Тиро вороӷо, ай най друӷо

Кала ту санас тэрно, ту уӷанглян кадэлэ «друӷос». Ту лэса санас кабута май взросло, и здэласпэ, кай лэса ту моӷ май ӥто тэ подружыспэ аврэ тэрнэнца. Во всегда «поможыяс» тути, кала сас ԥарэс по ди или кала ту нервичисас, и ту присытелян, кай во всегда поможый тути.

Но сар прожыля время, ту полян, кай тиро «друӷо» най кацаво и лашо. Во камэл, кай ту всегда тэ лэс лэс пэса, дажэ если авэр кадэлэсти най ради. Можэт во и дя тути чуство, кай ту ашэлян май взросло, но када андя проблемы лэ зорэса. Ай инке во чорэл тутар и ловэ.

Послиднё время, ту камэс тэ парашэс лэса тэ дружыс, но во нисар на соӷласийпэ туса. Ту кабута ашэлян лэско рабо и екжэно ужэ най радо, кай сԥанглян лэса пэстири жызня.

ПАЛА кацаво «друӷо» моӷут тэ росԥэнэн бут мануша, савэ цырдэн цыӷарки. Ек жувли Эрлин цырдэлас май бут чем 50 бэрш, и вой ԥэнэн: «Ла цыӷаркаса манди сас фэдэр, чем варикаса анда мануша. Вой сас важ мандэ лашо, ай часто и единствено мэрно друӷо». Но потом Эрлин поля, кай цыӷарка най друӷо, ай вороӷо, тай инке и хытро. Можно тэ ԥэнас, кай о примеро, пала саво пистромэ упрэ, кай цыӷарка сыстойпэ лэ друӷоса, поджал каринг и Эрлин. Но вой, сар уӷангля, кай мануша, савэ цырдэн, терэн ӷрехо англа Дэл, важ кода кай мэлярэн пэстири тила кадэлэса, мэкля кадэя найлащи привычка (2 Коринфянам 7:1).

О Фрэнко тожэ закамля тэ мэкэл тэ цырдэл, важ кода кай ля тэ патял андо Дэл. Но ужэ через ек, дуй дес посли кода, сар во цырдя послиднё цыӷарка, во заӷульдя тала крыльцо, кай пэско цэр, и ля тэ родэл бычкоря па цыӷарки, савэ провалисайлэ тэлэ машкар и доскэ. Во вспоминает: «Андэ кадэва маменто, мэ нэожыдано полэм, саво мэ ашэлэм: мэ ползуисаравас пэ чанга андэ чик важ варисавэ бычкоря!.. Манди сас гряца корко пэстар. Будэр мэ дажэ на лаваспэ каринг и цыӷарки».

Васо лэ манушэсти кадя фартэ ԥарэс тэ мэкэл тэ цырдэл? Учони ԥэнэн най ек причина: 1) табако, саво андэ цыӷарки дэл кацави жэ зависимость, сар и наркотикоря; 2) никотино, саво мануш заԥурдэл кала цырдэл, попэрэл андо мозго ужэ через семь секунд; 3) кадэя привычка кадя зажал андэ жызня, кай би лако мануш ужэ и нэ прецтавляет пэсти сар тэ жувэл: во можэт тэ цырдэл, кала хал, пэл, дэл дума варикаса, кала успокаивает и нервы или варисо кацаво.

Но всаек па кода, со сас ла Эрлинаса и лэ Фрэнкоса, амэ диқас, кай кадэя найлащи привычка мануш можэт тэ мэкэл. Если ту камэс тэ мэкэс тэ цырдэс, проадиносар следущи статьи. Вонэ помоӷут тути тэ стерэс када и тэ лэс тэ жувэс би лэ цыӷаркэнго.

Ав решытельно

«Кала о мануш екжэно фартэ камэл тэ мэкэл и цыӷарки — када со май драго поможый бутэ манушэнди тэ стерэн када» («Stop Smoking Now!»).

