Источникоря важ и тетрадка, кай тэ сытювас «Дром и служэния»
7—13 СЕНТЯБРЯ
СОМНАК АНДА БИБЛИЯ | ИСХОД 23, 24
«На жан пала бут мануша»
(Исход 23:1) На розындярэн о хохаимос. На ԥэнэн хохаимос по сындо, кай тэ поможын кодэлэсти, ко стердя найлашимос.
Драго тумэ ӷанэн, кай када чачимос, чи най?
7 Чалёл тумэнди тэ бишалэн па электронно почта варисо чи эсэмэс пэстирэ друӷонэнди? Тумэ адинон варисо андо интэрнэто чи ашунэн пала кода, со варикай тердяпэ. Со тумэ терэн? Йто лэн тэ росԥэнэн? Тоди англа кода, кай тэ бишалэн, со уӷанглэ, пушэн пэстар: «Драго мэ ӷанав, кай када чачимос? Исин мандэ кода, со доԥэнэн, кай када кадя?» Сар тумэ драго на ӷанэн пала када, тоди тумэ розындярэн о хохаимос машкар ԥрала и ԥэя. Вижал, сар тумэ драго на розуӷанглэ, тасавэн пэ кнопка «Удалить», ай най «Отправить».
8 Кала на гиндосарас и розбишалас лэ ԥралэнди и лэ ԥэянди варисавэ эсэмэс, амэ можэм тэ терас лэнди вэрыто. Андэ дэсавэ страны амэнди на дэн тэ терас варисави дила важ о Дэл. Ай андэ авэр страны на дэн тэ терас нисави дила важ о Дэл. Мануша, савэ жан против амэндэ, пэ холи росԥэнэн варисо найлашо, кай амарэ ԥрала и ԥэя тэ даран чи тэ на допатян ек аврэсти. Акэ, со сас андо Советско Союзо. И мануша анда КГБ розындярдэ о хохаимос пала ԥрала, савэ диқэнас пала лэ Иеговаско народо, кай вонэ придинэ лэ ԥралэн. Бут мануша патяе андэ кадэва хохаимос и ужылэтар анда лэ Дэвлэстири орӷанизацыя. Бут андар лэндэ рисайлэ андэ собрания. Но дэсавэ кадя и на рисайлэ. Вонэ домэклэ, кай через кадэва хохаимос вонэ парашэлэ тэ патян (1 Тимофею 1:19). Сар тэ на домэкас, кай кацаво тэ терэлпэ амэнца? На розбишалэн и на росԥэнэн найлашэ и хохавнэ новости. На патян кажнонэ алавэсти. Розуӷанэн, чачимос када чи най.
(Исход 23:2) На жан пала бут мануша, кай тэ терэн о найлашимос, и на парувэн о чачимос, кай тэ ԥэнэн по сындо кода, со чалёл аврэнди.
it «Аарон», абз. 16
Аароно
Трэбуй тэ шас сама, кай андэ всаворэ трин случаёря, кала о Аароно сас дошало, во када терэлас най корко пэстар. Дицол, кай во змардёлас па правильно дром, важ кода кай домэкэлас, кай пэр лэстэ тэ влияют варисавэ ситуацыи или, кай пэр лэстэ тэ тасавэн авэр мануша. Особенно андэ пэрво случаё, кала во шылисайля, во моӷ бы тэ терэл па законо, саво сас андо принцыпо «На жан пала бут мануша, кай тэ терэн о найлашимос» (Исход 23:2). Но всаек андэ Свынто Писания пала Аароно драго пистромэ, ай лэ Дэвлэско Шаво, кала служыяс пэ ԥув прижанэнас лэ Аароностири священическо линия (Псалом 115:10, 12; 118:3; 133:1, 2; 135:19; Матфея 5:17—19; 8:4).
