Сар и книӷа Откровение влияет пэ тири жызня

1, 2. Васо и Откровение важ амэндэ особено книӷа?

ПРЕЦТАВЬ, кай ту роздиқэс варикастирэ карточки. Пэр лэндэ бут разни мануша, кас ту на ӷанэс. Но пэ ек карточка ту май фартэ шос сама. Васо? Важ кода кай пэр латэ ту додиқэс пэс. Акана ту старыиспэ тэ вспомниш, кала и кай када сас и савэ мануша паша тутэ. Май ӥто всаворэстар кадэя карточка авэла важ тутэ особено.

² И книӷа Откровение андэ варисостэ шолпэ пэ кацави карточка. Акэ васо. Пэрво, вой сас пистромэ важ амэндэ. Андо пэрво стихо андэ кадэя книӷа ԥэнэнпэ: «И откровения лэ Иисусостар Христостар, сави дя лэсти о Дэл, кай тэ сыкавэл пэстирэ рабонэнди кода, со ӥто трэбуй тэ авэл» (Отк. 1:1). Вижал, и книӷа Откровение сас пистромэ най важ всаворэ мануша, ай важ лэ Иеговастирэ служытеля. Сар лэ Дэвлэско народо, амэ дэсо терас, кай кадэла пророчества тэ исполнинпэ. Амэ, ԥэнэса, диқас пэс пэ кадэя «карточка».

3, 4. Кала и пророчества анда книӷа Откровение линэ тэ исполнинпэ и сар када влияет пар мэндэ?

³ О апостоло Иоанно пистросардя, кай и пророчества анда Откровение лэна тэ исполнинпэ «андэ лэ Ӷосподоско дес» (Отк. 1:10). Акэ дуйто причина, васо кадэя книӷа важ амэндэ особено. О Иоанно пистросардя и книӷа Откровение андо 96 бэрш н. э., и трэбуй сас тэ прожан бут бэрша, пока «лэ Ӷосподоско дес» на авэла (Матф. 25:14, 19; Луки 19:12). Сар сыкавэл и Библия, кадэва дес авеля андо 1914 бэрш, кала о Иисусо ля тэ правий по нэбо. Кадэлэ бэршэстар и пророчества анда книӷа Откровение линэ тэ исполнинпэ и тэ влияют по лэ Дэвлэско народо. Да, амэ жувас андэ «лэ Ӷосподоско дес»!

⁴ Кадэя время фартэ удивительно, и важ када важ амэндэ важно тэ шас сама пэ алава анда Откровение 1:3: «Бахтало кодэва, ко адиной вслух и кодэла, ко ашунэн кадэва пророчество и терэн кадя, сар пистромэ, важ кода кай и время, сави стодя о Дэл, пашэ». Шон сама: амэ трэбуй тэ адиносарас вслух, тэ ашунас кадэва пророчество и тэ терас кадя, сар пистромэ. Акана давайте подаса дума, со имено амэ трэбуй тэ терас.

ТЭЛЁН ЛЭ ИЕГОВАСТИ КАДЯ, САР ЛЭСТИ ЧАЛЁЛ

5. Сар анда книӷа Откровение дицол, кай лэ Иеговасти най всаек, сар амэ лэсти тэлювас?

⁵ Андэ пэрво ӷлава Откровение амэ диқас, кай о Иисусо драго ӷанэн, со терэлпэ андэ кажно собрания (Отк. 1:12—16, 20; 2:1). Када драго сыкавэн и алава, савэ во ԥэндя важ и семь собрании андэ Мало Азия. О Иисусо дя лашэ советоря лэ христианонэнди андо пэрво вико, савэ трэбуй сас тэ поможын лэнди тэ тэлён лэ Иеговасти кадя, сар лэсти чалёл. Кадэла советоря драго поджан и важ лэ Иеговаско народо адес. Сости амэ можэм тэ сытювас? О Иисус Христос драго ӷанэн, сави амэндэ дружба лэ Иеговаса. Во андярэл амэн и фэрий. О Иисусо диқэл вся. Во драго ӷанэн, со амэ трэбуй тэ терас, кай о Иегова тэ авэл амэнца довольно. Давайте роздиқаса дэсавэ лэ Иисусостирэ советоря.

6. а) Пала сави проблема о Иисусо ԥэндя лэ христианонэнди андо Эфесо? (Откровение 2:3, 4). б) Сости амэ можэм тэ сытювас анда када?