АВРЭ алавэнца, кай тэ мэкэс тэ цырдэс, трэбуй фартэ када тэ камэс. Сар тэ авэс май решытельно андэ када? Пэрво, погиндосар, саво лашымос када тути анэна.

Ту на тратиса пэ када ловэ. Если ту цырдэс пачка андо дес, тоди важ о бэрш када ашэл тути барэ ловэ. «Мэ никала на гиндосаравас, сар дэ бут ловэ мандэ жал пэ цыӷарки» (Гиану, Непало).

Жызня авэла май радосно. «Па чачимастэ мэ лэм тэ жував, кати кала парашэлэм тэ цырдав. И дес десэстар мэрни жызня ашэл май лащи» (Регина, ЮАР). Кала мануш мэкэл тэ цырдэл, во лэл тэ чуствует о вкусо и запахоря пэ бутэстэ май драго. Лэстэ появийпэ май бут зор и дажэ па муй во ашэл май драго.

Тиро зор авэла май лашо. «Кодэла, ко мэкэл тэ цырдэл, — нэ важно саво возрасто, мурш када чи жувли, — сразу диқэн, кай лэнго зор ашэля пэ бутэстэ май лашо» (Центроря по контролю и профилактике заболеваний, США).

Ту лэса май бут уважать пэс. «Мэ мэклэм тэ цырдав, важ кода кай на камлэм тэ авав лэ цыӷаркэнго рабо. Мэ камлэм тэ авав хулай важ пэсти тила» (Хеннинг, Дания).

Кадэлэстар авэла драго тирэ ерести и манушэнди, савэ тути куч. «Кала мануш цырдэл, када анэн вредо най кати лэсти, но и кодэлэнди ко просто паша лэстэ. [...] И учони доԥэндэ, кай кажно бэрш най ек тысяча манушэн мэрэн через о насвалимос лэ одеса и через рак лёгких, кати важ кода, кай паша лэндэ цырдэн, ай вонэ ԥурдэн кацавэ ҭувэса» (Американское онкологическое общество).

Ту радуиса лэ Дэвлэс. «Кучутнэ... давайте аваса вужэ кодэлэстар, со мэлярэл и тила» (2 Коринфянам 7:1). «Отдэн лэ Дэвлэсти пэстири тила сар жэртва, сави жунди, свынто и уӷодно лэсти» (Римлянам 12:1).

«Кала о мануш цырдэл, када бэзэх англа Дэл, важ кода кай кадэлэстар римойпэ о зор. Сар мэ уӷанглэм пала када, мэ ришыла тэ мэкав кадэя привычка» (Сильвия, Испания).

Но часто бывает кадя, кай кала о мануш фартэ камэл тэ мэкэл тэ цырдэл, када всаек на хутилэл. Дэкала лэсти трэбуй, кай тэ поможын о родо, друӷоря и авэр. Сар вонэ моӷут тэ поможын?

Родэ помощь

«Ек еқэс можэт тэ победий, ай дуйжэнэ смоӷут тэ одмардён» (Экклезиаст 4:12).

ТЭ ПОБЕДИС любонэ вороӷос май вушэро, кала тути поможын лашэ друӷоря. Кай тэ победис и цыӷарки, трэбуй помощь лэ ереско и лэ друӷонэнго или инке варикаско, ко анда ди и терпеливо тут подритярэла.

Уӷан, ко анда кодэла кас ту ӷанэс, ужэ мэкля кадэя привычка. Кацаво мануш най кати полэла тут, но и поможыя тути. «Мандэ на вижылоп тэ мэкав тэ цырдав, если бы авэр на подритярдоп ман» — ԥэнэн Торбено, христианино анда Дания. Ай акэ со ԥэнэн Эйбрахама анда Индия: «Манди придя зор кода, кай мэрно ери и друӷоря анда собрания подритярэнас ман анда вся оди». Но дэкала, дажэ кала тут подритярэл о ери и друӷоря, када всаек на хутилэл.

