СТАТЬЯ ВАЖ И ИЗУЧЕНИЯ 23
ДИЛИ 2 Тиро алав Иегова
Васо важ амэндэ кадя важно лэ Иеговаско алав?
«О Иегова ԥэнэн: „Тумэ мэрнэ свидетеля“» (ИС. 43:10).
АМЭ УӶАНАСА
Со амэ можэм тэ терас, кай лэ Иеговаско алав тэ авэл инке май свынто, и сар тэ доԥэнас, кай вся, со о Сатана ԥэндя пала Иегова, — када хохаимос.
1, 2. Пар со амэ ӷанас, кай важ о Иисусо нинай нисо май важно, чем лэстирэ Дадэско алав?
ВАЖ о Иисусо нинай нисо май важно лэ Иеговастирэ алавэстар. Нико на стердя май бут чем во, кай тэ поможый аврэнди тэ уӷанэн пэстирэ Дадэско алав. Сар амэ уӷанглям анда кодэя статья, кала о Иисусо отдя пэстири жызня, во пэ дила доԥэндя, кай о Иегова свынто и никала на шылийпэ (Мар. 14:36; Евр. 10:7—9). Сар прожана и тысяча бэрш, о Иисусо отдэла пэско право тэ авэл Царё лэ Иеговасти. Васо? Во камэл, кай ек лэско Дад тэ авэл само ашунгло (1 Кр. 15:26—28). О Иисусо стол бари патив пэ лэ Иеговаско алав и када сыкавэл, сар дэ фартэ во любий пэстирэ Дадэс.
2 О Иисусо авеля пэ ԥув лэ Иеговастирэ алавэстар (Иоан. 5:43; 12:13). Во поможысардя тэ уӷанэн лэско алав пэстирэ учениконэнди (Иоан. 17:6, 26). Во сытярэлас лэ мирос и терэлас чудеса пэстирэ Дадэстирэ алавэстар (Иоан. 10:25). О Иисусо мангэласпэ пэстирэ Дадэсти, кай во тэ фэрий лэстирэ учениконэн. И во мангэлас, кай лэско Дад тэ стерэл када важ пэско алав (Иоан. 17:11). Дицол, кай о Иисусо столас бари патив пэ пэстирэ Дадэско алав. Важ када, хэба можэт варико тэ ԥэнэн, кай во па чачимастэ лэ Иисусоско ученико, если во на ӷанэн лэстирэ Дадэско алав и на взвийпэ каринг лэстэ па алавэстэ?
3. Со амэ уӷанаса анда кадэя статья?
3 Сар лэ Христостирэ ученикоря, амэ андэ вся лас примеро лэ Иисусостар (1 Пёт. 2:21). Важ када амэ любисарас и стас патив пэ лэстирэ Дадэско алав. Анда кадэя статья амэ уӷанаса, васо кодэла, ко росԥэнэн «и лащи новость пала Царство», ԥиравэн лэ Иеговаско алав (Матф. 24:14). Кадяжэ амэ роздиқаса, васо важ кажно андар мэндэ трэбуй тэ авэл важно кадэва алав.
«НАРОДО, САВО ЛЭЛА ТЭ ԤИРАВЭЛ ЛЭСКО»
4. а) Со приԥэндя о Иисусо пэстирэ учениконэнди англа кода, сар тэ рийпэ по небо? б) Пала со амэ подаса дума май англэ?
4 Англа кода, сар тэ рийпэ по небо, о Иисусо ԥэндя пэстирэ учениконэнди: «Но кала тумэнди авэла дино о свынто зор, тумэ лэна зор и авэна мэрнэ свидетеля андо Иерусалимо, па вся Иуде́я и Сама́рия и па вся ԥув» (Дила 1:8). Важ када, и ученикоря трэбуй авэна тэ росԥэнэн и лащи новость най кати андо Израилё, ай па вся и ԥув и кай и мануша анда разни народоря авэла возможность тэ ашэн лэ Иисусостирэ ученикоря (Матф. 28:19, 20). Интересно, кай во ԥэндя: «Авэна мэрнэ свидетеля». Сыкавэл када, кай и нэвэ ученикоря трэбуй авэна тэ полэн ек кати лэ Иисусос или лэнди трэбуй авэла тэ ӷанэн инке и лэ Иеговаско алав? Када амэ сможэм тэ уӷанас анда 15-то ӷлава анда книӷа Дила.
