На парашас тэ сытювас кай амаро само Баро учителё

ЛЭ РОДИТЕЛЁНЭНГО ПРИМЕРО

Андо 1957 бэрш мэрнэ родителя пэрэлаглэ анда Италия андэ Канада и линэ тэ жувэн андо Ки́ндерсли (раёно Саска́чеван). Ӥто посли када вонэ уӷанглэ лэ Иеговас, и во ашэля ӷлавно важ амаро ери. Сас кацаво, кай амэ служысарасас цыло дес. Важ када дэкала мэ ԥэрясую, кай служысаравас сар подсобно ужэ в 8 лет!

Мэрнэ родителя жувэнас найбарвалэс. Но вонэ сас розлашо примеро, сар тэ жав пэ жэртвы важ о Иегова. Андо 1963 бэрш и родителя бут со порозбитиндэ, кай пэ кодэла ловэ тэ ладас по международно канӷрэсо андо Пасаде́но (штато Калифорния, США). Ай андо 1972 бэрш амэ пэрэлаглям андо канадско форо Трейло (раёно Британско Колумбия), кай тэ служысарас андэ итальянско територия. О дадэ прилэлас андо маӷазино и кадя затерэлас ловэ важ о ери. Кала лэсти ԥэнэнас пала май лащи бути, во отԥэндёлас, кай и дальшэ тэ стол и служэния по пэрво ҭан.

Мэ фартэ блаӷодарно мэрнэ родителёнэнди. Через лэнго примеро мэ ужэ с детства полэм, кай если лава тэ став лэ Иеговас по пэрво ҭан, тоди во пала мандэ позаботияпэ (Матф. 6:33). И вся мэрни жызня мэ най еқвар када диқавас.

ЛАС МАЙ БУТ ТЭ СЛУЖЫСАРАС

Андо 1980 бэрш мэ жэнисайлэм пэ райкани ԥэй Де́бби. Вой точно ӷанэнас, сави дила камэл тэ терэл важ о Иегова. Амэ камасас бут тэ служысарас, важ када через трин шон посли ябьяв и Дебби ля тэ служый пианероса. Через бэршэстэ амэ пэрэлаглям андэ найбари собрания, кай трэбуй сас помощь, и мэ тожэ лэм и пианерско.

Через дэсави время амэнди котэ ужэ на чалёлас, и амэ закамлям тэ уладас. Но драго, кай амэ спэрва подям дума пала када лэ раёнонэ старейшынаса. Во ковлэс, но ворта ԥэндя: «И проблема андэр тумэндэ. Тумэ пэ вся диқэн найлащя ригатар. Старыинпэ тэ родэн варисо лашо — и тумэ обязательно виарақэна». Лэско совето фартэ амэнди поможысардя (Пс. 141:5). Амэ сразу жэ лям кадя тэ терас и полям, кай о ԥрал сас право. Амэ шутям сама, кай андэ собрания исин кодэла, ко камэл тэ терэл важ о Иегова май бут, например, и бэяцэ и ԥэя, савэндэ и хула́я най лэ Иеговастирэ служытеля. Када амэн бут сости сытярдя. Амэ полям, пэскати дэ важно тэ старысавас пэ вся тэ диқас лащя ригатар и тэ аштярас, пока о Иегова сыкавэла, со тэ терас дальшэ (Мих. 7:7). Амэндэ упалэ ля тэ радуийпэ оди, и вся ашэля кадя, сар трэбуй.

Амэндэ сас райканэ преподавателя пэ амари пэрво школа важ и пианероря. Раньшэ вонэ служынас андэ авэр страны. И преподавателя сыкавэнас амэнди и фотоӷрафии и росԥэнэнас, савэ трудности и блаӷословении лэндэ сас. Посли када амэ закамлям тэ служысарас сар мисианероря. Кадя амэ полям, со ласа тэ терас дальшэ.

Кай тэ домардювас кадэя цэль, андо 1984 бэрш анда Британско Колумбия амэ пэрэлаглям андо Квебе́ко. Машкар лэндэ сас май бут чем 4 000 киламетроря и котэ и мануша дэнас дума пэ французско шыб. Амэнди прижыляпэ тэ присытювас каринг авэр культура и тэ сытювас авэр шыб. Инке сас найвушэро через кода, кай часто амэнди на хутилэнас ловэ. Дэсави время амэ хасас ек и картошка, сави стидасас пэ мал кай ек знакомо фермеро. Со кати и Дебби на гитояс андар латэ! Хоть амэндэ и сас бут трудности, амаро ди лошавэлас. Тай инке амэ диқасас, кай о Иегова заботийпэ пала амэндэ (Пс. 64:10).

