Васо дэн кодэлэсти, кастэ вся исин?

1, 2. Со о Иегова дя анда вся оди?

О ИЕГОВА кодэва, ко дэл анда вся оди. Вся со амэндэ исин, када лэстар. О сомнак и о руп и кода, со пэ ԥув, вся лэ Иеговаско. Через кода, кай во дэл анда вся оди, пэ ԥув исин жизня (Пс. 104:13—15; Агг. 2:8). Андэ Библия бут разоря росԥэнэнпэ, кала о Иегова поможыяс пэстирэ служителёнэнди через кода, со лэстар жал. И када сас чуда.

² Кала израильтяноря ԥирэнас пэ пустыня, о Иегова 40 бэрш дэлас лэнди манна и паи (Исх. 16:35). Андэ Библия ԥэнэнпэ, кай «лэнди вся хутилэлас» (Неем. 9:20, 21). О Иегова, через о пророко Елисеё, инке стердя чуда. Кай ек ԥивли, сави на парашэлас тэ кандэл лэ Дэвлэс, сас набут вулей. Тоди кадэва вулей ашэля кадя бут, кай вой могла лэс тэ битинэн и тэ отдэл о вужылимос. Ай инке латэ и кай латирэ шавэ ашэлэпэ ловэ важ и жизня (2 Цар. 4:1—7). Кадяжэ о Иегова дя зор лэ Иисусости, кай во тэ стерэл чуда. Во дя о хамос лэ манушэнди и андэ ек время о Иисусо стердя, кай лэндэ тэ авэн ловэ андэ кодэва моменто (Матф. 15:35—38; 17:27).

3. Пала со амэ уӷанаса анда кадэя статья?

³ О Иегова может тэ диқэл и тэ фэрий кода, со во создал. И лэстэ важ када вся исин. Но во всаек камэл, кай лэстирэ служителя тэ дэн, со важ лэндэ куч, кай и дила, сави андэ лэстири организация, тэ жал (Исх. 36:3—7; адиносар Притчи 3:9a). Васо о Иегова камэл, кай амэ кадэлэса тэ сыкавас, кай благодарни лэсти? Сар лэ Иеговастирэ служителя дэлмут дэнас кода, со сас важ лэндэ куч, кай тэ терэн и дила кодэла, ко терэл бари бути андэ лэ Дэвлэско народо? Со лэ Иеговастири организация терэл лэ ловэнца, савэ амэ шас андо ящико?

ВАСО АМЭ КАМАС ВАРИСО ТЭ ДАС ЛЭ ИЕГОВАСТИ?

4. Васо амэ дас и ловэ андэ лэ Иеговасти организация?

⁴ Амэ камас варисо тэ дас лэ Иеговасти, важ кода кай любисарас лэс. Кадяжэ, кай камас тэ сыкавас пэстири благодарность каринг лэстэ. Кати погиндон, скати о Иегова важ амэндэ стердя! Кала о царё Давидо росԥэндя, со трэбуй сас, кай тэ строин о храмо, во ԥэндя, кай вся со лэндэ исин, лэ Иеговастар. Ай инке, кай вонэ могут тэ дэн лэсти кати кода, со о Иегова екжэно лэнди уже дя. (Адиносар 1 Летопись 29:11—14b).

5. Сар и Библия сытярэл, кала тэлювас лэ Иеговасти трэбуй тэ шас ловэ?

⁵ Кода, кай амэ дас, со куч важ амэндэ, амэ сыкавас, кай ценисарас и отдас о почёто лэ Иеговасти. Еқвар о апостоло Иоанно диқля видения. Во диқля, кай кодэла, ко служин лэ Иеговасти по нэбо, хвалин лэс кацавэ алавэнца: «Достойно ту, Иегова, амаро Дэл, тэ прилэс слава, честь и сила, важ кода кай ту вся создал и вся, со ту закамлян, стердо и исин» (Отк. 4:11). Хэба тумэ на гиндон, кай о Иегова затердя о почёто и слава и кай тэ отдас лэсти, со амэндэ май лашо? Через о Моисеё о Иегова приԥэндя лэ народости, саво анда Израилё, тривар андо бэрш тэ стидэнпэ пэ праздникоря. Но израильтяноря на трэбуй сас «тэ авэн англа Дэл шушэ вастэнца» (Втор. 16:16). Андэ амари время амэ кадяжэ тэлювас лэ Иеговасти. И тэ шас ловэ кадяжэ ужал андэ када. Кала амэ дас анда оди, амэ сыкавас, кай амэнди куч лэ Иеговастири организация и камас тэ поможысарас, кай кадэя дила тэ жал.