5. Сар и встреча андо Иерусалимо сыкадя, кай всаворэ мануша трэбуй тэ уӷанэн лэ Иеговаско алав? (Кадяжэ диқэн и картинка.)
5 Андо 49-то бэрш андэ амари эра и апосталоря и старейшыноря андо Иерусалимо стидэпэ еқэҭанэ. Лэнди трэбуй сас тэ подэн дума пала ек важно вопросо: трэбуй и мануша анда авэр народоря, савэ камэн тэ ашэн лэ Христостирэ ученикоря, тэ опшындён, сар када пистромэ андэ лэ Моисеёско законо, чи най? Пэ кодэя встреча о Иаково, лэ Иисусоско ԥрал, ԥэндя кацавэ алава: «[О Пётро] подробно росԥэндя, сар о Дэл пэрво разо шутя сама пэ авэр народоря, кай тэ стидэл андар лэндэ народо, саво лэла тэ ԥиравэл лэско алав». Важ каско алав о Иаково дэлас дума? Када дицол анда лэ Амосостирэ алава, савэ о Иаково ԥэндя май интя: «Кай и мануша, савэ ашэлэпэ, тэ старыинпэ анда ди тэ уӷодин лэ Иеговасти вместе лэ манушэнца анда всаворэ народоря, кодэлэнца, касти приԥэндо мэрно алав. Кадя ԥэнэн о Иегова» (Дила 15:14—18). И нэвэ ученикоря трэбуй сас най кати тэ уӷанэн пала Иегова, но и тэ ԥиравэн лэско алав. Акана кадэлэ манушэн лэна тэ ӷатярэн па кадэва алав и вонэ лэна тэ поможын аврэнди тэ уӷанэн лэс.
Кала андо пэрво вико стидясаспэ о руководящё совето, и ԥрала полинэ, кай и христианоря трэбуй тэ авэн стидэ андэ ек народо, саво ԥиравэл лэ Дэвлэско алав. (Смотрите абзац 5.)
6, 7. а) Состэ о Иисусо авеля пэ ԥув? б) Со само важно трэбуй сас тэ стерэл о Иисусо?
6 Лэ Иисусоско алав сыкавэл «О Иегова спасый». Имено через о Иисусо о Иегова спасый всаворэн, ко патял андэр лэстэ. О Иисусо авеля пэ ԥув, кай тэ отдэл важ и мануша пэстири жызня (Матф. 20:28). Через лэ Иисусостири смэрть моӷут тэ простинпэ амарэ бэзэха и амэ сможэм тэ жувас вечно (Иоан. 3:16).
7 Васо трэбуй сас, кай важ и мануша тэ потинэн и особо цэмин? Кай тэ полас када, трэбуй вспомнить, со тердясаспэ андо Эдемско садо. Сар ԥэнэнаспэ андэ кодэя статья, о Адамо и Ева жылэ против Иегова и хасардэ возможность тэ жувэн вечно (Быт. 3:6, 24). Но о Иисусо авеля пэ ԥув най кати важ кода, кай тэ спасый лэ мирос. Само важно важ лэстэ сас — када тэ доԥэнэн, кай лэ Дэвлэско алав свынто. О Сатана шутя чик пэ кадэва алав (Быт. 3:4, 5). Важ када всаворэ манушэнди трэбуй тэ уӷанэн, кай о Дэл никала на шылийпэ и кай во любий амэн, сар пэстирэ бэятонэн. Кай о Иисусо сас право тэ дэл дума и тэ терэл дила лэ Иеговастирэ алавэстар. И во вся терэлас, кай тэ уӷодий пэстирэ Дадэсти. Акэ васо во фэдэр всаворэндар моӷ тэ доԥэнэн, кай лэ Иеговаско алав свынто.
Хэба можэт варико тэ ԥэнэн, кай во па чачимастэ лэ Иисусоско ученико, если во на ӷанэн лэстирэ Дадэско алав и на взвийпэ каринг лэстэ па алавэстэ?
8. Со всаворэ лэ Иисусостирэ ученикоря трэбуй сас тэ полэн?
