаек пэ люма вся и время сас мануша, савэ стонас бари патив по Иегова. Лэндири жызня сыкавэл, кай о Дэл само лашо правителё. Кала прожала и тысяча бэрш, лэ Иеговаско алав ашэла полностью вужо и свынто. И нико никала на ԥэнэна алав против Иегова. И тоди всаворэ полэна, кай во амаро Дад, саво фартэ амэн любий.

¹⁸ Авэла доԥэндо, кай вся, со о Сатана ԥэнэнас пала Иегова, — када хохаимос. Со стерэла о Иисусо, кала прожана и тысяча бэрш? Зваздэлапэ во против Иегова, сар када стердя о Сатана? Най. (Проадинон 1 Каринфо 15:24, 28.) О Иисусо отдэла пэстирэ Дадэсти палпалэ о право тэ авэл Царё. Во совсем най кацаво, сар о Сатана. О Иисусо авэла ӷотово тэ кандэл лэ Иеговас, важ кода кай любий пэстирэ Дадэс.

19. Пэскати дэ важно важ о Иисусо лэ Иеговаско алав?

¹⁹ Акана амэ полас, васо о Иегова закамля тэ дэл лэ Иисусости пэско алав! О Дэл дя пэстирэ Шавэсти право тэ дэл дума лэстирэ алавэстар. И во на подвэдисардя пэстирэ Дадэс. Сар амэ полям анда кадэя статья, важ о Иисусо нинай нисо май важно, чем лэ Иеговаско алав. Важ кадэва алав во дажэ отдя пэстири жызня. И кала прожана и тысяча бэрш, во авэла ӷотово тэ пэрэдэл о право тэ авэл Царё пэстирэ Дадэсти. Сар амэ можэм тэ шаспэ по Иисусо? Уӷанаса када андэ авэр статья.