⁶ Проадинон Откровение 2:3, 4. Амэ трэбуй тэ на домэкас, кай и любовь каринг о Иегова тэ ашэл май слабо, чем сас спэрва. Па лэ Иисусостирэ алава дицол, кай и христианоря андо Эфесо виритярэнас о ԥаримос и на парашэнас тэ служын лэ Иеговасти, хоть лэндэ и сас дэсавэ трудности. Но всаек, вонэ парашэлэ тэ любин лэ Иеговас кадя, сар любинас спэрва. Вонэ трэбуй сас варисо тэ терэн, кай и любовь упалэ тэ ԥабол андо ди и кай лэ Дэвлэсти тэ авэл уӷодно лэндири поклонения. Сости амэ можэм тэ сытювас? Адес кадяжэ на хутила просто тэ виритярас о ԥаримос. Фартэ важно, со амэндэ андо ди. О Иегова шол сама най кати пэ амари дила, но и васо амэ када терас. Во камэл, кай амэ тэ тэлювас лэсти, важ кода кай фартэ любисарас лэс и блаӷодарни лэсти (Прит. 16:2; Мар. 12:29, 30).

7. а) Сави проблема сас кай и христианоря андэ Сарды, сар ԥэндя о Иисусо андэ Откровение 3:1—3? б) Со амэ трэбуй тэ терас?

⁷ Проадинон Откровение 3:1—3. Амэнди трэбуй и май дур тэ терас бут дила важ о Иегова. Кай и христианоря анда Сарды сас авэр проблема: хоть раньшэ вонэ бут со терэнас андэ служэния, акана вонэ линэ тэ терэн када май набут. Важ када о Иисусо ԥэндя лэнди, кай вонэ тэ прошонпэ. Сости амэ можэм тэ сытювас? Канешно, «о Дэл най нэправедно, кай тэ бистрэл... [амари] дила» (Евр. 6:10). Но нащи тэ гиндосарас, кай амэ стердям важ лэстэ ужэ бут, и акана можно тэ отцыювас. Хоть амэндэ моӷут тэ авэн май бут трудности, амэ всаек трэбуй тэ на парашас тэ терас андэ служэния вся, со па амаро зор, пока на авэла лэ Иеговаско дес (1 Кор. 15:58; Матф. 24:13; Мар. 13:33).

8. Сости амэ можэм тэ сытювас анда лэ Иисусостирэ алава, савэ во ԥэндя лэ христианонэнди анда Лаодикия? (Откровение 3:15—17).

⁸ Проадинон Откровение 3:15—17. Амэ трэбуй анда вся оди тэ служысарас лэ Иеговасти. Кай и христианоря анда Лаоди́кия тожэ сас ек проблема. Вонэ сас «татэ» андэ поклонения лэ Иеговасти. Лэнди сас всаек пэ служэния, и важ када о Иисусо ԥэндя, кай вонэ бибахталэ и чорэ. Лэндэ трэбуй сас тэ ԥабол оди андэ служэния лэ Иеговасти (Отк. 3:19). Если амэ лям май набут тэ служысарас, авелоп драго тэ погиндосарас пала вся, со о Иегова и лэстири арӷанизацыя терэн важ амэндэ (Отк. 3:18). Када поможыя амэнди тэ авас май блаӷодарни. На домэкэн, кай и комфортно жызня тэ авэл важ тумэндэ май ӷлавно, чем о Иегова.

9. Состар амэ трэбуй тэ фэрисавас, сар ԥэндя о Иисусо лэ христианонэнди анда Пергамо и анда Фиатира?

⁹ Амэнди трэбуй тэ фэрисавас кодэлэстар, сости сытярэн и отступникоря. О Иисусо сындосардя лэ христианонэн анда Пергамо пала кода, кай через лэндэ андэ собрания на сас ладо и кай вонэ патянас андэ разни секты (Отк. 2:14—16). Кадяжэ во похвалисардя лэ ԥралэн и лэ ԥэян анда Фиатира, кай вонэ ритярдёнас май дур лэ Сатанастирэ хохаимастар, и ԥэндя лэнди, кай вонэ тэ авэн састэ андэ истина (Отк. 2:24—26). Кодэла ԥрала и ԥэя, савэ патяе кодэлэсти, со ԥэндэ и отступникоря, трэбуй сас тэ каинпэ. Сости амэ можэм тэ сытювас? Важ амэндэ тожэ важно тэ дурювас лэ хохаимастар, саво одындярэл лэ Иеговастар. И отступникоря кати притерэнпэ, кай кандэн лэ Дэвлэс, но пэ дила када на дицол (2 Тим. 3:5). Если амэ драго изучаем и Библия, амэнди авэла май вушэро тэ росполас о хохаимос, саво ԥэнэн и отступникоря, и тэ ритярдювас лэндар май дур (2 Тим. 3:14—17; Иуды 3, 4).

10. Сости амэ можэм тэ сытювас анда лэ Иисусостирэ алава важ и христианоря анда Пергамо и анда Фиатира?