(Исход 23:3) На залэн никастири риг, кала розлэн лэ чорорэстири дила.
it «Слепота», подзаг. «Переносное значение», абз. 10
Коро
Кода кай и сындомаря парувэн о чачимос важ и ловэ, сыстойпэ кодэлэса, кала о мануш коро. Андо Законо сас най еқвар пистромэ, кай нащи тэ лэн взятки, подаркоря и вэрыто тэ гиндон пала варикастэ, када вся можэт тэ ԥандавэл и яқа лэ сындомарести и во на сындоя справедливо. «И взятка... ԥандавэл и яқа» (Исход 23:8). «И взятка ԥандавэл и яқа кодэлэнди, ко мудро» (Второзаконие 16:19). Саво бы тэ на авэл о сындомари справедливо и годявэрно, через о подарко кодэлэстар, кас сындон, во можэт тэ сындой нэсправедливо, полэл во када чи най. Андо Законо ԥэнэнпэ, кай и яқа моӷут тэ ԥандавэн най кати и подаркоря, но и кода, со андо ди: «На залэн никастири риг ни лэ чорорэстири ни лэ барвалэстири» (Левит 19:15). Хоть о сындомари можэт тэ жалуий лэ чорорэс или тэ камэл тэ ашэл ашунгло машкар народо, во на трэбуй тэ виандярэл о сындо против барвало кати важ кода, кай во барвало (Исход 23:2, 3).
Виарақас сомнак анда Библия
(Исход 23:9) На терэн вэрыто лэ манушэсти, саво авеля па чужо ԥув. Тумэ ӷанэн, сар када тэ авэн манушэнца, савэ авелэ па чужо ԥув, важ кода кай тумэ екжэнэ сас кацавэ андо Египто.
w16.10 9, абз. 4
Драго обжанпэ лэ манушэнца па чужо ԥув
4 О Иегова нэ заставлял лэ израильтянонэн тэ стон патив пэ мануша па чужо ԥув. Во мангэлас, кай вонэ тэ жалуин аврэн. (Адиносар Исход 23:9.) Вонэ драго полэнас, сар када тэ авэн пэ чужо ԥув. Инке сар и израильтяноря на попэлинэ андо рабство, и египтяноря, наверно, ужэ дурёнас лэндар, важ кода кай лэндэ авэр нацыя или вера (Бытие 43:32; 46:34; Исход 1:11—14). Кала и израильтяноря сас пэ чужо ԥув, вонэ диқлэ бут ԥаримос. Важ када о Иегова аштярэлас, кай вонэ лэна тэ обжанпэ лэ манушэнца па чужо ԥув, сар пэстирэнца (Левит 19:33, 34).
(Исход 23:20, 21) Мэ бишалав англа тумэндэ анӷелос, кай во тэ фэрий тумэн андо дром и тэ андярэл андэ кодэва ҭан, саво мэ камав тэ дав тумэнди. 21 Ашунэн и кандэн лэс. На ваздэнпэ против лэстэ, важ кода кай во на простия, если тумэ на кандэна лэс. Во када терэл мэрнэ алавэстар.
it «Михаил», № 1, абз. 1
Михаил
1. Ек свынто анӷело, каско алав запистромэ андэ Библия, сар и лэ Гавриилоско, када о Михаило и во ек пэр кастэ ԥэнэн «арханӷело» (Иуды 9). Кадэва алав пэрво разо пистромэ андэ Даниил 10 ӷлава, кай пала Михаило ԥэнэнпэ, сар пала «ек анда ӷлавни князёря». Во авеля тэ поможый лэ май цыкнэ анӷелости, саво борияспэ лэ князёса Персии. По Михаило ԥэндэ: «князё [важ лэ Даниилоско народо]» и «баро князё,... саво зашолпэ пала... [лэ Даниилоско] народо» (Даниил 10:13, 20, 21; 12:1). Анда када дицол, кай о Михаило сас кодэва анӷело, саво андярэлас лэ израильтянонэн па пустыня (Исход 23:20, 21, 23; 32:34; 33:2). Кадяжэ када дицол па кода, кай «о арханӷело Михаило спорисайля лэ Сатанаса пала лэ Моисеёстири тила и на сас лэса соӷласно» (Иуды 9).