6. Васо анэн лашимос, кала дэс анда вся оди? (Диқэн и картинка англа статья.)

⁶ Кала амэ дас, трэбуй тэ дас анда вся оди. Найдраго авелоп, кала дэн кати амэнди, ай амэ на дас никасти и нисо. Кадэлэстар амэ на авэса май лашэ. (Адиносар Притчи 29:21c). Дэкала, кала и родителя дэн и ловэ лэ бэятонэнди, и бэятцэ стидэн лэн. Кати погиндон, сар дэ ради и родителя, кала и бэятцэ пэ кадэла ловэ тинэн лэнди подарко. Инке погиндон акэ пала со. Шаво или щей, савэ пионероря, и жувэн лэ родителёнэнца, камэн тэ дэн ловэ, кай тэ тинэн тэ хан и тэ потинэн пала камуналка. Хоть и родителя может и на аштярэнас када лэндар, вонэ закамэна тэ лэн кадэла ловэ лэ бэятонэндар. Кадя и бэятцэ могут тэ сыкавэн, кай ԥэнэн «наис» пэстирэ родителёнэнди пала вся, со вонэ терэн важ лэндэ. Кадяжэ и о Иегова ӷанэн, кала амэ дас, со амэнди куч, када анэн амэнди лашимос.

СО ДЭНАС АНДЭ БИБЛЕЙСКО ВРЕМЯ?

7, 8. Со андэ дэлмутни время дэнас лэ Иеговастирэ служителя а) важ особо дила? б) кай лэ Дэвлэстири дила тэ жал?

⁷ Андэ Библия запистромэ бут разоря, кала лэ Иеговастирэ служителя дэнас, со сас важ лэндэ куч. Дэкала вонэ стидэнас када важ особо дила. О Моисеё ԥэндя лэ народости тэ дэн пэстар, кай тэ стидэн и свынто катуна, ай о Давидо, кай тэ строий о храмо (Исх. 35:5; 1 Лет. 29:5—9). Кала правияс о царё Иоаса и рашая динэ и ловэ, кай тэ стерэн о ремонто андэ лэ Иеговаско цэр. Кадэла ловэ уже сас стидэ (2 Цар. 12:4, 5). И христианоря андэ пэрво вико уӷанглэ, кай андэ Иудея лэ ԥралэндэ и лэ ԥэяндэ анда собрания сас боқалимос. Вонэ закамлэ тэ поможын лэнди и «тэ бишалэн, ко скати может» (Деян. 11:27—30).

⁸ Инке, лэ Иеговастирэ служителя дэнас, со лэнди куч кодэлэнди, ко терэлас бут дила андэ лэ Дэвлэско народо. Па лэ Моисеёско законо лэ левитонэнди на дэнас и пай, сави дэнас аврэнди. Важ када израильтяноря дэнас десято часть лэ левитонэнди. Через када вонэ могли май бут тэ терэн лэ Иеговастири дила андэ свынто катуна (Чис. 18:21). Ай май интя о Иисусо и лэстирэ апостолоря слинэ фартэ благодарни лэ манушнянди, савэ анда вся оди «служинас лэнди, кала дэнас, со лэндэ сас» (Луки 8:1—3).

9. Со андэ дэлмутни время дэнас пэстар лэ Иеговастирэ служителя?