¹⁰ Амэ трэбуй тэ ритярдювас май дур лэ билажавардимастар. Андо Пергамо и андэ Фиатира сас инке ек проблема. О Иисусо сас нэдовольно кодэлэса, кай вонэ на дурёнас лэ билажавардимастар (Отк. 2:14, 20). Сости амэ можэм тэ сытювас? О Иегова на ԥандавэл и яқа по билажавардимос, дажэ если амэ служысарас лэсти бут бэрша и амэндэ исин дэсавэ обязаности андэ собрания (1 Сам. 15:22; 1 Пет. 2:16). Хоть и мануша андо миро андярэн пэс вся май хужэ, о Иегова аштярэл, кай амэ ласа андэ вся тэ ритярас лэстирэ законоря (Эф. 6:11—13).

11. Со амэ адес уӷанглям? (Кадяжэ диқэн и рамка «Сости амэ можэм тэ сытювас?».)

¹¹ Со амэ адес уӷанглям? Амэ трэбуй тэ тэлювас лэ Дэвлэсти кадя, сар лэсти уӷодно. Если амэ терас варисо, со на чалёл лэ Иеговасти, трэбуй со май ӥто тэ парудювас (Отк. 2:5, 16; 3:3, 16). Но андэ лэ Иисусостирэ алава важ и семь собрании исин инке дэсавэ важни гиндоря.

АВЭН ӶОТОВИ КАРИНГ И ПРЕСЛЕДОВАНИИ

12. Со о Иисусо ԥэндя лэ христианонэнди анда Смирна и анда Филадельфия и сости амэ можэм тэ сытювас? (Откровение 2:10).

¹² Давайте роздиқаса лэ Иисусостирэ алава важ и христианоря анда Смирна и анда Филадельфия. Во ԥэндя, кай вонэ тэ на даран, кай авэна преследовании, важ кода кай о Иегова блаӷословия лэн, если вонэ вся виритярэна. (Проадинон Откровение 2:10; 3:10). Сости амэ можэм тэ сытювас? Амэнди тожэ трэбуй тэ авас ӷотови каринг и преследовании, кай вся тэ виритярас (Матф. 24:9, 13; 2 Кор. 12:10). Васо адес када фартэ важно?

13, 14. Сар кода, со пистромэ андэ 12 ӷлава Откровение повлияло по лэ Дэвлэско народо?

¹³ Андэ книӷа Откровение ԥэнэнпэ, кай лэ Дэвлэстирэ народос лэна преследовать андэ амарэ деса, андэ «лэ Ӷосподоско дес». Андэ 12 ӷлава Откровение ԥэнэнпэ, кай посли кода, сар лэ Дэвлэско Царство ля тэ правий, по нэбо сас война. О Михаило (о Иисус Христос, саво рисайля по нэбо) и лэстирэ анӷелоря марэнаспэ лэ Сатанаса и лэ бэнгэнца (Отк. 12:7, 8). Кала вонэ вицэлдэ, лэ Сатанас и лэ бэнгэн сшутэ па нэбо пэ ԥув, и вонэ андэ бут ԥаримос лэ манушэнди (Отк. 12:9, 12). Но сар када влияет по лэ Дэвлэско народо?

¹⁴ Андэ книӷа Откровение росԥэнэнпэ, сар ля пэс тэ андярэл о Сатана. Во будэр нэ моӷ тэ авэл по нэбо, важ када во ля фартэ тэ вэрыцый лэ памазаниконэн, савэ ашэлэпэ пэ ԥув. Васо? Вонэ терэн лэ Иеговастири дила и «росԥэнэн пала Иисусо» (2 Кор. 5:20; Отк. 12:17; Эф. 6:19, 20). Со имено ля тэ терэл о Сатана?

15. Ко сас «дуй свидетеля» анда 11 ӷлава Откровение и со лэнца тердяпэ?

¹⁵ О Сатана подмардя лэ вороӷонэн, кай вонэ тэ дэн пэ памазаникоря, савэ диқэнас пала проповедь. Андо 1918 бэрш пэ кадэла восемь ԥрала хохадэ, и лэн пэ долӷонэстэ бэшардэ андо баруно. Андэ Откровение ԥэнэнпэ, кай кадэла ԥрала — када «дуй свидетеля», савэ сас умардэ (Отк. 11:3, 7—11)b. И чаче, бут мануша моӷли тэ погиндон, кай акана и дила, пала сави диқэнас кадэла ԥрала, терделя.

16. Со нэожыдано тердяпэ андо 1919 бэрш и со о Сатана терэл кодэла времятар?