14—20 СЕНТЯБРЯ
СОМНАК АНДА БИБЛИЯ | ИСХОД 25, 26
«Ӷлавно предмето андэ свынто бари катуна»
(Исход 25:9) Стерэн и свынто бари катуна и вся со андэр латэ ужал, точно кадя, сар мэ сыкавава тути.
it «Ковчег соглашения», абз. 3
Ковчеӷо важ о доӷоворо
Внешнё видо. Пэрво, со о Иегова ԥэндя лэ Моисеёсти, кала дя и задания тэ стерэн и свынто бари катуна, када, сар тэ стерэн о ковчеӷо. Важ кода кай о ковчеӷо сас само важно предмето андэ свынто бари катуна и андо вся Израилё. Па размеро о ящико сас варикай 111 сантиметров андо лунгимос, 67 сантиметров андо буӷлимос и 67 андо вучимос. Во сас стердо анда каш акацыя, обшуто сомнакаса упрал и андрал и лэстэ сас шукарни сомнакони окантовка. И крышка кай о ковчеӷо сас стерди всавори анда сомнак, када на сас просто каш, саво обшуто сомнакаса. Па лунгимос и па буӷлимос вой сас точно па ящико. Па дуй рига пэ крышка сас дуй сомнаконэ херувиморя, савэ тердёнас ек еқэстэ моса. Лэндирэ муя диқэнас пэ крышка, ай и крылоря сас вазглэ упрэ и ушаравэнас о ковчеӷо (Исход 25:10, 11, 17—22; 37:6—9). Пэ крышка по ковчеӷо кадяжэ ԥэнэнас «крышка примирения» (1 Летопись 28:11; Евреям 9:5; дик КРЫШКА УМИЛОСТИВЛЕНИЯ).
(Исход 25:21) Стов и крышка по ковчеӷо, ай андо ковчеӷо стов и скрижали лэ законоса, савэ мэ тути дава.
it «Ковчег соглашения», абз. 6.
Ковчеӷо важ о доӷоворо
О ковчеӷо трэбуй сас, кай андэр лэстэ тэ гаравэн кода, со свынто, или о Доӷоворо. Ӷлавно, со андэр лэстэ сас, када и дуй скрижали важ о Доӷоворо или и Дэш заповеди (Исход 25:16). Потом андо ковчеӷо кадяжэ стодэ «сомнаконо сосудо ла маннаса» и «лэ Аароноско посохо, саво розмэкляпэ», но кала достроисардэ лэ Соломоноско храмо, лэн андо ковчеӷо ужэ на сас (Евреям 9:4; Исход 16:32—34; Числа 17:10; 1 Царей 8:9; 2 Летопись 5:10). Англа пэстири смэрть о Моисеё дя лэ левитонэнди, савэ сас рашая, и копия лэ законости. Во приԥэндя тэ фэрин ла най андэ лэ Иеговаско «ковчеӷо важ о доӷоворо», ай паша лэстэ. Ай кадяжэ ԥэндя, кай и копия лэ законости авэла свидетельство против народо (Второзаконие 31:24—26).
(Исход 25:22) Мэ лава тэ сыкадював тути и тэ дав дума туса лэ ҭанэстар понад и крышка, машкар дуй херувиморя, савэ по ковчеӷо важ о доӷоворо. Котар мэ лава тэ ԥэнав тути всаворэ законоря важ израильтяноря.