Еқвар амэнди неожыдано позвонисардэ и ақардэ тэ служысарас андо канадско Вефилё. Амэ на ӷанасас, со тэ терас, важ кода кай ужэ пистросардям заявления андэ Школа Галаадо. Но амэ всаек соӷласисайлям. Кала амэ авелям андо Вефилё, амэ подям дума лэ ԥралэса, савэс ақарэнас Ке́ннето Ли́ттло и саво служыяс андэ лэ филиалоско камитето. Амэ пушлям: «Ай со, если амэн ақарэна андо Галаадо?» Во ԥэндя: «Кала ақарэна, тоди и подаса дума».

Через куртестэ амэн ақардэ андо Галаадо. Важ када амэнди трэбуй сас тэ витидас. О ԥрал Литтло ԥэндя амэнди: «Саво варианто тумэ тэ на витидэн, дэкала тумэнди лэла тэ здэлпэ, кай трэбуй сас тэ витидэн авэр. Нащи тэ ԥэнэс, кай ек варианто май лашо аврэстар. О Иегова можэт тэ блаӷословий любо андар лэндэ». Амэ витидям о Галаадо и потом най еқвар вспоминали кадэлэ ԥралэстирэ алава. Амэ часто росԥэнасас пала кадэва примеро лэ ԥралэнди и лэ ԥэянди, савэнди тожэ трэбуй сас тэ витидэн, кай вонэ лэна тэ служын.

СЛУЖЫСАРАС САР МИСИАНЕРОРЯ

Амэ самас ради тэ сытювас андо 83 класо андэ Школа Галаадо. Амэнца андо класо сас инке 22 ԥрала и ԥэя. Амари школа заляпэ андо апрелё, андо 1987 бэрш, и прожалас андо Бруклино (Нью-Йорко). Амарэ преподавателя сас ԥрала Ю́лиссисо Глассо и Джеко Ре́дфордо. Панч шон просто провуряйлэ, и 6 сентября андо 1987 бэрш сас амаро выпускно. Амэн бишалдэ пэ Гаити и амэнца сас о Жо́но и Мари́ Гуд.

Кодэлэн, ко сытеля андо Галаадо на бишалэнас пэ Гаити жы анда 1962 бэрш. Андэ кодэва бэрш котар одбишалдэ послиднёнэ мисианеронэн. И акэ через трин курте посли выпуско амэ авелям пэ Гаити. Круӷом нисо на сас, кати ек и плая, ай андэ собрания всего 35 вазвещятеля. Амэ самас тэрнэ, бут со на ӷанасас и жувасас андо мисианерско цэр екжэнэ. И мануша пэ Гаити сас фартэ чорорэ. Бут ко на ӷанэнас тэ адиной. Со кати амэ на диқлям, кала кати лям котэ тэ служысарас. Андэ страна сас беспорядкоря, и власть парудёлас, дэнас яг и стины, ай кадяжэ сас ураӷаноря.

Амэ бут сости сытелям кай амарэ ԥрала и ԥэя пэ Гаити. Вонэ вся виритярэнас и на хасарэнас и радость. Лэндири жызня сас найвушэро, но вонэ любинас лэ Иеговас и служэния. Ек ԥэй андэ бэршэндэ на ӷанэнас тэ адиной, но зато ӷанэнас наизусть почти 150 библейски стихоря. Кода, со котэ терэласпэ, инке еқвар сыкавэлас амэнди, кай кати лэ Дэвлэско Царство решыя всаворэ лэ манушэндирэ проблемы. И амэ фартэ камлям тэ росԥэнас пала када аврэнди. Амэнди приятно тэ вспоминаем кодэлэн, каса амэ тоди изучали и Библия. Дэко андар лэндэ потом ашэлэ общи, спецыальни пианероря и старейшыноря.

Пэ Гаити мэ уӷанглэм еқэ тэрнэ манушэс. Лэс ақарэнас Тре́воро. Во сас мисианеро анда мормонско қандири. Амэ лэса най еқвар дасас дума пала Библия. Прожылэ бэрша и манди авеля лэстар письмо. Мэ не ожыдал кода, со во котэ пистросардя: «Пэ авэр канӷрэсо мэ болдювава. Камав тэ рисавав пэ Гаити и тэ служысарав сар спецыально пианеро котэ, кай варикала мэ сымас мормонско мисианеро». Кадя и вижыля: о Треворо и лэстири хулаи бут бэрша росԥэнэнас пала Дэл пэ Гаити.

ЛАДАС АНДЭ ЕВРОПА, АЙ ТОДИ АНДЭ АФРИКА

Амэн бишалдэ андэ Европа, интя, кай и ԥрала раньшэ не моӷли свободно тэ служын. Андо 1992 бэрш амэ авелям андэ Любля́на (Словения). Пэ кадэла краёря арақаделэ и вибарелэ мэрнэ родителя. Андэ кодэя время пэ територия, кай сас и Югославия, инке жалас война. Пала служэния андэ кодэла ҭана диқэлас о австрийско филиало андэ Вена, ай кадяжэ и отделоря андо За́гребо (Хорватия) и Белгра́до (Сербия). Акана и ԥрала андэ кажно республика камлэ тэ ԥэрнавэн пэско Вефилё.

