Ӷлавно, пала со жал и дума андэ Библия, када пала лэ Дэвлэско Царство. Через кадэва Царство о Иегова стерэла раё пэ вся и ԥув. Ай со када Царство? Катар амэ ӷанас, кай во ужэ правий? Со стердя кадэва Царство? И со во стерэла англэ? Пала када ту уӷанэса анда кадэя и анда авэр ӷлавы.

1. Со када лэ Дэвлэско Царство и ко андэр лэстэ Царё?

Царство, када правительство, саво стодя о Дэл о Иегова. Царё андэ кадэва Царство о Иисус Христос, саво правий па нэбо (Матфея 4:17; Иоанна 18:36). Андэ Библия пистромэ, кай лэстири правления на парашэла никала (Луки 1:32, 33). О Иисусо, Царё андэ лэ Дэвлэско Царство, лэла тэ правий па нэбо понад всаворэ мануша, савэ жувэн пэ ԥув.

2. Ко правий лэ Иисусоса?

О Иисусо правий най екжэно. Вмести лэса лэна тэ правин ла ԥувьяса «и мануша анда всаворэ племена, нацыи и народоря» (Откровение 5:9, 10). Скати лэн авэла? Ла времятар, кала о Иисусо жувэлас пэ ԥув, христианонэнца ашэлэ милионоря мануша. Но кати 144 тысячи андар лэндэ жана по нэбо, кай тэ правин лэ Иисусоса. (Адиносар Откровение 14:1—4.) Ай авэр христианоря лэна тэ жувэн пэ ԥув тала лэ Дэвлэско Царство (Псалом 37:29).

3. Соса лэ Дэвлэско Царство май лашо, чем и правительства кай и мануша?

Дажэ если и мануша старыинпэ тэ терэн варисо лашо, лэндэ на вижал тэ стерэн вся, со вонэ камэн. Прожал время и вместо лэндэ авэн авэр, савэ гиндон кати пала пэстэ и на камэн тэ поможын лэ манушэнди. Но о Иисусо, сар Царё андэ лэ Дэвлэско Царство, лэла тэ правий вся и время, и лэс нико никала на парувэла. О Дэл стола Царство, саво «никала на авэла розмардо» (Даниил 2:44). О Иисусо лэла тэ правий всаворя ԥувьяса. О Иисусо на лэла тэ диқэл, саво о мануш пар пэстэ, во любий, во добро и справедливо, и кадяжэ во поможыя, кай и мануша тэ авэн кацавэ жэ, сар во. (Адиносар Исаия 11:9.)

4. Всаворя ԥувьяса лэла тэ правий со май зорало правительство

Кай о Иисусо май бут зор и власть, чем варикастэ кай и правителя анда мануша. Адиносарам Матфея 28:18 и подам дума пала вопросо, саво май тэлэ.

• Андэр со о Иисусо май лашо правителё, чем авэр?

И правителя, савэ кай и мануша, часто парудён, и кажно правий кати пэ пэсти ԥув. Ай со можно тэ ԥэнэс пала лэ Дэвлэско Царство? Адиносарам Даниил 7:14 и подам дума пала вопросоря, савэ май тэлэ.

• Васо драго кода, кай лэ Дэвлэско Царство «на авэла розмардо»?

• И васо драго, кай во лэла тэ правий всаворя ԥувьяса?

5. Трэбуй тэ парувэн лэ манушэндирэ правительства

Васо лэ Дэвлэско Царство парувэла манушыканэ правительства? Диқам о ВИДЕО и подам дума пала вопросо, саво посли видео.

ВИДЕО: «Со када лэ Дэвлэско Царство?» Набут анда видео (1:41)

• Каринг со андя и манушыкани правления?

Адиносарам Экклезиаст 8:9 и подам дума пала вопросоря, савэ май тэлэ.

• Гиндос ту, кай лэ Дэвлэско Царство трэбуй тэ парувэл и манушыканэ правительства пэ пэстири правления? Васо ту кадя гиндос?

6. Андэ лэ Дэвлэско правительство авэна кодэла, ко амэн полэн

О Иисусо, амаро Царё, сас пэ ԥув, и важ када во «можэт тэ жалуий амэн андэ амаро ԥаримос» (Евреям 4:15). Всаворэ 144 000 мурша и жувля, савэ кандэн лэ Дэвлэс, лэна тэ правин лэ Иисусоса. Када авэна и мануша «анда всаворэ племена, нацыи и народоря». Лэн витидэл екжэно о Иегова (Откровение 5:9).

• Ашэл тути май вушэро по ди кодэлэстар, кай о Иисусо и всаворэ, ко лэна тэ правин лэса, полэн, сави жызня кай и мануша? Через када ту лэс май фартэ патяс андэ лэ Дэвлэско Царство? Росԥэн.