it «Ковчег соглашения», абз. 7
Ковчеӷо важ о доӷоворо
Сыкавэлас кай о Дэл лэнца. О ковчеӷо вся и время сыкавэлас, кай о Дэл лэнца. О Иегова дя алав: «Мэ лава тэ сыкадював тути и тэ дав дума туса лэ ҭанэстар понад и крышка, машкар дуй херувиморя, савэ по ковчеӷо важ о доӷоворо», «Мэ лава тэ сыкадював андо облако понад и крышка» (Исход 25:22; Левит 16:2). О Самуило пистросардя, кай о Иегова «бэшэл пэ херувиморя» (1 Самуила 4:4), вижал кай и херувиморя сыкавэнас лэ Иеговаско вурдон (1 Летопись 28:18). «Кала о Моисеё зажалас андэ свынто бари катуна, кай тэ подэл дума лэ Дэвлэса, во ашунэлас о ӷолосо, саво дэлас дума лэса па ҭан понад и крышка кай о ковчеӷо важ о доӷоворо, машкар дуй херувиморя. И о Дэл дэлас дума лэса» (Числа 7:89). Посли, о Иисусо Навино и о само баро рашай о Финеесо, тожэ пушэнас кай о Иегова англа ковчеӷо (Иисус Навин 7:6—10; Судей 20:27, 28). Но кати о само баро рашай моӷ тэ зажал андо Свынто май анда свынти и тэ диқэл о ковчеӷо. Во зажалас кордэ еқвар андо бэрш, но най, кай тэ дэл дума лэ Иеговаса, ай кай тэ стерэл кода, со трэбуй важ о Дес, кала витинэн (Левит 16:2, 3, 13, 15, 17; Евреям 9:7).
Виарақас сомнак анда Библия
(Исход 25:20) И крылоря лэ херувимонэндирэ трэбуй тэ ваздэнпэ упрэ понад и крышка. И херувиморя трэбуй тэ тердён муй муестэ и лэндирэ муя лэна тэ диқэн пэ крышка.
it «Херувимы», абз. 2
Херувиморя
И херувиморя, савэн стердэ анда сомнак, сас машкар свынти предметоря андэ свынто катуна, сави сас андэ пустыня. Па дуй рига пэ крышка кай о ковчеӷо, сас дуй сомнаконэ херувиморя. Вонэ тердёнас ек англа ек, ай лэндирэ муя диқэнас пэ крышка, када сыкавэлас бари патив каринг о Иегова. Кай кажно херувимо сас дуй крылоря, савэ вазглэ упрэ и ушаравэнас лэ ковчеӷостири крышка, ԥэнэса, фэринас лэс (Исход 25:10—21; 37:7—9). Инке и херувиморя сас висувадэ пэ покрывалоря андэ свынто бари катуна и по занавеска, саво отделияс о Свынто лэ Свынтонэстар май анда свынти (Исход 26:1, 31; 36:8, 35).
(Исход 25:30) Вся и время стов по столо о марно, саво трэбуй тэ пашлёл англа мандэ.
it «Хлеб предложения», абз. 1
Марно, саво пашлёл англа Иегова
Двенацать марнэ, савэ стонас по скамин андэ свынто бари катуна и андо храмо. Кажно курко лэс парувэнас по свижо (Исход 35:13; 39:36; 1 Царей 7:48; 2 Летопись 13:11; Неемия 10:32, 33). Еврейско алав, саво пэрэандярдо «марно», сыкавэл «марно лэ моско». О еврейско алав, саво пэрэандярдо, сар «муй» дэкала сыкавэл «тэ авэл пашэ» (2 Царей 13:23). Вижал о марно вся и время пашлёлас англа Иегова, сар жэртва важ лэстэ (Исход 25:30). Андэ дэсавэ стихоря кадяжэ ԥэнэнпэ пала кадэва марно (2 Летопись 2:4; Евреям 9:2).
21—27 СЕНТЯБРЯ
СОМНАК АНДА БИБЛИЯ | ИСХОД 27, 28
«Сости амэ сытювас анда кода, сар утидэнаспэ и рашая?»
(Исход 28:30) Стов андо наӷруднико важ о сындо о ури́мо и о тумми́мо и мэк вонэ авэна паша лэ Ааро́носко ди, кала во лэла тэ зажал каринг о Иегова. Мэк о Ааро́но вся и время ԥиравэл лэн паша пэско ди англа Иегова, кай тэ сындой лэ израильтянонэн.