«Мэ цырдавас 27 бэрш,— ԥэнэн мурш, савэс ақарэн Бхагвандасо, — но кала уӷанглэм анда Библия, кай англа Дэл кадэя найлащи привычка када бэзэх, мэ ришыл тэ мэкав тэ цырдав. По набут мэ лэм тэ цырдав цыӷарки май мало, парудэм мэрно круӷо, каса проандяравас и время и родавас совето — но нисо на поможыяс. Но еқвар и рят, мэ росԥэндэм вся, со сас мандэ по ди, лэ Иеговасти андэ молитва и фартэ манглэм лэс тэ поможый манди. И мэ победисардэм кадэя привычка!»

Инке ек важно маменто — ту трэбуй тэ авэс ӷотово каринг и ԥарэ маменторя, савэ моӷут тэ авэн, кала ту лэса тэ мэкэс тэ цырдэс. Пала када дума жала андэ авэр статья.

[Рамка]

ТРЭБУЙ МАНДИ ДРАБА ЧИ АВЭР ЛЕКАРСТВА, САВЭ ПОМОЖЫН ТЭ МЭКЭН И ЦЫӶАРКИ?

Адес фартэ часто мануша тинэн кацавэ драба или авэр варисо, например, никотиново пластырё, кай тэ мэкэн и цыӷарки. Кодэлэнди, ко када битинэн када анэн фартэ барэ ловэ, бут милиардоря. Но всаек англа кода, сар тэ тинэс пэсти варисо кацаво, шув сама пэ вопросоря, савэ май тэлэ.

Сави польза лэндар? Часто гиндон, кай кацавэ средства поможын, кай лэ манушэсти тэ авэл май вушэро тэ пэрэжувэл кодэва маменто, кала во мэкэл цыӷарки. Но най всаворэ соӷласинпэ, кай када поможый пэ долӷонэстэ.

Саво вредо лэндар? Дэсавэ средства моӷут тэ анэн кацаво вредо, кай манушэс можэт тэ тошний, тэ появийпэ депресия и дажэ гиндоря тэ умарэл корко пэс. Кадяжэ трэбуй тэ полас, кай андэ средства, савэ заменяют о никотино, саво андэ цыӷарки, андэр лэндэ всаек исин о никотино, просто андэ авэр форма. Вижал, мануш всаек рискует пэстирэ зорэса и вижал лэстэ всаек ашэлпэ зависимость лэ никотиностар.

Сар па аврятэ тэ мэкэс тэ цырдэс? Кала пропушлэ бутэ манушэн, вижыля кай 88 процэнторя андар лэндэ парашэлэ тэ цырдэн резко и на прилэнас нисавэ драба чи авэр средства важ када.

Ав ӷотово, кай на авэла вушэро

«Мэ ришыл будэр тэ на цырдав важ амаро цынёнё бэято. Важ када мэ дажэ амбладэм табличка „Тэ на цырдэн“. Но ужэ через часостэ манди кадя фартэ закамляпэ тэ цырдав, кай мэ лэм и цыӷарка» (Йошимицу, Япония).

САР дицол анда кадэва примеро, тэ мэкэс тэ цырдэс най кадя вушэро. Сас ек иследования через саво полинэ, кай почти 90 процэнторя мануша, упалэ лэн тэ цырдэн, если лэндэ сас срыво. Важ када, если ту камэс тэ ашавэс кадэя найлащи привычка, ав ӷотово, кай авэна ԥарэ маменторя. Савэ?

Бари жылания тэ цырдэс упалэ. Кацави бари жылания исин андэ пэрви трин дес посли послиднё цыӷарка, и прожал варикай через дуй курте. Ек мурш, саво будэр на цырдэл, ԥэнэн: «Кадэя жылания най вся и время, ай появийпэ время времяса». Дажэ если ту на цырдэса ужэ бут бэрша, тути можэт фартэ тэ закамэлпэ тэ цырдэс. Если кацаво авэла, лэ пэс андэ вас, тэрписар панч минуты, и диқэса, кай кадэя жылания прожала.

