На патян андэ «мудрость кадэлэ миростири»

1. Сости амэн сытярэл лэ Дэвлэско Алав?

АМЭ можэм тэ виарақас ришэния андэ любо ԥаримос, важ кода кай о Иегова амаро само Баро Учителё (Исаия 30:20, 21). Андэ лэско Алав исин мудри советоря, па савэ, если кажно андар мэндэ жувэла, тоди сможэт вся тэ полэл и андэ вся тэ ӷанэн тэ терэл лашимос (2 Тимофею 3:17). Кода, сости сытярэл и Библия поможый амэнди тэ авас май мудри кодэлэндар, ко патял андэ «мудрость кадэлэ миростири» (1 Коринфянам 3:19; Псалом 119:97—100).

2. Со амэ уӷанаса анда кадэя статья?

² Амэ диқас, кай и мудрость кадэлэ миростири сытярэл тэ терас кода, со камэл и ӷрешно тила. Важ када дэкала амэнди трэбуй тэ стас бут зор, кай тэ на сытювас кодэлэсти, сар гиндон и сар жувэн бут мануша. Най евья андэ Библия ԥэнэнпэ: «Диқэн, кай нико тэ на залэл тумэн андо рабство через и мудрость кадэлэ миростири и через хохавни и йвутни дума. Вся када ритярдёл пэ традицыи, пэ принцыпоря кадэлэ мирости, ай най пэ кода, сости сытярэл о Христос» (Колоссянам 2:8). Анда кадэя статья амэ уӷанаса, сар по набут и мануша линэ тэ патян дуе хохаимасти, савэнди сытярэл о Сатана. Кадяжэ амэ поласа, кай андэ лэдуй кадэла случаёря и мудрость кадэлэ миростири, када дилимос и кай вой нисар на сжалпэ лэ Дэвлэстиря мудростяса.

САР ЛИНЭ ТЭ ДИҚЭН ПЭ КОДА, СО ТРЭБУЙ ПРАВИЛЬНО ТЭ АВЭЛ МАШКАР МУРШ И ЖУВЛИ И САР И МАНУША ТЭ АНДЯРЭН ПЭС?

3, 4. Сар лэ 1900 бэршэстар и мануша линэ тэ диқэн пэ кода, со трэбуй правильно тэ авэл машкар мурш и жувли и сар и мануша тэ андярэн пэс?

³ Лэ 1900 бэршэстар и мануша совсем па аврятэ линэ тэ диқэн пэ кода, со трэбуй правильно тэ авэл машкар мурш и жувли и сар и мануша тэ андярэн пэс. Май англал гиндонас, кай кода, со трэбуй тэ авэл кати машкар хулай и хулаи, трэбуй тэ авэл кати андо брако и пала када на дэнас дума англа всаворэ. Но прожыля время и мануша парашэлэ тэ лажан и линэ тэ терэн, со камэн.

⁴ Андэ 1920 бэрша и принцыпоря пала кода, со трэбуй правильно тэ авэл машкар мурш и жувли и сар и мануша тэ андярэн пэс, фартэ паруделэ. Андэ ек книжка сас пистромэ: «И киноря, сцэнки, диля, книжки и рекламы сыкавэн, кай и мануша линэ май бут тэ шон сама пэ кода, со трэбуй тэ авэл кати машкар хулай и хулаи». Андэ кодэла бэрша линэ тэ цэлэн май билажавардэс, ай и йда ашэля кацави, кай ля май бут тэ дицол и тила. Сар и ԥэнэнаспэ андэ Библия, андэ послидни деса и мануша «любина тэ терэн кати кода, со лэнди чалёл» (2 Тимофею 3:4).

5. Сар лэ 1960 бэршэстар и мануша линэ па аврятэ тэ диқэн пэ кода, со трэбуй правильно тэ авэл машкар мурш и жувли и сар и мануша тэ андярэн пэс?

⁵ Андэ 1960 бэрша со май бут еря на линэ тэ реӷистрируют о брако и линэ тэ розвэдинпэ, ай кай о мурш тэ жувэл лэ муршэса или и жувли ла жувляса ашэля нармально. Акана, кода, со трэбуй тэ авэл кати машкар хулай и хулаи, линэ май бут тэ сыкавэн андэ развличении. Со анда када вижыля? Сар пистромэ андэ ек книжка, через када и еря линэ тэ росжанпэ и ашэля май бут ԥаримос по ди. Кадяжэ ашэлэ май бут родителя, савэ екжэнэ барярэн лэ бэятонэн и май бут мануша нащи жувэн, кай тэ на диқэн билажавардэ карточки, видео чи киноря. Инке ашэля фартэ бут насвалимос, саво пэрэдэлпэ через кода, кай терэн билажавардимос, када СПИДО и авэр насвалимос. Вся када инке еқварэс сыкавэл, кай и мудрость кадэлэ миростири, када дилимос (2 Петра 2:19).