it «Урим и туммим», абз. 6
Уримо и туммимо
Бут библеисторя гиндон, кай о уримо и о туммимо использовали сар жребиё. Андо смыслово переводо андо Исход 28:27 (28:30, НМ), по уримо и туммимо ԥэнэн «свынто жребиё». Дэко гиндон, кай када сас трин предметоря. По ек сас пистромэ «да» пэ авэр «най», ай по трито нисо на сас пистромэ. Кай тэ уӷанэн о атвето по вопросо, лэн дорэсэнас анда наӷруднико. Если дорэсэнас кодэва, пэ саво нисо на сас пистромэ, када сыкавэлас, кай атвето нинай. Ай авэр гиндон, кай када сас дуй плоски барора, савэ еқа ригатар сас парнэ, ай авря ригатар калэ. Кала лэн шонас и випэрэнас дуй парнэ рига, тоди о атвето сас да, кала випэрэнас дуй калэ рига, тоди атвето сас най, ай кала парни и кали риг, о атвето на сас. Еқвар, кала о Сауло пушля лэ Дэвлэстар через о рашай, трэбуй лэсти упалэ тэ жал пэ филистимляноря войнаса, чи най, о атвето на сас. Кала во гиндояс, кай варико анда лэстирэ мануша стердя бэзэх, во мангля: «Лэ Израилёско Дэл, дэ атвето через о тумми́мо!». О жребиё випэля по Сауло и по Ионафано, посли када о жребиё шутэ машкар лэндэ. Кода, кай о Сауло мангля «дэ атвето через о тумми́мо», сдэлпэ на сжалпэ кодэлэса, кай шон о жребиё. Хоть када и можэт тэ сыкавэл, кай лэндэ варисо еқэндар (1 Самуила 14:36—42).
(Исход 28:36) Стер анда вужо сомнак блестящё пластина и вишын пэр латэ, сар пэ печать, кацавэ алава: „Кати о Иегова свынто“.
it «Лоб», абз. 5
Чикат
Израильско само баро рашай. Андо Израилё кай о само баро рашай по тюрбано по чикат сас сомнакони пластина «свынто знако посвящения», пэ сави сас вишындо сар пэ печать: «Кати о Иегова свынто» (Исход 28:36—38; 39:30). Важ кода кай о само баро рашай сас ӷлавно лэ израильтянонэнго прецтавителё англа Иегова, во трэбуй сас тэ авэл свынто андэ служэния. Инке кода, со сас пистромэ, поможыяс лэ израильтянонэнди тэ сэрэн, кай лэнди трэбуй тэ ашэнпэ свынти андэ служэния лэ Иеговасти. Кадяжэ кадэя надпись сыкавэлас по Пэрвосвященико, по Иисус Христос и кай лэстири рашаицко служэния, савяса во подритярэл лэ Дэвлэстири святость, лэсти дя о Иегова (Евреям 7:26).
(Исход 28:42, 43) Кадяжэ стер важ лэндэ калцы анда лёно жы кай чанга, кай тэ заушаравэн и нанги тила. 43 Мэк о Аароно и лэстирэ шавэ лэн када пэр пэстэ, кала авэна тэ зажан андэ катуна важ и собрания или тэ поджан каринг о жэртвеннико, кала служын андэ свынто ҭан. Када трэбуй, кай пэр лэндэ тэ на авэл дош и кай вонэ тэ на мэрэн. Када о законо пэ викоря важ лэстэ и важ лэстирэ потомкоря.
w08 15/8 15, абз. 17
Стов патив по Иегова
17 Фартэ важно пативалэс тэ служысарас лэ Иеговасти. Андэ Экклезиаст 5:1 ԥэнэнпэ: «Дик пала пэстэ, кала жас андо цэр кай о чачуно Дэл». Сар лэ Моисеёсти, кадяжэ лэ Иисусости Навиности о Иегова ԥэндя, кай тэ злэн па пэрнэ и сандали, кала вонэ тердёнас по свынто ҭан (Исход 3:5; Иисус Навин 5:15). Лэнди трэбуй сас када тэ стерэн, кай тэ сыкавэн патив. И израильски рашая трэбуй сас тэ ԥиравэн калцы анда лёно, «кай тэ заушаравэн и нанги тила» (Исход 28:42, 43). Кадя андэ служэния, паша жэртвеннико, лэндэ на дицэлоп билажавардэс и нанги тила. Всаворэнди, ко сас анда лэ рашанго ери, трэбуй сас тэ стон патив по Дэл кодэлэса, сар вонэ утидэ и сар пэс андярэн.