8 Всаворэнди, ко патял андо Иисусо — и лэ евреёнэнди и лэ манушэнди анда авэр народоря, — трэбуй сас тэ полэн, кай спасый кати лэско Дад, о Иегова (Иоан. 17:3). Ай инке, сар и о Иисусо, лэнди трэбуй сас тэ прилэн лэ Иеговаско алав. Кадяжэ вонэ трэбуй сас тэ полэн, сар дэ важно тэ пристон вся о зор, кай лэ Дэвлэско алав тэ ашэл инке май свынто. Кати кадя вонэ моӷли тэ уӷодин лэ Иеговасти и тэ спасынпэ (Дила 2:21, 22). Всаворэнди, ко камэлас тэ ашэл лэ Иисусоско ученико, трэбуй сас тэ уӷанэн най кати важ о Иисусо, но и важ о Иегова. И важ када амэ полас, васо о Иисусо, кала мангэласпэ, ԥэндя кацавэ алава: «Мэ росԥэндэм лэнди пала тиро алав и инке май бут лава тэ росԥэнав пала лэстэ, кай вонэ тэ любин аврэн кадя жэ, сар ту любис ман, и кай мандэ тэ авэл ек гиндо лэнца» (Иоан. 17:26).
«ТУМЭ МЭРНЭ СВИДЕТЕЛЯ»
9. Со трэбуй тэ терэн всаворэ, ко па чачимастэ полэл лэ Иисусос?
9 Всаворэ, ко па чачимастэ полэл лэ Иисусос, трэбуй тэ терэн вся, кай лэ Иеговаско алав тэ ашэл инке май свынто (Матф. 6:9, 10). Кадэва алав трэбуй тэ авэл важ амэндэ май важно, чем всаворэ авэр алава. Но сар амэ можэм тэ терас вся, кай лэ Иеговаско алав тэ ашэл май свынто и пэ дила тэ доԥэнас, кай вся, со ԥэнэн о Сатана пала амаро Дэл — када хохаимос?
10. Важ саво сындо ԥэнэнпэ андэ книӷа Исайя? (Исайя 43:9; 44:7—9). (Кадяжэ диқэн и картинка.)
10 Андэ книӷа Исайя андэ 42-то жы каринг 44-то ӷлава пистромэ, сар амэ можэм тэ терас, кай лэ Иеговаско алав тэ ашэл инке май свынто. Котэ ԥэнэнпэ важ о сындо, пэ саво вазглясаспэ кацаво вопросо: ко чачуно Дэл? О Иегова взвийпэ каринг всаворэ, ко ԥэнэн пэр пэстэ дэл — лэнди трэбуй тэ доԥэнэн, кай вонэ па чачимастэ дэвла. Ай инке во пушэл аврэндар, можэт варико тэ подтвердий, кай кадэла дэвла ԥэнэн чачимос. Но кацавэн нинай, нико не можэт када тэ стерэл! (Проадинон Исайи 43:9; 44:7—9.)
Амарэ алава и амари дила сыкавэн, кай о Иегова — чачуно Дэл. (Диқэн и абзацоря 10, 11.)
11. Со о Иегова ԥэнэн пэстирэ народости андэ Исайя 43:10—12?
11 Проадинон Исайя 43:10—12. О Иегова пушэл лэндар: «Хэба исин Дэл, кроме ман?» (Ис. 44:8). Амэнди випэля бари бах — тэ дас ответо пэ кадэва вопросо. Лэ алавэнца и ла диласа амэ доԥэнас, кай о Иегова — ек чачуно Дэл. Лэско алав май баро, чем всаворэ авэр алава. Пэстиря жызняса амэ сыкавас, кай па чачимастэ любисарас лэ Иеговас. Амэ на парашас лэс тэ кандас, сар бы тэ на тасавэл пар мэндэ о Сатана. Кадя амэ терас вся, со па амаро зор, кай лэ Дэвлэско алав тэ авэл инке май свынто.
12. Сар вся ашэля кадя, сар запистромэ андэ Исайя 40:3, 5?