Пока ту отсытёс ла цыӷаркатар, авэла ԥарэс. Спэрва о мануш можэт тэ авэл сар суто и лэсти ԥарэс тэ авэл состредоточено. Во можэт тэ ҭулёл. Лэсти можэт тэ авэл найдраго, можэт тэ ханджёй и тила, май фартэ тэ потой, тэ хасал. Можэт тэ парудёлпэ настроения, тэ авэл нервино, холинако или дажэ тэ появийпэ депресия. Бут анда када ԥарэ маменторя прожана через штар, панч или шов курте.

Андэ кадэва ԥаро маменто тути поможына советоря, савэ май тэлэ.

● Драго висовпэ.

● Пи май бут паи и сокоря. Ха разно и лашо хамос.

● Залэпэ лэ спортоса па тиро зор.

● Кала ԥурдэс, лэ май бут воздухо и прецтавь пэсти, кай андэ тирэ лёгкие попэрэл вужо воздухо.

Через со ту можэш упалэ тэ лэспэ пала цыӷарка. Дума жал пала кацавэ ситуацыи, кала тутэ можэт упалэ тэ появийпэ жылания тэ лэс и цыӷарка. Можэт ту присытелян тэ цырдэс, кала пэс чаё чи кофе. Тоди пи када май ӥто. Канешно, потом кала ту мэкэса тэ цырдэс, ту сможэш упалэ тэ пэс чаё чи кофе, каринг со ту присытелян, и тэ на грабиспэ.

Но дажэ кала орӷанизмо ужэ вужо лэ никотиностар, андэ память можэт инке долӷо тэ ашэлпэ привычка тэ цырдэс андэ определёни ситуацыи. О Торбено, пала саво дэласпэ дума май упрэ, ԥэнэн: «Прожыля ужэ 19 бэрш, но идоси, сар мэ терав перерыво пэ кофе, мандэ бывает появийпэ жылания тэ лав и цыӷарка». Но потом обычно, жылания тэ цырдэс, саво появийпэ андэ определёни маменторя, ашэл най кацави бари и потом прожал совсем.

Ай кала дума жал пала спиртни напиткоря, катэ совсем авэр дила. Если ту мэкэс тэ цырдэс, фэдэр вообще пока тэ на пэс алкоӷолё и тэ на авэс андэ ҭана, кай лэс предлаӷают. Сар шутэ сама, май часто мануша упалэ лэн и цыӷарка, имено кала мануш пиля алкоӷолё. Васо?

● Дажэ если ту пилян совсем набут, удовольствия ла цыӷаркатар, ашэл пэ бутэстэ май бари.

● Часто котэ, кай мануша пэн, котэ жэ вонэ и цырдэн.

● Через алкоӷолё ту ужэ най кадя ритярэс пэс андэ вас и ужэ най кадя драго гиндос англа кода, сар варисо тэ стерэс. Най евья андэ Библия пистромэ, кай о вино залэл и годи (Осия 4:11).

Тирэ друӷоря и каса ту общяешся. Витидэ, каса тэ проандярэс и время. Старысав пэ скати када возможно, тэ на авэс машкар и мануша, савэ цырдэн или савэ предлаӷают када тути. И фэдэр тэ на авэс машкар мануша, савэ ԥэрясуют и приасанпэ тутар, кай ту ришыл тэ мэкэс тэ цырдэс.

Если тутэ стресо или ту нервичис. Кала пропушлэ бутэ манушэн, полинэ, кай май бут чем епаш мануша упалэ линэ тэ цырдэн имено посли кода, сар лэндэ сас стресо или вонэ через варикастэ росхоляйлэ. Если через када и тутэ появийпэ жылания тэ лэс и цыӷарка, тоди отвлекись: жа пи паи, лэ и жвачка или вижа пэ вулица. Погиндосар пала варисо лашо. Например, ту можэш тэ подэс дума андэ молитва лэ Дэвлэса или тэ проадинос набут анда Библия (Псалом 19:14).