Амэнди трэбуй сас упалэ тэ сытювас авэр шыб и тэ присытювас каринг авэр культура. И мануша котэ ԥэнэнас: «Е́зик е те́жик», када значит «Амари шыб фартэ найвушэро». Да, сас чаче найвушэро. Но амэн фартэ лэлас лэ одестар кода, савэ дэ предани сас и ԥрала и ԥэя. Вонэ сас ӷотови тэ подритярэн вся, со парудёлас андэ арӷанизацыя, и амэ диқасас, сар лэн блаӷословияс о Иегова. Амэ инке еқвар полям, кай андэ пэстири время о Иегова вся лашарэл и терэл када с любовью. Андэ Словения амэнди фартэ поможысардя вся, сости амэ сытелям май данглал, ай кадяжэ котэ амэ уӷанглям бут со нэво.

Но англэ амари жызня инке най еқвар парудёлас. Андо 2000 бэрш амэн бишалдэ андо Кот-д’Ивуа́ро андэ Западно Африка. Потом, андо ноябрё, 2002 бэрш, через и война андэ страна амэнди прижыляпэ срочно тэ уладас андэ Сье́рра-Лео́не. Котэ кати кай закончилась война, сави жалас 11 лет. Амэнди сас найвушэро кадя неожыдано тэ уладас анда Кот-д’Ивуаро. Но кода, сости амэ сытелям май данглал, поможысардя амэнди тэ на хасарас и радость.

Андэ Сьерра-Леоне бут мануша камэнас тэ изучают и Библия, и амэ стасас бут зор, кай тэ поможысарас лэнди. Ай инке амэн лэлас лэ одестар, сар сыкавэнас пэстири любовь и ԥрала и ԥэя, савэ пэрэжудэ и война. Вонэ жувэнас чорорэс, но анда ди делинаспэ аврэнца кодэлэса, со лэндэ сас. Ек ԥэй закамля тэ подарий Дебби варисо анда ӥда. Спэрва и Дебби на камэлас тэ лэл. Но и ԥэй фартэ мангэлас, кай вой тэ лэл о подарко. Вой ԥэндя: «Кала жалас и война, и ԥрала анда авэр страны подритярэнас амэн. Акана амари очередь». Мэ и Дебби закамлям тэ сытювас лэндар.

Через дэсави время амэ рисайлям андо Кот-д’Ивуаро. Но котэ через и проблемы андэ политика упалэ сас беспорядко. Важ када андо ноябрё, 2004 бэрш, амэн срочно ундярдэ по вертолёто, и кажно моӷ тэ лэл пэса кати по 10 килоӷрам кирпэ. Амэ ратярдям пэ французско воено база и совасас по поло. Ай пэ авэр дес вуряйлям андэ Швейцария. Варикай в 12 часов ночи амэ авелям андо Вефилё. Котэ сас и ԥрала анда лэ филиалоско камитето, и преподавателя анда Школа важ лэ ԥралэндири дила и лэндирэ хулая. Амэ идоси сэрас, сар вонэ амэн облэнас, стодэ амэнди ԥабардо хамос и фартэ бут швейцарско шоколадо. Лэндири любовь фартэ ля амэн лэ одестар.

Амэн пэ дэсави время бишалдэ андэ Га́на, ай потом — упалэ андо Кот-д’Ивуаро, кала андэ страна посли беспорядкоря вся ашэля май спокойно. Амэнди сас фартэ найвушэро через кода, кай важ и послиднё время амэ парудям бут страны, андэ савэ служысарасас. Но и ԥрала придэнас амэнди баро зор. Андэ лэ Иеговаско ери и ԥрала и ԥэя всегда любин и поможын ек еқэсти, но мэ и Дебби решыли тэ на гиндосарас, кай вонэ обязани када тэ терэн важ амэндэ. Дажэ андэ кодэя неспокойно время амэ бутэсти сытелям.

СЛУЖЫСАРАС ПО БЛИЖНЁ ВОСТОКО

Андо 2006 бэрш амэнди авеля письмо анда всемирно ӷлавно управления пала кода, кай амэ ласа тэ служысарас по Ближнё Востоко. Амэн упалэ аштярэлас бут со интересно, но кадяжэ сас и нэвэ трудности, ай инке и шыба и культуры, каринг савэ трэбуй сас тэ присытювас. Через и проблемы андэ политика пэ кодэла краёря, ай кадяжэ через кода, андэр со патянас котэ и мануша, амэнди трэбуй сас бутэсти тэ сытювас. Андэ собрании сас ԥрала и ԥэя анда разни культуры, но всаворэ вонэ сас сар ек ери, и амэн када фартэ лэлас лэ одестар. Када сас важ кода, кай всаворэ терэнас кадя, сар ԥэнэнас лэ Иеговастири арӷанизацыя. Амэ абуросарасас амарэ ԥралэнца и ԥэянца. Пэр лэндэ тасавэлас лэнго родо, однокласникоря, и мануша па бути и сосидоря, но вонэ вся виритярэнас.