6. Васо можно тэ ԥэнас, кай лэ Сатанасти чалёл, кай и мануша нэправильно линэ тэ диқэн пэ кода, со трэбуй тэ авэл кати машкар хулай и хулаи?

⁶ Кай нэправильно линэ тэ диқэн пэ кода, со трэбуй тэ авэл кати машкар хулай и хулаи, када чалёл лэ Сатанасти. Во радуийпэ, кала диқэл, кай и мануша нэправильно диқэн пэ кода, со трэбуй тэ авэл кати машкар хулай и хулаи. Инке лэсти драго кодэлэстар, кай и мануша на стон патив пэ кода, со подарисардя о Дэл, када о брако (Эфесянам 2:2). И бэятцэ, када подарко лэ Иеговастар, ай через о билажавардимос и мануша сыкавэн, кай на цэнин кадэва подарко. Важ када вонэ нэ моӷут тэ жувэн вечно (1 Коринфянам 6:9, 10).

СО ПИСТРОМЭ АНДЭ БИБЛИЯ ПАЛА КОДА, СО ТРЭБУЙ ТЭ АВЭЛ КАТИ МАШКАР ХУЛАЙ И ХУЛАИ И САР И МАНУША ТЭ АНДЯРЭН ПЭС?

7, 8. Сар и Библия сытярэл тэ диқас пэ кода, со трэбуй тэ авэл кати машкар хулай и хулаи?

⁷ И мануша, савэ на гиндон, сар о Иегова, асанпэ лэ закононэндар, савэ исин андэ Библия пала кода, со трэбуй тэ авэл кати машкар хулай и хулаи и ԥэнэн, кай кадэла законоря дэлмутнэ. Дэко гиндон: «Состэ о Дэл создал лэ манушэн кадя, кай тэ камэн кода, со трэбуй тэ авэл кати машкар хулай и хулаи, ай тоди ԥэндя, кай трэбуй тэ зритярэн пэс?» Вонэ гиндон, кай если лэнди варисо камэлпэ, тоди вонэ на трэбуй пэс тэ зритярэн. Но када нэправильно, и Библия сытярэл па аврятэ. Амэнди на трэбуй тэ терас вся и время кода, со камэлпэ и амэндэ вижала тэ улас и нэправильни жылании (Колоссянам 3:5). Инке о Иегова позаботисайля пала кода, со трэбуй тэ авэл кати машкар хулай и хулаи, кай лэндэ када тэ авэл кати андо брако (1 Коринфянам 7:8, 9). О хулай и хулаи моӷут тэ жувэн кадя, если вонэ андо брако. И лэнди на авэла лажаво и лэндири совесть авэла вужи. Ай кала када терэн кодэла, ко най андо брако, тоди ашэл лажаво и ԥарэс по ди.

⁸ И Библия сытярэл правильно тэ диқас пэ кода, со трэбуй тэ авэл кати машкар хулай и хулаи. Андэ Библия пистромэ, кай андо брако када анэн удовольствия (Притчи 5:18, 19). Кадяжэ вой сытярэл «тэ ӷанэн тэ андярэн пэс достойно и тэ зритярдёнпэ андэ кода, со камэл и тила, но со нащи. Тэ на андярэн пэс билажавардэс, сар кодэла, ко на ӷанэн лэ Дэвлэс» (1 Фессалоникийцам 4:4, 5).

9. а) Сар лэ 1900 бэршэстар о Иегова сытярэлас пэско народо тэ патян ла мудростяти анда Библия? б) Савэ годявэрнэ алава запистромэ андэ 1 Иоанна 2:15, 16? в) Состар амэнди трэбуй тэ фэрисавас, сар пистромэ андэ Римлянам 1:24—27?

