И май дур старысав, кай и дружба лэ Иеговаса тэ авэл май лащи

Анда кадэя книжка ту бут со уӷанглян пала Иегова. Ту лэс полюбисардян и дян алав, кай лэса тэ жувэс важ лэстэ, и болделян. Ай если ту инке када на стердян, тоди ту, файма, ужэ гиндос ӥто када тэ стерэс. Но всаек ту трэбуй тэ сэрэс, кай кала о мануш болдёл, во кати лэл тэ жал па лэ Дэвлэско дром. Тутэ англэ вся и вечность, кай тутэ тэ авэл инке май лащи дружба лэ Иеговаса.

1. Васо трэбуй, кай и дружба лэ Иеговаса тэ авэл инке май лащи?

Када трэбуй, «кай амэн тэ на одындярэл» лэ Иеговастар (Евреям 2:1). Кай тэ авас и дальшэ предани лэ Иеговасти, амэнди трэбуй и май англэ тэ дас дума пала Иегова аврэ манушэнца, ай кадяжэ тэ гиндосарас, сар амэ инке можэм тэ служысарас лэсти. (Адиносар Филиппийцам 3:16.) Тэ служысарас лэ Иеговасти — када со май лашо дром андэ жызня! (Псалом 84:10).

2. Со ту инке можэш тэ стерэс?

Ту ужэ прожылян пэ изучения вся кадэя книжка. Но ту можэш инке бут со тэ уӷанэс пала Иегова, саво во сыно, пэ собрания и пэ лично изучения. О Иегова авэла фартэ радо, кай ту парудёса и ашэса аврэ манушэса, кацавэса сар камэл во (Эфесянам 4:23, 24).

3. Сар о Иегова лэла тэ поможый?

Андэ Библия ԥэнэнпэ: «О Дэл... екжэно сытярэла тумэн, дэла тумэнди зор и стерэла, кай тумэ тэ авэн састэ» (1 Петра 5:10). Кажнонэстэ авэла ԥаримос, савэса во авэла трэбуй тэ борийпэ. Но о Иегова дэла вся, со трэбуй, кай тэ ашаспэ предани лэсти (Псалом 139:23, 24). Во дэл алав, кай дэла амэнди жылания и зор лэсти тэ служысарас. (Адиносар Филиппийцам 2:13.)

УӶАНАМ МАЙ БУТ

4. На параш тэ дэс дума тирэ само лашэ Друӷоса!

Кай тэ ашэс лэ Иеговаско друӷо, ту мангэсаспэ и сытёсас па Библия. Сар када поможыя тути тэ ашэс инке май пашэ каринг о Дэл?

Адиносарам Псалом 62:8 и подам дума пала вопросо, саво май тэлэ.

• Со ту можэш тэ парувэс андэ тирэ молитвы, кай тэ ашэс май пашэ лэ Иеговаса?

Адиносарам Псалом 1:2 и подам дума пала вопросо, саво май тэлэ.

• Кала адинос и Библия и камэс, кай вой тэ анэн тути май бут лашимос, со важ када ту можэш тэ стерэс?

Со ту можэш тэ стерэс, кай тири лично изучения тэ анэн тути инке май бут лашимос? Када дэсавэ гиндоря. Диқам о ВИДЕО и подам дума пала вопросоря, савэ посли видео.

ВИДЕО: «Май драго проандяр тири лично изучения» (5:22)

• Со анда видео ту камэс тэ стерэс?

• Пала со ту камлоп май драго тэ уӷанэс?

5. Погиндосар, сар ту можэш май драго и май бут тэ служыс лэ Иеговасти

Кадэла цэли поможына тути май драго тэ служыс лэ Иеговасти. Диқам о ВИДЕО и подам дума пала вопросо, саво посли видео.

ВИДЕО: «Со май лашо дром андэ жызня» (3:31)

• Савэ цэли поможысардэ кадэла ԥьяти, кай латири жызня ашэля май интересно?

Най кажно можэт тэ пэрэладэл андэ авэр страна, кай тэ росԥэнэн котэ пала Дэл. Но всаворэ амэ можэм тэ терас андэ служэния кода, со па амаро зор. Адиносарам Притчи 21:5 и подам дума, со ту можэш тэ стерэс важ о Дэл:

• андэ собрания;

• андэ служэния?

Сар совето анда кадэва стихо поможыя тути тэ домардёс пэсти цэль?

Со ту можэш тэ стерэс?

• Май драго тэ мангэспэ.

• Тэ проадинос вся и Библия.

• Тэ уӷанэс май драго всаворэн андэ тири собрания.

• Тэ залэс тэ сытярэс варикас па Библия и тэ проандярэс дальшэ кадэя изучения.

• Тэ ашэс подсобно или общё пианеро.

• Тэ ашэс помошнико андэ собрания (важ и ԥрала).

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай трэбуй тэ пристас о зор, кай и дружба лэ Дэвлэса тэ авэл май лащи. Кадяжэ тэ гиндосарас, со амэ инке можэм тэ стерас андэ служэния. Тоди амэ сможэм тэ жувас вечно пэ бахтатэ!

Сар ту гиндос?

• Васо ту патяс, кай о Иегова поможыя тути тэ на парашэс тэ служыс лэсти?

• Со тэ терэс, кай тири дружба лэ Иеговаса тэ авэл инке май лащи?

• Сар и цэли андэ служэния лэ Дэвлэсти, поможына тути и май дур тэ жас па лэско дром.

ДИК ИНКЕ

Со важ о Иегова май куч? Кала о мануш еқвар тэ стерэл важ лэстэ варисо баро или кала во на парашэл тэ кандэл лэс вся и жызня?

«Верный Авраам — пример для нас» (9:20)

Дажэ кодэва, ко на парашэл тэ кандэл лэ Иеговас можэт тэ хасарэл и радость. Со тоди лэсти тэ терэл?

«Вновь обрести радость с помощью изучения и размышления» (5:25)

Со поможыя тути тэ стос цэли андэ служэния и сар лэн тэ домардёс?

«Пусть твои духовные цели прославляют Создателя» («Сторожэво башня» лэ 15 июлёстар пала 2004 бэрш)

Васо трэбуй тэ авэс инке май лашо христианино и сар када тэ домардёс?

«Спешите к зрелости — „великий день Иеговы близок“» («Сторожэво башня» лэ 15 маёстар пала 2009 бэрш)