12 Инке лэ Дэвлэско мануш о Исайя ԥэндя, кай авэла кодэва, ко розвужарэла или вировния «о дром важ о Иегова» (Ис. 40:3). Сар када сас? О Иоанно Крестителё вировнисардя о дром важ о Иисусо. Но можно тэ ԥэнэс, кай во вировнисардя лэс важ о Иегова, важ кода кай о Иисусо авеля и дэлас дума лэ Иеговастирэ алавэстар (Матф. 3:3; Мар. 1:2—4; Лука 3:3—6). Инке о Исайя ԥэндя: «Всаворэ полэна, кай о Иегова ашунгло» (Ис. 40:5). Сар када сас? О Иисусо дэлас дума и терэлас дила лэ Иеговастирэ алавэстар и во стердя када роздраго. Кала и мануша диқэнас лэ Иисусос, вонэ моӷли тэ полэн, сар андярдоп пэс о Иегова, если бы во авелоп пэ ԥув (Иоан. 12:45).
13. Сар амэ можэм тэ лас примеро лэ Иисусостар?
13 Кала амэ зашаспэ пала лэ Иеговаско лашо алав, амэ лас примеро лэ Христостар. Сар и о Иисусо, амэ росԥэнас о чачимос пала Иегова. Амэ ԥиравас лэ Дэвлэско алав и росԥэнас всаворэнди пала лэстири райкани дила. Но амэ кадяжэ трэбуй тэ ԥэнас лэ мирости, со стердя о Иисусо, кай лэ Дэвлэско алав тэ ашэл инке май свынто (Дила 1:8). О Иисусо — када само ӷлавно лэ Иеговаско свидетелё и амэ лас лэстар примеро (Тайна 1:5). Акана давайте розласапэ, васо важ амэндэ кадя важно лэ Иеговаско алав.
САР АМЭ СЫКАВАС, КАЙ ЛЭ ИЕГОВАСКО АЛАВ ФАРТЭ ВАЖНО ВАЖ АМЭНДЭ
14. Сар ԥэнэнпэ андо Псалом 105:3, со амэндэ по ди, кала амэ дас дума важ лэ Иеговаско алав?
14 Амэ абуримаса дас дума важ лэ Иеговаско алав. (Проадинон Псалом 105:3.) О Иегова камэл, кай амэ тэ абуросарас лэса (Иер. 9:23, 24; 1 Кр. 1:31; 2 Кр. 10:17). Важ амэндэ бари бах тэ зашаспэ пала лэ Иеговаско алав и тэ росԥэнас всаворэнди, кай во — свынто Дэл. Амэнди никала на трэбуй тэ авэл лажаво тэ ԥэнас, кай амэ лэ Иеговастирэ свидетеля, например амарэ родости, лэ сосидонэнди, кодэлэнди, кас амэ диқас пэ бути или андэ школа, и всаворэнди аврэнди. О Бэнг камэл, кай амэ тэ парашас тэ росԥэнас лэ манушэнди важ лэ Дэвлэско алав (Иер. 11:21; Тайна 12:17). О Сатана и кодэла, ко розындярэл лэско хохаимос, камэн, кай и мануша тэ бистрэн лэ Иеговаско алав (Иер. 23:26, 27). Но амэ любисарас кадэва алав и вся и время лашымаса дас дума важ лэстэ (Пс. 5:11; 89:16).
15. Сар амэ ақарас лэ Иеговас па алавэстэ?
15 Амэ ақарас лэ Иеговас па алавэстэ (Иоиль 2:32; Римо 10:13, 14). Када сыкавэл май бут, чем просто тэ ӷанас и тэ ԥэнас лэско алав. Амэ драго ӷанас лэ Дэвлэс, патяс лэсти и взвисавас каринг лэстэ пала помощь и совето (Пс. 20:7; 99:6; 116:4; 145:18). Кадяжэ амэ росԥэнас аврэнди пала кода, сар лэс ақарэн и саво во дэ райкано Дэл. Амэ поможысарас лэ манушэнди тэ парудён, кай вонэ пэстиря жызняса тэ радуин лэ Иеговас и тэ спасынпэ (Ис. 12:4; Дила 2:21, 38).
16. Сар амэ можэм тэ доԥэнас, кай о Сатана — хохавно?