Андо 2012 бэрш амэ самас по баро спецыально канӷрэсо андо Тель-Ави́во (Израилё). Пэ кадэла краёря послиднё разо стидэ́саспэ кадя бут лэ Иеговастирэ мануша кати пэ лэ Куртенго празнико андо 33 бэрш а.э. Када сас чаче фартэ бари события!

Еқвар амэн манглэ тэ ладас андэ страна, кай амарэ ԥрала не моӷли свободно тэ терэн лэ Дэвлэстири дила. Амэ лям пэса набут литература, послужысардям котэ лэ ԥралэнца и лэ ԥэянца и самас пэ найбарэ канӷрэсоря. Везде сас халавдэ и посторя, пэ савэ вонэ тердёнас, но амэ чуствовали пэс безопасно. Амэнца всегда сас дэсавэ вазвещателя, и амэ самас осторожни, кай пар мэндэ тэ на шон бут сама.

РИСАВАС АНДЭ АФРИКА

Андо 2013 бэрш амэнди динэ нэви дила — тэ служысарас андо филиало андэ Кинша́са (Демократическо Республика Конго). Конго — бари страна, и котэ шукарни природа, но и мануша котэ жувэн фартэ чорорэс и лэндэ бут проблемы через и войны, савэ котэ сас. Пэрво, со амэ ԥэндям: «Амэ ужэ самас андэ Африка, важ када амэ ӷотови». Но амэнди трэбуй сас инке бут сости тэ сытювас! Например, сар варикаринг тэ доладас, если нинай дрома и мосторя. И ԥрала и ԥэя котар сас важ амэндэ райкано примеро! Хоть лэндэ и сас проблемы лэ ловэнца, вонэ вся и время сас радосни, виритярэнас о ԥаримос, любинас и служэния и бут состар отԥэндёнас, кай тэ авэн пэ собрании и пэ канӷрэсоря. И амэ драго диқасас, кай о Иегова амэн блаӷословий и подритярэл, важ кода кай бут мануша уӷанэнас лэс и камэнас лэсти тэ служын. Андо Конго амэ бутэсти сытелям и виарақлям нэвэ друӷонэн, савэ ашэлэ амэнди сар чаче.

В концэ андо 2017 бэрш амэ упалэ пэрэлаглям, но када разо андо южноафриканско Вефилё. Во сас пэбутэстэ май баро, чем кодэла, андэ савэ амэ служысарасас раньшэ. И амэнди динэ дила, сави амэ раньшэ никала на терасас. Важ када амэ упалэ лям тэ сытювас. Но драго, кай амэ май данглал ужэ бут со ӷанасас. Андэ Южно Африка амэ уӷанглям лэ ԥралэн и лэ ԥэян, савэ служынас лэ Иеговасти уже 20, 30, 40, а то и май бут бэрш. И всаворэн лэн амэ фартэ полюбисардям. Сар дэ драго, кай андэ амаро Вефилё и ԥрала и ԥэя анда разни народоря и культуры сар ек ери вместе терэн дила! Да, о Иегова блаӷословий лэнго трудо, кай вонэ тэ парудён и тэ жувэн па библейски принцыпоря.

Мэ и Дебби проандярдям бут бэрша андэ полновремено служэния, и амэндэ сас бут разно дила, амэ присытювасас каринг разни культуры и сытювасас разни шыба. Када най всегда сас вушэро. Но блаӷодаря кодэлэсти, кай амэн подритярэлас и арӷанизацыя и амарэ ԥрала и ԥэя, амэ всегда чуствовали, кай о Иегова амэн предано любий (Пс. 144:2). И амэ уверени, кай вся, сости амэ сытелям андэ полновремено служэния важ всаворэ кадэла бэрша, поможысардя амэнди тэ авас инке май полезни важ о Иегова.

Мэ блаӷодарно мэрнэ родителёнэнди важ кода, сар вонэ ман барярдэ. Мэ фартэ цэнисарав, кай мэрни кучутни Дебби всегда ман подритярэл. И мэ фартэ блаӷодарно лэ ԥралэнди и лэ ԥэянди анда разни страны важ лэнго райкано примеро. Мэ и Дебби камас и дальшэ тэ сытювас кай амаро само Баро учителё!