Сытювас май драго тэ служысарас. Поможысарас лэ манушэнди тэ ашэн лэ Иисусостирэ ученикоря

ВАСО КАДА ТРЭБУЙ? О Иегова терэл кадя, кай тэ авэл о чачимос андо ди кодэлэндэ, ко лэ одеса камэл тэ уӷанэн пала лэстэ (Деяния 13:48; 1 Коринфянам 3:7). Амэ терас бути еқэҭанэ лэ Иеговаса и спэрва шас сама кодэлэн, ко терэл кода, сости сытёл (1 Коринфянам 9:26). Трэбуй, кай кацавэ мануша тэ полэн, кай тэ спасынпэ, лэнди трэбуй тэ болдён (1 Петра 3:21). Амэ бут со терас, кай кодэла, кас амэ сытярас па Библия, тэ ашэн лэ Иисусостирэ ученикоря. Амэ поможысарас лэнди тэ парувэн пэстири жызня, сытярас лэн тэ росԥэнэн пала Дэл и тэ сытярэн аврэн. Ай кадяжэ поможысарас лэнди, кай вонэ тэ дэн алав лэ Иеговасти, кай лэна тэ жувэн важ лэстэ (Матфея 28:19, 20).

САР КАДА ТЭ ТЕРАС?

• Кодэва, ко сытёл па Библия, трэбуй тэ сэрэл, кай само ӷлавно, када май драго тэ уӷанэн лэ Иеговас и тэ жувэл кадя, сар уӷангля (Иоанна 17:3).

• Поможысар лэсти тэ авэл инке май лашо друӷо лэ Иеговаса и дэ помощь лэсти тэ виритярэл о ԥаримос. Например, кай во тэ на терэл кода, со присытеля тэ терэл найдраго и и тэ витидэл, каса тэ проандярэл и время.

• На параш тэ поможыс лэсти, пока во на болделя и посли на ашав тэ терэс када (Деяния 14:22).

ДИК ВИДЕО «О ДЭЛ ИЕГОВА ПОМОЖЫЯ ТУТИ» И ДЭ ОТВЕТОРЯ ПЭ КАДЭЛА ВОПРОСОРЯ.

• Сави дар можэт тэ на дэмэкэл лэ манушэс тэ жувэл важ о Иегова и тэ болдёл?

• Сар и старейшыноря поможын кодэлэнди, ко сытёл па Библия, тэ ашэн май лашэ друӷоря лэ Иеговаса?

• Со амэ уӷанас пала Иегова анда Исаия 41:10?

• Савэ качестворя поможына амэнди тэ на парашас тэ кандас лэ Иеговас, хоть амэ и бэзэхэса?