¹⁶ Андэ 11 ӷлава Откровение пистромэ, кай через и найбари время кадэла «дуй свидетеля» трэбуй сас тэ ринпэ каринг и жызня. Сар исполнилось кадэва пророчество? Андо 1919 бэрш па кадэла помазани ԥрала злинэ обвинении, и лэн одмэклэ анда баруно. Када сас фартэ нэожыдано, и вонэ сразу жэ упалэ линэпэ пала дила: тэ диқэн пала проповедь и тэ сытярэн лэ манушэн. Но лэ Сатанас када на тердярдя. Во и май дур ля тэ тасавэл по лэ Дэвлэско народо. Во терэл вся, кай пэр лэндэ тэ дэл «бари лэн» анда преследовании (Отк. 12:15). Важ када амэнди трэбуй тэ на парашас тэ патяс и тэ виритярас о ԥаримос (Отк. 13:10).

ВСАВОРЭ ОДЕСА ТЕРЭН ЛЭ ИЕГОВАСТИРИ ДИЛА

17. Сави помощь исин кай лэ Дэвлэско народо, хоть о Сатана на парашэл тэ тасавэл пэр лэндэ?

¹⁷ Андэ 12 ӷлава Откровение росԥэнэнпэ, кай лэ Дэвлэстирэ народости нэожыдано дэна помощь. Сар ԥэнэнпэ андэ Библия, «и ԥув» нақавэла «и лэн» (Отк. 12:16). Сар исполнийпэ кадэва пророчество? И «ԥув» — када варисо састо андэ лэ Сатанастири люма, например и сындоря. Здэлпэ, кай кадэла сындоря трэбуй вся и время тэ терэн кода, со камэл о Сатана, но дэкала вонэ всаек зашонпэ пала лэ Дэвлэско народо. Лэ Иеговастирэ свидетеля вицэлдэ ужэ бут сындоря, и лэндэ исин дэсави свобода. Вонэ годявэрнэс используют кадэя время и вся пэско зор отдэн пэ служэния лэ Иеговасти (1 Кор. 16:9). Со имено вонэ терэн?

18. Сави дила амэ терас андэ кадэла послидни деса?

¹⁸ О Иисусо ԥэндя, кай англа кода, сар тэ авэл о Армагеддоно, лэ Дэвлэстирэ служытеля росԥэнэна «и лащи новость пала Царство... па вся и ԥув» (Матф. 24:14). Ай андэ Откровение 14:6 пистромэ пала анӷело «саво вурял андо нэбо и савэстэ сас вечно лащи новость, кай тэ росԥэнэн пала радость кодэлэнди, ко жувэл пэ ԥув, андэ кажно нацыя, ери, народо и шыб». Вижал, амэнди поможын и анӷелоря.

19. Со инке трэбуй тэ росԥэнэн кодэла, ко любин лэ Иеговас?

¹⁹ Лэ Дэвлэстирэ служытеля росԥэнэн най кати лащи новость. Лэнди кадяжэ трэбуй тэ поможын лэ анӷелонэнди тэ стерэн и дила, сави запистромэ андэ Откровение 8 жы кай 10 ӷлавы. Кадэла анӷелоря росԥэнэн, со авэла кодэлэнца, ко жал против лэ Дэвлэско Царство. Важ када лэ Иеговастирэ свидетеля росԥэнэн и ӷрозно весть пала кода, со аштярэл лэ Сатанаско миро. И када шолпэ по ӷрадо и пэ яг (Отк. 8:7, 13). И мануша трэбуй тэ уӷанэн, кай пашол лэ Иеговаско дес. Тоди лэндэ авэла возможность тэ парувэн пэстири жызня, кай тэ спасынпэ «лэ Иеговастиря холятар андэ лэско дес» (Соф. 2:2, 3). Но най всаворэ мануша камэн када тэ ашунэн, важ када амэнди трэбуй смилость. Ай кала авэла и само бари бида, кадэя ӷрозно весть амэ ласа тэ ԥэнас инке май ворта (Отк. 16:21).

ТЕРЭН КАДЯ, САР ЗАПИСТРОМЭ АНДЭ КАДЭВА ПРОРОЧЕСТВО

20. Пала со амэ уӷанаса андэ авэр дуй статьи?

²⁰ «Кадэва пророчество» важ амэндэ фартэ важно, важ кода кай амэ поможысарас, кай и алава андар лэстэ тэ исполняца (Отк. 1:3). Но со поможыя амэнди тэ виритярас, кала амэн преследуют, и смило тэ росԥэнас лэ Иеговастирэ алава? Андэ авэр дуй статьи амэ роздиқаса дуй маменторя: 1) со андэ книӷа Откровение росԥэнэнпэ пала кода, со аштярэл лэ Иеговастирэ вороӷонэн, и 2) сар о Иегова блаӷословия кодэлэн, ко ашэлапэ верно лэсти.