Ко жала по нэбо?
Со ԥэнэнпэ андэ Библия?
О Дэл витидя найбари ӷрупа манушэн,— када предани христианоря, савэ посли пэстири смэрть авэна васкрешони, кай тэ жувэн по нэбо (1 Петра 1:3, 4). Лэндэ трэбуй тэ авэл састи вера и примерни андэ кода, сар пэс андярэн, кай вонэ тэ авэн достойни, кай лэндэ тэ авэл кадэя наӷрада (Эфесянам 5:5; Филиппийцам 3:12—14).
Сости дэсавэ мануша жан по нэбо?
Еқэҭанэ лэ Христоса вонэ по нэбо авэна царёря и рашая 1 000 бэрш (Откровение 5:9, 10; 20:6). Када авэла небесно правительство, или сар ԥэнэнпэ андэ Библия, када авэла «нэво нэбо». Кадэва правительство лэла тэ правий понад и мануша или, сар пистромэ андэ Библия, авэла тэ правий «нэвя ԥувьяса». Кадэва небесно правительство поможыя, кай пэ ԥув упалэ тэ авэл праведность и тэ рий кода, со о Дэл май англал загиндосардясас важ и мануша пэ ԥув (Исаия 65:17; 2 Петра 3:13).
Скати манушэн о Дэл васкресия, кай вонэ тэ жувэн по нэбо?
Андэ Библия пистромэ, кай лэн 144 000 манушэн (Откровение 7:4). Андэ видения, сави запистромэ андэ Откровение 14:1—3, о апостало Иоано додиқля, кай «по плай Сионо тердёл о Бакроро и лэса сто сорок четыре тысячи». Андэ кадэя видения о Бакроро сыкавэл по Иисус Христос, саво рисайля каринг и жызня (Иоанна 1:29; 1 Петра 1:19). О плай Сионо сыкавэл, кай кай о Иисусо и кай и 144 000 кодэлэн, ко правия лэса по нэбо, бари положэния (Псалом 2:6; Евреям 12:22).
Андэ Библия пэ кодэла, кас о Дэл витидя, кай тэ правин лэ Христоса андо небесно Царство, андэ Библия пэр лэндэ ԥэнэнпэ «найбаро стадо» (Откровение 17:14; Луки 12:32). Када сыкавэл, кай лэн авэла май набут, чем кодэлэн, ко жувэна пэ ԥув (Иоанна 10:16).
Найчачимос, саво ԥэнэн и мануша пала кодэла, ко жала по нэбо
И мануша ԥэнэн, кай всаворэ лашэ мануша жан по нэбо.
Но па чачимастэ, о Дэл дэл алав, кай и лашэ мануша жувэна вечно пэ ԥув (Псалом 37:11, 29, 34).
О Иисусо ԥэндя: «Нико анда мануша на ваздэласпэ по нэбо» (Иоанна 3:13). Вижал, и мануша, савэ служынас лэ Дэвлэсти и савэ мулинэ жы кай о Иисус Христос на жылэ по нэбо. Например: када о Авраамо, о Моисеё, о Иово и о Давидо (Деяния 2:29, 34). Лэн о Дэл васкресия, кай вонэ тэ жувэн пэ ԥув (Иов 14:13—15).
Васкресения каринг и небесно жызня, пала латэ андэ Библия пистромэ, кай када, кала «пэрвонэн рина каринг и жызня» (Откровение 20:6). Када сыкавэл, кай авэла и авэр васкресения, сави пэ ԥув.
И Библия сытярэл кодэлэсти, кай кала правия лэ Дэвлэско Царство «и смэрть будэр на авэла» (Откровение 21:3, 4). Анда када дицол, кай кадэла алава исполняца пэ ԥув, важ кода кай и смэрть пэ нэбо никала на сас.
И мануша ԥэнэн, кай кажно витидэл екжэно, кай во жувэла — по нэбо чи пэ ԥув.
Но па чачимастэ, о Дэл витидэл, кастэ анда верни христианоря авэла наӷрада тэ жувэл по нэбо (Филиппийцам 3:14). Кала о Дэл витидэл, кай о мануш жувэла, во на диқэл, сави кай о мануш жылания и со во камэл тэ домардёл андэ пэстири жызня (Матфеё 20:20—23).
И мануша ԥэнэн, кай пэ ԥув жувэна и мануша, савэ най достойни тэ жувэн по нэбо.
Но па чачимастэ, кодэла, ко вечно лэла тэ жувэл пэ ԥув, о Дэл пэр лэндэ ԥэнэн «мэрно народо», «кодэла, кас мэ витидэм», «народо, савэс блаӷословисардя о Иегова» (Исаия 65:21—23). Лэнди випэля бари бах тэ участвуют андэ лэ Дэвлэско замысло, — када, кай и мануша тэ ашэн совершэни и кай вонэ тэ жувэн андо раё пэ ԥув. Вонэ лэна андэ када тэ поможын, важ кода кай о Иегова инке май данглал загиндосардя када (Бытие 1:28; Псалом 115:16; Исаия 45:18).
И мануша ԥэнэн, кай о число 144 000, пала саво пистромэ андэ Откровение, во символическо, кабута котэ можэт тэ авэл пистромэ и авэр число.
Но па чачимастэ, када най кадя. Хоть андэ книӷа Откровение и пистромэ дэсавэ символически числа, но дэсавэ всаек кацавэ, савэ вонэ исин па чачимастэ. Например, андэр латэ пистромэ пала кода, кай кай о Иисусо сас 12 апосталоря (Откровение 21:14). Май тэлэ пистромэ дэсавэ примероря, кай 144 000, када о число, саво исин па чачимастэ.
Андэ Откровение 7:4 ԥэнэнпэ «И мэ ашундэм о число [кас витидэ тэ жувэн по нэбо] пэ савэ стодэ печать. Лэн сас 144 000». Но чуть май тэлэ, андэ кадэя жэ ӷлава пистромэ пала «фартэ бутэ манушэн, савэн нико нэ моӷ тэ пэрэадиной». Кодэлэ манушэн о Дэл кадяжэ спасыя (Откровение 7:9, 10). Если бы о число 144 000 тэ авэл символическо, тоди на авелоп смыслоa тэ сыстон кодэлэса, скати жувэна мануша андо раё пэ ԥув.
Инке пала 144 000 ԥэнэнпэ, кай «лэн витиндэ лэ манушэндар, кай тэ авэн сар пэрви» (Откровение 14:4). И алава «тэ авэн сар пэрви» сыкавэн пэ найбари ӷрупа, сави о Дэл витидэла, кай тэ жувэн по нэбо. Катэ ворта пистромэ о число, скати лэ манушэн лэна тэ правин по нэбо лэ Христоса понад и мануша, савэ жувэна андо раё пэ ԥув, но скати лэн авэла, на ԥэнэнпэ (Откровение 5:10).
a Кадяжэ пала 144 000 гиндояс о библеисто Роберто Томасо: «Определено число противопоставлено неопределенному числу андэ Откровение 7:9. Если лэс щитать, кай во символическо, тоди ни пала ек число андэ кадэя книӷа на ԥэнэса, кай во буквально» (Revelation 1-7: An Exegetical Commentary, страница 474).