Сар мануш можэт тэ хохавэл корко пэс

● Мэ стерава кати ек затяжка.

Па чачимастэ. Када ужэ хутила, кай почти епаш никотинови рецэптороря андэ тиро мозго кабута тэ прошонпэ. Када часто анэн каринг кода, кай мануш упалэ лэла тэ цырдэл.

● Кала мэ цырдав, када поможый манди тэ успокоюсь.

Па чачимастэ. Сар полинэ и учони, кала мануш цырдэл, через о никотино андо орӷанизмо ашэл май бут гормоноря, савэ ваздэн о стресо. Ай кода, кай тути здэлпэ, кай тути ашэля май спокойно посли цыӷарка, кадэва времено чуство появийпэ просто важ кода, кай пока ту на цырдян варисави время, важ тиро орӷанизмо када сас ԥарэс.

● Мэ цырдав ужэ бут время, манди ужэ позно тэ мэкав када.

Па чачимастэ. Гиндо, кай тутэ на вижала, на дэл зор тэ мэкэс тэ цырдэс. Андэ Библия пистромэ: «Если андэ ԥари время ту умэклян и вас, тоди тутэ на авэла зор» (Притчи 24:10). Отшув пэстар кацавэ гиндоря. Если манушэстэ исин бари жылания тэ мэкэл кадэя привычка, тоди лэстэ када точно вижала.

● Мэ на виритярава када.

Па чачимастэ. Канешно, пока мануш мэкэл тэ цырдэл, во чуствует пэс фартэ найдраго, но ужэ кати через дуй курте, лэсти ашэл фэдэр. Важ када на умэк и вас! Дажэ если жылания тэ цырдэс упалэ появияпэ через шона или бэрша, вой можэт тэ прожал ужэ через панч минуты, — ӷлавно тэ на лэс и цыӷарка.

● Манди нащи тэ мэкав, мандэ и кадя най састи психика.

Па чачимастэ. Если тутэ депресия или шизофрения и ту лечиспэ кадэлэстар, манг тирэ врачос тэ поможый тути тэ мэкэс тэ цырдэс. Во авэла кати радо тэ поможый тути. Во ӷанэл тиро насвалимос и савэ драба ту пэс. Во шола сама пэ када и подтидэла личения имено важ тутэ.

● Если мэ упалэ лава тэ цырдав, мэ парашава уважать корко пэс.

Па чачимастэ. Если ту на виритярэса и упалэ лэса и цыӷарка, сар када бывает и бутэ аврэ манушэндэ, савэ мэкэн када, ӷан, кай када нэ значит, кай тутэ никала на вижала тэ мэкэс. Лэ зор и упалэ старысав тэ мэкэс. Если ту на зритярдян корко пэс, када нэ значит, кай тутэ никала на вижала. Но если ту умэкэса и вас и парашэса тэ старыиспэ тэ мэкэс и цыӷарка — када значит, кай вой тут победисардя. Важ када на умэк и вас и тоди ту ла победиса!

Акэ со росԥэндя о Ромуальдо, саво цырдэлас 26 бэрш и потом мэкля када и ужэ на цырдэл май бут чем 30 бэрш: «Мэ на сэрав скати разоря мандэ на вижалас тэ зритярав пэс и мэ упалэ лавас и цыӷарка. Када сас фартэ часто. И кажно разо, кала мэ упалэ лавас и цыӷарка, мэ чуствовал пэс, кай нисо на ашав. Но мэ точно ришыл тэ уӷодисарав лэ Иеговасти, мэ бут мангаваспэ лэсти, и тоди мандэ вижыля тэ мэкав тэ цырдав».

Андэ послиднё статья важ кадэя тема, амэ шаса сама инке пэ дэсавэ лашэ советоря, савэ поможына тути тэ ашавэс кадэя найлащи привычка.