Виарақас сомнак анда Библия
(Исход 28:15—21) Мэк кодэва, ко висувэл, стерэл наӷруднико важ о сындо. Во трэбуй тэ авэл стердо кадя жэ, сар о ефодо, анда сомнак, анда синё ҭав, пурпурно и лоло ҭав и сано састо льняно ҭав. 16 Кала лэс стидэна по епаш, во авэла квадратно, андо лунгимос палма и андо буӷлимос палма. 17 Стер пэр лэстэ штар рядоря анда бара. Пэрво рядо анда рубино, топазо и изумродо. 18 Дуйто рядо анда бирюза, сапфиро и яшма.19 Трито рядо анда ле́шемо, агато и аметисто. 20 Штарто рядо анда хризолито, ониксо, и жадеито. Лэн трэбуй тэ стон андо сомнак. 21 И бара трэбуй тэ авэн двенацать. Скати жэ, скати шавэн кай о Израилё. Пэ кажно бар трэбуй тэ авэл вишындо о алав, сар пэ печать. Кажно алав лэла тэ сыкавэл ек анда двенацать племена.
w12 1/8 26, абз. 1—3
Ту ӷанэс?
Катар кай израильтяноря сас кучутнэ бара по наӷруднико важ само баро рашай?
Посли кода, сар и израильтяноря вижылэ анда Египто и авелэ андэ пустыня, о Дэл ԥэндя лэнди тэ стерэн важ само баро рашай наӷруднико (Исход 28:15—21). По наӷруднико сас кадэла бара, рубино, топазо, изумрудо, бирюза, сапфиро, яшма, ле́шемо, агато, аметисто, хризолито, ониксо и жадеито. Па чачимастэ кай и израильтяноря моӷли тэ авэн кадэла кучутнэ бара?
Андэ библейско время и мануша цэнинас и кучутнэ бара и када сас кучутно товаро. Например, андэ дэлмутни время и египтяноря виарақэнас и кучутнэ бара пэ территория, кай акана тердёл о Ирано, Афганистано и можэт дажэ и Индия. Кадяжэ разни кучутнэ бара виарақэнас андо Египто. Кай и правителя андэ кадэя страна сас право тэ добывают кода, со исин кучутно андэ ԥув, пэ кодэла тиритории, пала савэ вонэ диқэнас. О Иово тожэ росԥэнэнас, сар и мануша, савэ жувэнас лэса андэ ек время, виӷанавэнас и рудникоря, кай тэ виарақэн варисо кучутно. Во кадяжэ ԥэндя, кай анда ԥув дорэсэнас сапфироря и топазоря (Иов 28:1—11, 19).
Сар запистромэ андэ книӷа Исход, кала и израильтяноря вижанас анда Египто, вонэ залинэ кай и египтяноря кучутно мищимос (Исход 12:35, 36). И можэт, кала и израильтяноря терэнас важ о само баро рашай о наӷруднико, вонэ стодэ пэр лэстэ и кучутнэ бара, савэ залинэсас анда Египто.
(Исход 28:38) Вой авэла по чикат кай о Аароно, и лэ Аароностар мэ спушава, кала варико стерэла бэзэх против свынти жэртвы, савэ и израильтяноря терэн, кай тэ авэн свынти, кала анэн лэн, сар свынти подаркоря. Вой вся и время трэбуй тэ авэл лэстэ по чикат, кай лэ Иеговасти тэ чалён и израильтяноря.