16 Амэ ӷотови тэ пэрэандярас ԥаримос важ лэ Иеговаско алав (Иак. 5:10, 11). Дажэ кала амэнди фартэ ԥарэс, амэ на ашавас лэ Иеговас и кадя доԥэнас, кай о Сатана — хохавно. Кала жувэлас о Иово, о Сатана дошалярдя всаворэ манушэн, савэ тэлён лэ Дэвлэсти, и ԥэндя: «Важ пэстири жызня о мануш отдэла вся, со лэстэ исин» (Иов 2:4). О Бэнг ԥэндя, кай и мануша старыинпэ тэ уӷодин лэ Иеговасти, пока лэндэ вся драго. Но кала лэнди ашэла ԥарэс андэ жызня, вонэ одбандёна лэстар. О Иово доԥэндя, кай када хохаимос. И амэ тожэ можэм тэ терас, сар о Иово. Сар бы о Бэнг тэ на старыийпэ тэ подшол амэнди биды и тэ римой амари жызня, амэ никала на одбандюваса лэ Иеговастар. Амэ точно ӷанас, кай о Иегова лэла тэ фэрий амэн важ пэско алав (Иоан. 17:11).
17. Со амэ можэм тэ терас, кай лэ Иеговаско алав тэ авэл ашунгло, сар пистромэ андо 1 Пётро 2:12?
17 Амэ терас вся, кай лэ Иеговаско алав тэ авэл ашунгло (Прит. 30:9; Иер. 7:8—11). Амэ ԥиравас лэ Иеговаско алав. Через кода, сар амэ пэс андярас, по Дэл жала или лашо алав или найлашо. (Проадинон 1 Пётро 2:12.) Важ када амэ старысавас тэ следисарас пала кода, сар амэ пэс андярас и со дас дума. Акэ васо лэ Иеговаско алав можэт тэ ашундёл лашымаса, хоть амэ и най идеальни.
18. Сар инке амэ можэм тэ сыкавас, кай лэ Иеговаско алав важно важ амэндэ? (Кадяжэ диқэн и сноска.)
18 Лэ Иеговаско алав важ амэндэ май важно, чем кода, со пала амэндэ дэл дума о миро (Пс. 138:2). Амэ любисарас лэ Иеговас и камас тэ жувас па лэстирэ законоря. Но часто када на чалёл аврэнди и вонэ найдраго дэн дума важ амэндэa. Лэ Иисусос сындосардэ и умардэ, ԥэнэса во сас найлашо мануш. О миро вэрыцыяс лэс. Но во сас ӷотово тэ мэрэл, кай лэ Иеговаско алав тэ ашэл инке май ашунгло. Во на пэрэдарайля и фартэ на загрыжояспэ, кай важ лэстэ жала найлащи дума (Евр. 12:2—4). Важ лэстэ само ӷлавно сас тэ терэл кадя, сар камэл о Иегова (Матф. 26:39).
19. Васо важ амэндэ кадя важно лэ Иеговаско алав?
19 Амэ абуросарас, кай андярас лэ Иеговастири время. Важ амэндэ бари бах, кай пар мэндэ ԥэнэн лэстирэ свидетеля. Важ када, амэ ӷотови тэ пэрэандярас любо найлащи дума, сави андярэл пар мэндэ о миро. Лэ Иеговаско алав важ амэндэ май важно, чем кода, со пала амэндэ дэн дума. Важ када, сар бы о Сатана тэ на старыийпэ тэ тердярэл амэн, давайте тэ терас вся, кай амарэ Дэвлэско алав тэ авэл инке май ашунгло. Кадя амэ сыкаваса, кай важ амэндэ, сар и важ о Иисусо, нинай нисо май важно, чем лэ Иеговаско алав.
ДИЛИ 10 Прославляйте амарэ Дэвлэс лэ Иеговас!
a Дажэ о правильно мануш о Иово ля фартэ бут тэ гиндой важ пэстэ, кала лэстирэ трин друӷоря линэ тэ дошалярэн лэс, кай во андярэл пэс неправильно. Спэрва, кала о Иово хасардя лэ бэятонэн и вся о мищимос, во «ни андэр со на стердя бэзэх и на дошалярдя лэ Дэвлэс» (Иов 1:22; 2:10). Но кала пэр лэстэ линэ тэ андярэн найлашо алав, во ля тэ дэл дума па дилимастэ. Важ лэстэ сас май важно тэ доԥэнэн, кай во право, чем тэ старыийпэ, кай лэ Дэвлэско алав тэ авэл май ашунгло, и тэ зашолпэ пала лэстэ (Иов 6:3; 13:4, 5; 32:2; 34:5).