[Рамка/Картинка]

АНДЯРЭЛ КАРИНГ И СМЭРТЬ АНДО ЛЮБО ВИДО

О табако используют по разному. Дэсавэ табачни изделия дажэ моӷут тэ битинэн андо маӷазино, кай отдело важ и здорово питания и андэ аптеки, кай битинэн и чаря. Но всаек Всемирно арӷанизацыя здравоохранения ԥэнэн, кай о табако «андярэл каринг и смэрть андо любо видо». Мануш можэт тэ хасарэл и жызня через о насвалимос, саво появийпэ лэстар. Када можэт тэ авэл о рако чи сердечно-сосудисти заболевании. А если цырдэл манушни, сави ԥирэл, када можэт тэ анэн вредо лэ бэятости. Андо саво видо можэт тэ авэл о табако?

Биди. Када кацавэ цынёне цыӷарки, савэ цырдэн андэ Азия. Лэн вастэнца заболдэн андэ трубочка. Котэ пэ бутэстэ май бут смола, никотино и окись углерода, чем андэ обычни цыӷарки.

Сиӷары. Када кадяжэ табако, саво заболдэн андэ табачни листоря чи андэ бумаӷа, сави тожэ андо табако. Табако андэ сиӷары слабо щелочно, ай табако андэ цыӷарки — кислотно. Кацави различия дэл возможность, кай о табако андэ сиӷара тэ попэрэл андо орӷанизмо, дажэ кала и сиӷара на дян яг.

Кретек. Када цыӷарки, андэ савэ почти по епаш табако и гвозди́ка. Андэр лэндэ пэ бутэстэ май бут смола, никотино и окись углерода, чем андэ обычни цыӷарки.

Трубка. Кала цырдэн через и трубка, када анэн кацаво жэ вредо, сар и обычни цыӷарки. Када анэн точно кацаво жэ насвалимос, сар и обычни цыӷарки,, ай кадяжэ и рако.

Табачни изделия, савэ на трэбуй тэ дэс яг. Када табако, саво чамбэн и нюхательно табако, ай кадяжэ араматизировано гутха, сави распространёно андэ Юго-Восточно Азия. Када кадяжэ опасно важ о зор, важ кода кай о никотино всаек попэрэл андо орӷанизмо, но кати най через о ҭув, ай кала чамбэн андо муй.

Кальяно (бонг, наргиле, хукка, шиша). Через спецыально трубка мануш ԥурдэл табачно ҭув, саво спэрва прожал через о паи. Но через када андэр лэстэ на ашэл май мало токсиноря и канцерогеноря.

[Рамка/Картинка]

КАЛА ТУ ПОМОЖЫС АВРЭСТИ ТЭ МЭКЭЛ ТЭ ЦЫРДЭЛ...

● Подритяр. Фэдэр тэ хвалис лэ манушэс и тэ терэс най барэ подарочки лэсти, чем тэ подпусавэс лэ манушэс алавэнца или постояно тэ росԥэнэс, саво вредо анэн и цыӷарка. Май бут зор придэн кацавэ алава: «Попробуй тэ мэкэс инке еқвар, тутэ точно вижала», чем тэ ԥэнэс: «Ту со упалэ цырдэс?!»

● На холяв. Кала мануш, саво мэкэл тэ цырдэл, нервно и холинако пэр тутэ, на шув сама пэ када. Фэдэр ԥэн: «Мэ ӷанав, кай када най вушэро, но мэ кадя абуросарав туса, кай ту мэкэс тэ цырдэс». И никала на ԥэн кадя: «Ту май фартэ манди чалёсас, кала цырдэсас!»

● Ав лашо друӷо. Андэ Библия пистромэ: «Чачуно друӷо любий вся и время, во ԥрал, пэ саво можно тэ надеиспэ андэ бида» (Притчи 17:17). Ав терпеливо и добро «вся и время» — када андо любо маменто, нэ важно сави настроения кай о мануш, саво мэкэл тэ цырдэл.

Ту сможэш тэ победис!