it «Святость», абз. 18
Святость
Жывотни и уражаё. Пэрви анда бакрэ, анда бузнэ и анда крупно ското, сас свынти важ о Иегова и лэн нащи сас тэ витинэн. Лэн трэбуй сас тэ анэн андэ жэртва и часть андар лэндэ отдэнас лэ рашанди, савэ сас свынти (Числа 18:17—19). Свынти сас и пэрви плодоря и и десятина, ай кадяжэ всаворэ жэртвы и подаркоря, савэ терэнас свынти важ и служэния андо свынто ҭан (Исход 28:38). Трэбуй сас тэ стон патив пэ вся, со сас свынто важ о Иегова и нащи сас тэ используют када андэ пэстири дила. Када сыкавэл о законо пала десятина. Если о мануш отделияс десято часть анда варисо, например, анда пшэница, ай потом во екжэно или варико анда лэско ери лэлас котар дэсо важ пэстэ нэчайно, во сас дошало, кай стердя най па лэ Дэвлэско законо важ о свынто. Во трэбуй сас тэ анэн андэ жэртва лашэ бакрэс анда пэско стадо, ай кадяжэ тэ рий кода, со хасардя о свынто ҭан и тэ достол каринг када инке 20 процэнтов. Када сытярэлас лэ манушэн тэ стон патив пэ вся, со сас свынто и сас важ о Иегова (Левит 5:14—16).
28 СЕНТЯБРЯ — 4 ОКТЯБРЯ
СОМНАК АНДА БИБЛИЯ | ИСХОД 29, 30
«Пожэртвования лэ Иеговасти»
(Исход 30:11, 12) Тоди о Иегова ԥэндя лэ Моисеёсти: 12 «Кала лэса тэ пэрэпистрос лэ израильсконэ муршэн, мэк кажно андар лэндэ дэл лэ Иеговасти о выкупо пала пэстири жызня, кай мэ тэ на наказываю лэн.
it «Перепись», абз. 2
Перепись
Паша Синаё. Пэрво перепись стердэ, сар ԥэндя о Иегова, андо дуйто шон андо дуйто бэрш, посли кода, сар и израильтяноря вижылэ анда Египто и стодэ и катуны паша плай Синаё. Кай тэ поможын лэ Моисеёсти тэ стерэн и перепись, андэ кажно племя сас витидо барэдэр, саво диқэлас пала када андэ пэстири племя. Вонэ запистросардэ всаворэ муршэн, савэнди сас май бут чем 20 бэрш и савэ моӷли тэ жан пэ война. Па законо кажно, ко прожыля и перепись, трэбуй сас тэ дэл важ пэстэ налоӷо, када сас епаш сиклё (1,1 долларо), кай тэ подритярэн и служэния андэ свынто бари катуна (Исход 30:11—16; Числа 1:1—16, 18, 19). Кодэлэн, кас пэрэпистросардэ сас 603 550, но андэ кадэя цыфра на ужанас и левиторя, савэндэ на сас наслецтво пэ Обетованно ԥув. Вонэ на потинэнас налоӷо пэ свынто бари катуна и лэнди на трэбуй сас тэ служын андэ армия (Числа 1:44—47; 2:32, 33; 18:20, 24).
(Исход 30:13—15) Всаворэ, ко прожан и перепись, трэбуй тэ дэн епаш сиклё андэ свынти сиклёря. Епаш сиклё, када жэртва лэ Иеговасти. 14 Кажно, касти май бут чем 20 бэрш и ко прожал и перепись, трэбуй тэ дэл жэртва лэ Иеговасти. 15 Кай тэ витинэл пэстири жызня, о барвало на трэбуй тэ дэл жэртва лэ Иеговасти май бут, ай о чороро май набут, чем епаш сиклё.
it «Пожертвование», абз. 3
Жэртвы
Дэсавэ жэртвы трэбуй сас тэ дэн па Законо. Кала о Моисеё стердя и перепись, всаворэ мурша, касти май бут чем 20 бэрш, трэбуй сас тэ дэн пала пэстэ выкупо «епаш сиклё [варикай 1,10 долларо] андэ свынти сиклёря». Вонэ трэбуй сас тэ дэн и «жэртва лэ Иеговасти», кай тэ витинэн пэс, и пэ служэния андэ «свынто бари катуна» (Исход 30:11—16). Сар ԥэндя о историко Иосифо Флавиё (Иудейская война. VII. 6. 6), посли, кадэва «свынто налоӷо» потинэнас кажно бэрш (2 Летопись 24:6—10; Матфея 17:24; дик НАЛОГИ).