⁹ Со андэ дэлмутни время дэнас пэстар? Кай тэ стидэн и свынто катуна, израильтяноря анэнас, со линэ пэса анда Египто (Исх. 3:21, 22; 35:22—24). Андэ пэрво вико дэсавэ христианоря битинэнас пэстирэ цэра, маля и авэр хабэ и анэнас кадэла ловэ лэ апостолонэнди. И апостолоря дэнас кадэла ловэ кодэлэнди, касти вонэ фартэ трэбуй сас (Деян. 4:34, 35). Авэр христианоря отстонас и ловэ, кай тэ на промэкэн тэ дэн лэн (1 Кор. 16:2). Кай тэ потинэн пала кода, со сас трэбуй, и ловэ могли тэ дэн кодэла, и ко барвалэ и ко най (Луки 21:1—4).

ДЭН ЛОВЭ АНДЭ АМАРЭ ДЕСА, КАЙ ТЭ ЖАЛ ЛЭ ДЭВЛЭСТИРИ ДИЛА

10, 11. а) Сар амэнди тэ терас кадя, сар лэ Иеговастирэ служителя, савэ жувэнас андэ дэлмутни время и дэнас анда вся оди? б) Со тумэндэ по ди, кала тумэ шон ловэ, кай тэ жал лэ Иеговастири дила?

¹⁰ Адес кадяжэ трэбуй тэ шон ловэ пэ особо дила или кай тэ стерэн кода, со загиндосардэ. Када, кай тэ строин важ тумэндэ нэво зало, кай тидэнпэ лэ Иеговастирэ свидетеля или андо зало трэбуй ремонто. Кадяжэ трэбуй тэ шон и ловэ, кай тэ пэрэстерэн варисо андо филиало или кай тэ прожан и конгрессоря. Дэкала и ԥрала амэнди ԥэнэн, кай лэ ԥралэнди и лэ ԥэянди, савэ попэлинэ андо урагано, землетрясения или инке андэ варисави бида, трэбуй тэ поможысарас. Кадяжэ пэ амарэ ловэ, савэ амэ шас андо ящико, скромно жувэн андэ главно управления и андэ филиалоря, савэ исин па вся ԥув. Важ кода кай амэ дас анда вся оди, и миссионероря, специальни пионероря и районни надзиратели на парашэн кадя тэ служин. Тумари собрания кадяжэ витидя тэ отбишалэн и ловэ, кай тэ строин и залоря, кай тидэнпэ лэ Иеговастирэ свидетеля и Залоря важ конгрессоря, савэ пэ вся ԥув.

¹¹ Кажно андар мэндэ может тэ дэл, со важ лэстэ куч, кай андэ послидни деса тэ жал лэ Дэвлэстири дила. Нико на ӷанэн скати амэ дас. Амэ шас ловэ андо ящико, кай прожал и собрании. Амэнди может тэ здэлпэ, кай кода, скати амэ шас ловэ, када найбут. И ловэ стидэнпэ бут кодэлэстар, кай и мануша по набут шон, ай най кодэлэстар, кай шон бут. Амарэ ԥрала, даже савэ фартэ скромно жувэн, сытён кай и христианоря, савэ жувэнас андэ Македония. Вонэ на диқэнас, кай лэндэ екжэнэндэ почти нисо на сас. Кода, со вонэ дэнас, сас анда оди, и вонэ фартэ мангэнас «кай тэ авэл лэндэ честь, тэ дарин» (2 Кор. 8:1—4).

12. Со терэл лэ Иеговастири организация, кай май драго тэ тратий и ловэ важ лэ Дэвлэсти дила?