⁹ Лэ 1900 бэршэстар лэ Иеговаско народо на ля тэ гиндой кадя, сар кодэла, ко хасардэ «и патив» (Эфесянам 4:19). Лэ Дэвлэстирэ служытеля старыинаспэ тэ жувэн па лэстирэ законоря. Андэ «Сторожэво башня» лэ 15 маёстар 1926 бэршэстар сас пистромэ, кай «лэ муршэндэ и лэ жувляндэ трэбуй тэ авэн вужэ гиндоря и вонэ трэбуй тэ андярэн пэс ек еқэса кадя, кай тэ марэл и бах». Со бы тэ на терэлпэ круӷом, лэ Иеговаско народо патянас ла мудростяти анда Библия. (Адиносар 1 Иоанна 2:15, 16b.) Сар жэ амэ блаӷодарни, кай амэндэ исин и Библия! Амэ кадяжэ цэнисарас и литература, сави амэнди вовремя дэл о Иегова, важ кода кай вой поможый амэнди тэ отшас и нэправильни гиндоря пала кода, со трэбуй тэ авэл кати машкар хулай и хулаи и сар и мануша пэс тэ андярэнc. (Адиносар Римлянам 1:24—27d.)

САР ПА АВРЯТЭ И МАНУША ЛИНЭ ТЭ ГИНДОН ПАЛА КОРКО ПЭСТЭ?

10, 11. Со пистромэ андэ Библия пала кода, со авэла андэ послидни деса?

¹⁰ Андэ Библия сас пистромэ, кай андэ послидни деса «и мануша лэна тэ любин кати корко пэс» (2 Тимофею 3:1, 2). Амэ на удивисавас, кай кадэва миро сытярэл лэ манушэн фартэ тэ любин корко пэс. Андэ ек инцыклапедия сас пистромэ, кай андэ 1970 бэрша «ашэлэ фартэ ашунглэ и книжки анда рубрика „Поможысар корко пэсти“». Дэсавэ анда кадэла книжки «сытярэнас кодэлэн, ко лэн адиной, тэ уӷанэн май драго пэс, тэ прилэл пэс кацавэса, саво во исин и фартэ тэ чалёл корко пэсти». Акэ, со сас пистромэ андэ ек кацави книжка: «Ԥэн, кай ту любис само нэобычнонэс, само шукарнэс, само достойнонэс манушэс пэ люма, када корко пэс». Кадэя книжка сытярэл «тэ тэлён корко пэсти. То есть, кай о мануш тэ гиндой кати пала кода, сар лэсти тэ авэл май драго и пала кода, со во гиндой, кай кати када правильно».

¹¹ Сэрэн пэр со када шолпэ? О Сатана подмарэлас ла Ева тэ терэл кадя жэ. Во ԥэндя лати, кай вой ашэла сар Дэл и лэла тэ ӷанэн, со лашимос, ай со найлашимос (Бытие 3:5). Адес и мануша гиндон пала пэстэ фартэ бут и патян, кай нико, дажэ о Дэл, на уԥэнэна лэнди, со правильно, ай со най. Када фартэ драго дицол па кода, сар и мануша диқэн по брако.

12. Сар диқэн по брако андэ кадэва миро?

¹² Лэ Дэвлэско Алав сытярэл, кай о хулай и хулаи трэбуй тэ стон патив ек пэ ек и тэ зритярэн пэско алав, саво динэ ек еқэсти, кала жэнинаспэ. Андэ Библия пистромэ, кай о хула́й и хулаи тэ на ашавэн ек аврэс. Андэ Бытие 2:24 пистромэ: «О мурш ашавэла пэстирэ дадэс и пэстиря да и прилипияпэ каринг пэстири хулаи и вонэ ашэна, сар ек тила». Ай андэ кадэва миро гиндон па аврятэ. Спэрва о мануш трэбуй тэ гиндой кати пала пэстэ. Андэ ек книжка важ и разводоря пистромэ: «Дэкала пэ ябьява, кала о тэрно и тэрни дэн алав ек еқэсти, вместо алава „пока и смэрть на роздилия амэн“ линэ тэ ԥэнэн: „Пока на парашаса тэ любисарас ек еқэс“». Через кода, кай найсерьёзно диқэн по брако, бут касти ԥаглэ и жызня и ашэлэ май бут еря, савэ росжылэпэ. Кода, сар диқэн андэ кадэва миро по брако, када дилимос.

13. Васо и мануша, савэ заваздэн о шэро, гряца важ о Иегова?