АКАНА ту можэш тэ прилэс каринг пэстэ алава анда Библия: «Ав смило и тер дила» (1 Летопись 28:10). Со инке ту можэш тэ стерэс, кай тутэ тэ вижал тэ мэкэс тэ цырдэс?

Витидэ о дес. Врачоря ԥэнэн, кай авэла фэдэр, если о мануш, саво ришыл тэ мэкэл тэ цырдэл, стерэла када пока на прожылэ дуй курте посли лэстири ришэния. Када поможыя, кай и жылания тэ мэкэл и цыӷарки тэ ашэлпэ кацави жэ бари. Отметь андо календарё о дес, андэ саво ту камэс тэ мэкэс тэ цырдэс. Ԥэн пала када аврэнди и на домэк, кай варисо тэ мишыий тути андэ када.

Запистросар важ пэстэ гиндоря, савэ поможын тути тэ мэкэс кадэя привычка. Када моӷут тэ авэн гиндоря, савэ поможын тути тэ на умэкэс и вас. Можэт ту запистросарэса важ пэстэ:

● васо ту камэс тэ мэкэс тэ цырдэс;

● номеро телефоно, касти ту позвониса, кала авэла ԥаро маменто и закамэса тэ лэс и цыӷарка;

● лашэ гиндоря, савэ подритярэна тут, например, анда Библия анда Галатам 5:22, 23.

Ритяр кадэва списко вся и время паша пэстэ и адиносар кадэла гиндоря най еқвар андо дес. Дажэ кала ту мэклян тэ цырдэс, адиносар кадэла гиндоря, сар кати появийпэ жылания упалэ тэ лэс и цыӷарка.

По набут мэк и привычки, савэ связани лэ цыӷаркэнца. Пока ту инке на мэклян тэ цырдэс, ту можэш ужэ тэ бориспэ лэ привычкэнца, савэ связани лэ цыӷаркэнца. Например, если ту всегда цырдэс сразу, сар кати прошоспэ, тоди цырдэ най сразу, ай через часостэ. Или если ту цырдэс, кала хас или сразу посли када, тоди параш када тэ терэс. На ав котэ, кай цырдэн. Висытюв кацавэ алава: «Наис, на трэбуй, мэ мэклэм тэ цырдав». Через када вся ту авэса май ӷотово каринг о дес, кала ришыл тэ мэкэс и цыӷарки. И када поможыя тути тэ на бистрэс, кай ӥто ту авэса свободно лэ цыӷаркэндар манушэса.

Драго подготовься каринг када. Каринг кодэва дес, саво ту витидян, кай тэ мэкэс и цыӷарки, тин пэсти май бут жвачкэ, морковка, пэндэӷа, семечки и инке варисо кацаво. Ԥэн инке еқвар лэ родости и лэ друӷонэнди пала кодэва дес и манг лэн, кай вонэ тэ подритярэн тут. Англа кодэва дес вишув анда цэр всаворэ пепельницы и зажыӷалки. Продик, кай ни андо цэр, ни пэ бути, ни андэ машына, ни варикай андэ карманоря или варикай инке тэ на ашэнпэ цыӷарки. Када поможыя тути тэ зритярдёспэ андо ԥаро маменто. Тэ мангэс варикастар и цыӷарка или тэ жас андо маӷазино пала лэндэ авэла май ԥарэс, чем тэ доросэс и цыӷарка анда кармано! На бистэр кадяжэ тэ мангэспэ лэ Дэвлэсти важ и помощь и май фартэ посли када, сар цырдэса пэсти послиднё цыӷарка (Луки 11:13).

Фартэ бут мануша смоӷли тэ мэкэн кадэя привычка, кала полинэ, кай цыӷарка, када най друӷо, ай жэстоко и хытро враӷо. Ту тожэ сможэш тэ мэкэс. И кала ту будэр на авэса ла цыӷаркако рабо, ту почуствуеш пэс пэ бутэстэ май драго и май бахталэс.

[Картинка]

Вся и время ритяр о списко паша пэстэ и адиносар гиндоря, савэ запистросардян кордэ най еқвар андо дес