¹² Кала о Руководящё совето витидэл, каринг тэ дэл кодэла ловэ, во на парашэл тэ диқэл пэ када лэ Иеговастирэ яқэнца и тэ терэл када годявэрнэс. Май англал вонэ мангэнпэ лэ Иеговасти (Матф. 24:45). Вонэ драго гиндон, каринг тэ бишалэн и ловэ (Луки 14:28). Андэ библейско время слинэ кодэла, касти динэ тэ диқэн, каринг трэбуй тэ бишалэн и ловэ. Вонэ диқэнас, кай и ловэ тэ бишалэн кати кордэ, кай вонэ фартэ трэбуй сас. О Ездра, кала рияспэ андо Иерусалимо, андярэлас о сомнак и о руп и авэр варисо, со ашэлас куч. Када дя о персидско царё и ашэлас фартэ куч. Андэ амари время, када 100 миллионоря долларов США. Пэ кадэва дром вонэ трэбуй сас тэ фэринпэ, кай тэ на одлэн о барвалимос. О Ездра полэлас, кай кадэла подаркоря слинэ важ о Иегова. Важ када о Ездра витидя лэ манушэн, кай вонэ тэ фэрин кода, со андярэнас (Езд. 8:24—34). О апостоло Павло стидэлас и ловэ важ и ԥрала, савэ жувэнас андэ Иудея и савэндэ сас ԥарэс лэ ловэнца. Во диқэлас, кай кодэла, ко андя и ловэ андэ Иудея, тэ роздэн лэн кажнонэсти скати трэбуй. И кай вонэ кадя тэ стерэн «най кати англа Иегова, но и англа мануша». (Адиносар 2 Коринфянам 8:18—21d). Кадя терэнас андэ время, кала жувэнас о Ездра и о Павло. Важ када и андэ амари время андэ лэ Иеговастири организация драго диқэн, каринг тэ бишалэн и ловэ.

13. Васо бут со парудэ андэ лэ Иеговастири организация?

¹³ Дэкала лэ еренди прижалпэ тэ пэрэдиқэн и ловэ, кала вонэ тратин май бут, чем затерэн. Или, кала о ери витидэл тэ жувэн май просто, кай май бут тэ служин лэ Иеговасти. Кацаво же и андэ лэ Дэвлэстири организация. Найдэлмут сас бут нэвэ особи дилы, и времяса сас кацаво, кай май бут тратисардэ, чем стидэ. Лэ Дэвлэстири организация, май мало ля тэ тратий и ловэ и май мало ля тэ терэл кода, пар со можно тэ росԥэнас пала Дэл. И организация кадя терэл, кай пэ ловэ, савэ амэ шас, вонэ могли май бут, со тэ стерэн.

ПЭР СО ЖАН И ЛОВЭ, САВЭ ТУМЭ ШОН?

14—16. а) Со терэн лэ ловэнца, савэ тумэ шон? б) Саво лашимос када тумэнди анэн?

¹⁴ Бут мануша, савэ бут время уже служин лэ Иеговасти ԥэнэн, кай акана лэ Иеговастири организация диқэл пала лэндэ, сар никала. Кати погиндон, андэ послидни бэрша лэ Иеговастирэ свидетеля линэ май бут тэ зажан по интернет-ресурсо. «Нэвэ мироско переводо» вимэкэн пэ май бут шыба. Андо 2014 и 2015 бэрш сас трехдневно конгрессо, пэ саво авелэ и мануша анда разни страны. Лэстэ сас названия «На парашэн, кай лэ Дэвлэско царство тэ тердёл тумэндэ пэ пэрво ҭан!» Во прожыля андэ 14 фороря пэ барэ стадионоря. Кодэла, ко сас котэ, сас фартэ ради!

¹⁵ Бут ԥрала и ԥэя благодарин лэ Иеговас, со важ лэндэ терэл лэстири организация. Акэ со ек ери, саво служий андэ Азия, пистросардя пала амари телевидения: «Амэ росԥэнас важ о Дэл андэ найбарэ фороря. И дэкала амэндэ по ди, кай амэ кабута фартэ дур лэ ԥралэндар и лэ ԥэяндар. Через када амэ можем тэ бистрас, сави бари дила терэл лэ Иеговастири организация. Ай амари телевидения поможый амэнди тэ сэрас, кай всаворэ амэ, сар ек ери. Лэ катутнэ ԥралэнди и ԥэянди кадяжэ фартэ чалёл амари телевидения. Амэ най еқвар ашунас лэндар, кай кала вонэ диқэн амари телевидения, саво вижал еқвар андо шон, вонэ лэ одеса полэн, кай ашэн май пашэ каринг о Руководящё совето. Акана вонэ абурон кодэлэса, кай вонэ андэ лэ Дэвлэстири организация!»