(Исход 30:16) Лэ кай и израильтяноря о руп, саво дэн важ о выкупо, и отдэ лэс пэ служэния андэ свынто бари катуна, кай када тэ авэл напоминания важ израильтяноря англа Иегова. Када о выкупо важ тумари жызня».
w11 1/11 12, абз. 1, 2
Ту ӷанэс?
Катар лэнаспэ и ловэ пэ служэния андо Иерусалимско храмо?
И ловэ, савэ трэбуй сас пэ служэния андо храмо, жанас анда налоӷоря, май бут када сас и ловэ анда обязательно десятина. Но стидэнас и авэр ловэ. Например, кала строинас и свынто бари катуна, о Иегова ԥэндя через о Моисеё, кай кажно израильтянино, саво прожыля перепись, тэ дэл епаш рупуно сиклё андэ «жэртва лэ Иеговасти» (Исход 30:12—16).
Дицол, кай посли када и израильтяноря линэ кажно бэрш тэ дэн кадэя сумма, кай тэ подритярэн о храмо. Именно кадэва налоӷо о Иисусо ԥэндя лэ Петрости тэ потинэл ла копийкаса, сави во арақля андо муй кай о мащё (Матфея 17:24—27).
Виарақас сомнак анда Библия
(Исход 29:10) Андяр лэ гурувэс каринг и катуна важ и собрания и мэк о Аароно и лэстирэ шавэ стон и вас лэсти по шэро.
it «Рука», абз. 14
Вас
Стодэ и вас. Кода, кай стонас и вас по мануш или по предмето, трэбуй сас важ и разно дила. Часто када терэнас, кай тэ обозначат варикас или варисо, кай тэ сыкавэн пэр лэндэ или, кай тэ прижанэн, кай вонэ важ особенно дила. Кала стонас рашанца лэ Ааронос и лэстирэ шавэн, вонэ стодэ и вас по шэро лэ гурувэско и пэ шэрэ лэ дуе бакрэнди, савэн отдинэ андэ жэртва. Кадя вонэ прижанглэ, кай кадэлэ жывотнонэн отдинэ пала лэндэ, кай вонэ тэ ашэн лэ Иеговастирэ рашая (Исход 29:10, 15, 19; Левит 8:14, 18, 22). Кала о Моисеё па лэ Дэвлэско алав стодя лэ Иисусос Навинос вместо пэстэ, во стодя пэр лэстэ и вас и лэсти о Дэл дя «духо мудрости», через саво во драго моӷ тэ диқэл пала Израилё (Второзаконие 34:9). И вас стонас пэ кодэла, кас блаӷословинас (Бытие 48:14; Марка 10:16). Каринг дэсавэ мануша, савэн о Иисусо исцэлияс, во лэласпэ или столас пэр лэндэ и вас (Матфея 8:3; Марка 6:5; Луки 13:13). Андэ дэсавэ случаёря, кала и апостолоря стонас и вас пэ мануша, лэнди о Дэл дэлас даро о свынто духо (Деяния 8:14—20; 19:6).
(Исход 30:31—33) «Ԥэн лэ израильтянонэнди: „Када авэла важ мандэ о свынто вулей, важ и помазания андэ всаворэ поколении. 32 На мақэн када пэр пэстэ и на терэн нисо, со шолпэ пэ кадэва вулей. Када свынто вулей. Во вся и время авэла свынто важ тумэндэ. 33 Кодэлэс, ко стерэла кацаво жэ вулей и мақэла аврэс, трэбуй тэ умарэн“».
it «Помазание, абз. 10
Помазания, помазанникоря
Андо законо, саво о Иегова дя лэ Моисеёсти, во росԥэндя, со трэбуй тэ авэл андо вулей важ и помазания. Андэ кадэва вулей сас райкано составо и лэстэ сас розлашо запахо. Андэр лэстэ сас мирра, гугли корица, гугло аиро, кассия и аливково вулей (Исход 30:22—25). Если тэ терэн кадэва вулей важ авэр дила, важ када моӷли тэ умарэн (Исход 30:31—33). Када сыкавэлас, пэ скати сас дэ важно и дэ свынто и назначения, сави терэнас, кала мақэнас кадэлэ вулееса.