¹³ Андэ Библия пистромэ: «Ко заваздэл о шэро, гряца важ о Иегова» (Притчи 16:5). Васо? Важ кода кай кацаво мануш кадя фартэ любий корко пэс, кай лэл тэ заваздэл о шэро, сар о Сатана. Кати погиндон, о Сатана аштярэлас, кай лэсти тэлёла о Иисусо, кодэва, ко поможыяс лэ Дэвлэсти тэ создаёт вся, со по нэбо и пэ ԥув (Матфея 4:8, 9; Колоссянам 1:15, 16). Саво жэ дилимос терэн англа лэ Дэвлэстирэ яқа и мануша, савэ, сар и о Сатана, гиндон пала пэстэ фартэ бут!

СО ПИСТРОМЭ АНДЭ БИБЛИЯ ПАЛА КОДА, САР ТЭ ГИНДОН ПАЛА КОРКО ПЭСТЭ?

14. Сар и алава анда Римлянам 12:3 поможын амэнди правильно тэ диқас пэ корко пэстэ?

¹⁴ И Библия поможый амэнди правильно тэ диқас пэ корко пэстэ. Вой сытярэл, кай тэ любис пэс, када нармально. О Иисусо ԥэндя: «Любисар манушэн, сар корко пэс» (Матфея 19:19). Када сыкавэл, кай трэбуй тэ гиндосарас пала пэстэ годяса. И Библия сытярэл, кай амэнди на трэбуй тэ гиндосарас, кай амэ май лашэ аврэндар. Андэр латэ пистромэ, кай тэ на авас холинатирэ, тэ на гиндосарас пала пэстэ бут, тэ на гиндосарас, кай амэ май лашэ аврэндар, ай тэ гиндосарас, кай авэр май лашэ амэндар (Филиппийцам 2:3; адиносар Римлянам 12:3e).

15. Васо тумэ патян, кай и библейски советоря пала кода, сар правильно тэ гиндос пала пэстэ, анэн лашимос?

¹⁵ Бут мануша, савэ ашундён, кай вонэ мудри, асанпэ лэ советонэндар, савэ андэ Библия пала кода, сар трэбуй тэ гиндон пала пэстэ. Вонэ ԥэнэн, кай кала ту гиндос, кай авэр май лашэ тутар, кадэлэстар ту ашэс слабо и ту на зашосапэ пала пэстэ. Кадяжэ авэр моӷут вушэро тут тэ дилярэн, кай ту тэ терэс кода, со лэнди трэбуй. Но каринг со андя кода, сости сытярэл лэ Сатанаско миро? Погиндон, бахталэ кодэла мануша, савэ гиндон кати пала пэстэ? Ай лэнго родо? Исин кацавэ манушэндэ чачунэ друӷоря? Лащи лэндэ дружба лэ Дэвлэса? Кала гиндос пала кадэла вопросоря, со ту полэс? Со фэдэр, тэ патяс андэ мудрость кадэлэ миростири чи андэ мудрость анда лэ Дэвлэско Алав?

16, 17. Пала со амэ блаӷодарни лэ Иеговасти и васо?

¹⁶ И мануша, савэ патян кодэлэнди, пала кастэ андэ кадэва миро гиндон, кай вонэ мудри, шонпэ по мануш, саво заблудисайля и пушэл о дром кай кацаво жэ мануш, саво родэл о дром. О Иисусо ԥэндя пала «мудри», савэ жувэнас андэ лэстири время: «Кодэла, ко андярэн, вонэ корэ. Ай если о коро андярэл лэ корэс, тоди лэдуй пэрэна андэ яма» (Матфея 15:14). Чаче, и мудрость кадэлэ миростири, када дилимос важ о Дэл.

¹⁷ И мудри советоря анда лэ Дэвлэско Алав вся и время анэнас и анэна лашимос, «кай тэ сытярэн, тэ сыкавэн, со най кадя, тэ парувэн и жызня, и тэ сытярэн, сар тэ ритярэн лэ Дэвлэско законо» (2 Тимофею 3:16). Амэ фартэ блаӷодарни лэ Иеговасти, кай во через пэстири арӷанизацыя сытярэл амэн тэ на патяс андэ мудрость кадэлэ миростири! (Эфесянам 4:14). Во дэл и литература, сави дэл амэнди зор тэ жувас па законоря, савэ запистромэ андэ Библия. Мэк и совершэно мудрость анда лэ Дэвлэско Алав и май англэ андярэл амэн па дром, саво андярэл каринг и жызня!