¹⁶ Андэ амари время па вся ԥув строинпэ залоря, кай тидэнпэ лэ Иеговастирэ свидетеля. Кадяжэ терэн барэ ремонторя андэр лэндэ. Кацавэ ремонторя прожан андэ две тысячи пятьсот залоря. И ԥрала и ԥэя анда ек собрания андо Гондурасо, савэ акана стидэнпэ андо нэво зало, пистросардэ: «Сар драго тэ авэс андэ лэ Иеговаско ери! Амэндэ кадя бут ԥрала и ԥэя па вся ԥув! Вонэ поможысардэ, кай амэндэ тэ авэл кода, пала со амэ кати гиндосарасас, кай амэндэ тэ авэл амаро зало!» Бут ԥрала и ԥэя фартэ благодарни пала Библия и пала литература, сави вонэ могут тэ адинон пэ пэстири шыб. Кадяжэ, кай поможысардэ после кода, кала вонэ попэлинэ андо урагано, землетрясения или инке андэ варисави бида. Инке лэнди чалёл кода, сар ашунэн важ о Дэл котэ, кай стидэнпэ бут мануша.

17. Васо амэ патяс, кай када о Иегова поможый тэ жал и дила андэ лэстири организация?

¹⁷ И мануша, савэ най лэ Иеговастирэ свидетеля нащи полэн, кай вся, со пистромэ сас май упрэ, терэн пэ ловэ, савэ и мануша шон андо ящико. Еқвар о баро мануш анда ек компания сас котэ, кай терэн амари литература. Во дя наздив, кай котэ кати и добровольцоря, савэ вся терэн пэ ловэ, савэ и мануша дэн пэстар. И котэ нико на стидэл и ловэ, кай кадэя дила тэ жал. Па лэстирэ алава, со амэ терас, и мануша никала на стерэна. И амэ када ӷанас. Вся кадэя дила жал, важ кода кай о Иегова поможый (Иов 42:2).

СО АМЭНДИ ДЭЛ КОДА, КАЙ ДАС ЛЭ ИЕГОВАСТИ?

18. а) Саво лашимос тутэ авэла, кала ту дэс помощь андэ лэ Иеговастири дила? б) Сар ту можешь тэ сытярэс пэстирэ бэятонэн и кодэлэн, ко сытёл па Библия, тэ терэн кадяжэ?

¹⁸ О Иегова дя амэнди, кай амэ тэ терас лэстири дила важ о Царство. Када важ амэндэ бари честь! Во ԥэнэн, кала амэ када терас, тоди во дэла амэнди бут лашимос (Мал. 3:10). О Иегова дэл алав, кай о мануш, саво дэл анда вся оди, лэстэ авэла вся драго. (Адиносар Притчи 11:24, 25e). Кала амэ дас анда вся оди, кадэлэстар амэ ашас май бахталэ, важ кода кай «Май бари бах, кала дас, чем кала лас» (Деян. 20:35). Пэстирэ алавэнца и пэстиря диласа амэ поможысараса пэстирэ бэятонэнди и кодэлэнди, кас амэ сытярас па Библия тэ полэн, кай вонэ кадяжэ могут тэ терэн кода, кай тэ жал и дила важ о царство. И кадяжэ, кай када анэн бут лашимос.

19. Со тумэ камэн тэ терэн после кода, со уӷанглэ анда кадэя статья?

¹⁹ Вся со амэндэ исин, када лэ Иеговастар. Кала амэ дас пэстар, амэ сыкавас, кай любисарас лэс и ценисарас, со во важ амэндэ стердя (1 Лет. 29:17). Кала о израильско народо дэнас, со сас важ лэндэ куч, кай тэ строин о храмо, вонэ «радосавэнас... важ кода кай, када дэнас важ о Иегова анда вся оди» (1 Лет. 29:9). На парашэн тэ родэн кода, со дэл радость и терэл драго по ди, кала дэн лэ Иеговасти кода, со во тумэнди дя!