12. Домардюв кода, со камэс

ВАСО?

Кала варисо камэс тэ домардёс, трэбуй най кати тэ гиндос пала кода, со камэс. Трэбуй тэ погиндос, сар лэса када тэ терэс. Кай тэ на умэкэс и вас, сар варисо на вижал, погиндосар со тэ стерэс, кай тэ вижал и присто май бут зор.

Исин дила, пэ сави ужал время, дэсавэ деса или курко, ай исин, пэ савэ ужан шона, ай инке исин, пэ савэ ужал май бут бэршэстар. Через най бари дила, можно тэ домардёс, кай тэ стерэс и бари дила.

ВАСО КАДА ВАЖНО?

Кала домардёс кода, со загиндосардян, када поможый май фартэ тэ патяс андэр пэстэ, тэ авэс май пашэ лэ друӷонэнца и тэ ашэс май бахтало.

Патя андэр пэстэ. Кала ту загиндосардян най бари дила и стердян ла, через када ту додиқэса, кай можэш тэ стерэс и май бари дила. Када кадяжэ поможый тэ виритярэс о ԥаримос, саво исин кажно дес. Ек анда када, кала пэр тутэ тасавэн и ровэсникоря.

Лашо друӷо. Всаворэнди чалёл тэ дружын лэ манушэнца, савэ ӷанэн, со камэн и терэн вся, кай лэндэ тэ авэл кадэва лашимос. Кай и дружба тэ авэл май лащи, трэбуй вмести тэ жан каринг кода, со загиндосардэ.

Бах. Кала домардёс кода, со загиндосардян, тоди драго по ди кодэлэстар, кай вся стердян.

«Манди чалёл варисо тэ загиндосарав и тэ жав каринг када. Тоди мэ ӷанав, кай мандэ исин дила и исин каринг со тэ жав. Кала диқав пэ кода, со мэ ужэ стердэм манди кадя драго по ди, мэ ԥэнав: „Нисо пэсти! Мандэ вся вижыля!“» (Кристоферо).

БИБЛЕЙСКО ПРИНЦЫПО. «Кодэва, ко следий пала балвал, никала на сеия, и ко диқэл пэ тучи, никала на стидэла о уражаё» (Экклезиаст 11:4).

СО МОЖНО ТЭ СТЕРЭС?

Кода, со катэ запистромэ, поможыя тути тэ жас каринг кода, со ту загиндосардян.

Полэ, со ту камэс тэ домардёс. Пистросар кода, со камэс тэ домардёс и кода, со май важно, пистросар пэрво.

Погиндосар, сар тэ домардёс кода, со ту камэс. Сар варисостэ тэ лэспэ тэ стерэс, стер акэ со

• полэ, скати время тути трэбуй пэ кода, кай тэ домардёс, со загиндосардян.

• полэ, со лэса тэ терэс.

• пистросар кода, со тутэ можэт тэ на вижал и сар можно када тэ обжас.

Тер варисо. На обгиндосар кажно мелочь. Пуш пэстар: «Со пэрво трэбуй тэ стерав, кай тэ домардював кода, со манди трэбуй?» и потом варисо тер. Сар варисо стердян, пистросар, со тутэ ужэ вижыля.

БИБЛЕЙСКО ПРИНЦЫПО. «Кодэла, ко старыинпэ тэ стерэн, лэндэ вся вижала» (Притчи 21:5).