7. Андэ лэ Дэвлэско Царство со май лашэ законоря

И законоря, савэ исин андэ страны, стодэ, кай тэ фэрин лэ манушэн, савэ котэ жувэн. Кай лэ Дэвлэско Царство кадяжэ исин законоря, и кодэла, ко жувэн тала лэстири правления, трэбуй тэ жувэн па кадэла законоря. Адиносарам 1 Коринфянам 6:9—11 и подам дума пала вопросоря, савэ май тэлэ.

• Сар паруделоп вся андэ люма, если и мануша тэ жувэн па лэ Дэвлэско законо?a

• Сар па тирятэ, правильно, кай о Иегова камэл, кай лэстирэ мануша тэ ритярэн и законоря, савэ кай лэско Царство? Росԥэн.

• Андар со дицол, кай и мануша, савэ инке на жувэн па лэ Дэвлэско законо, моӷут тэ парудён? (Диқэн о стихо 11.)

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай лэ Дэвлэско Царство па чачимастэ исин упрэ по нэбо. И во лэла тэ правий всаворя ԥувьяса.

Сар ту гиндос?

• Ко лэла тэ правий андэ лэ Дэвлэско Царство?

• Васо лэ Дэвлэско Царство май лашо, чем и манушыканэ правительства?

• Со о Иегова аштярэл кодэлэндар, ко авэла тала лэско Царство?

ДИК ИНКЕ

Кай находийпэ лэ Дэвлэско Царство па кода, со ԥэндя о Иисусо?

«Чаче лэ Дэвлэско Царство андо ди кай о мануш?» (статья по сайто)

Васо лэ Иеговастирэ свидетеля подритярэн кати лэ Дэвлэско Царство?

«Вонэ подритярэн ек лэ Дэвлэско Царство» (1:43)

Уӷан, со андэ Библия пистромэ важ и мануша, савэн о Иегова витидя, кай вонэ тэ правин лэ Иисусоса.

«Ко жала по нэбо?» (статья по сайто)

Васо ек манушни, савя стодэ андо баруно, патяя, кай кати о Дэл стерэла кадя, кай вся тэ авэл справедливо?

«Мэ уӷанглэм, кай англэ авэла справедливо» (Журнало «Прошонпэ!» важ о ноябрё пала 2011 бэрш)

Лэ Дэвлэско Царство ля тэ правий по нэбо андо 1914 бэрш. Андэ кадэя жэ время залинэпэ и послидни деса важ и правительства, савэ пэ ԥув. Катар амэ када ӷанас? Роздиқаса дэсавэ пророчества анда Библия, ай кадяжэ кода, сар паруделэ и мануша и вся, со андэ люма лэ 1914 бэршэстар.

1. Со сыкавэн и библейски пророчества?

Андэ Даниила пистромэ, кай лэ Дэвлэско Царство трэбуй тэ лэл тэ правий тоди, кала кончияпэ и время, пэ сави ԥэнэн «семь времён» (Даниил 4:16, 17). Прожылэ бут викоря и о Иисусо ԥэндя, кай пэ кадэла семь времён инке ԥэнэн «и время, сави стоди важ и народоря» и вой инке на кончисайля (Луки 21:24). Амэ уӷанаса, кай и семь времён кончисайлэ андо 1914 бэрш.

2. Сар лэ 1914 бэршэстар вся паруделя?

И апостолоря пушлэ кай о Иисусо: «Со сыкавэла, кай ту упалэ паша амэндэ, и кала авэла конец кадэла времяти, андэ сави амэ жувас?» (Матфея 24:3). О Иисусо драго росԥэндя, со терэлапэ пэ ԥув, кала во лэла тэ правий по нэбо сар Царё андэ лэ Дэвлэско Царство. Во ԥэндя, кай авэна войны, боқалимос и землетрясении. (Адиносар Матфея 24:7.) Андэ Библия кадяжэ ԥэнэнпэ, кай «андэ послидни деса» и мануша андярэна пэс кадя, кай «авэла фартэ ԥари время» (2 Тимофею 3:1—5). Дицол, кай лэ 1914 бэршэстар фартэ вся паруделя.

3. Васо посли кода, сар ля тэ правий лэ Дэвлэско Царство, андэ люма вся ашэля май хужэ?

Важ кода кай о Сатана «сас сшуто пэ ԥув, и лэса слинэ сшутэ лэстирэ анӷелоря» (Откровение 12:9, 10, 12). О Иисусо када стердя, кала ашэля Царёса андэ лэ Дэвлэско Царство. Во ля тэ марэлпэ по нэбо лэ Сатанаса и лэ найвужэнца. О Сатана процэлдя кадэя война. Во ӷанэн, кай ӥто лэс умарэна, и важ када во фартэ холинако. Вижал, через када во камэл тэ терэл вся, кай лэ манушэнди тэ авэл май ԥарэс и май вэрыто. Када поможый амэнди тэ полас, васо и жызня кацави дэ ԥари. Но лэ Дэвлэско Царство вся када улэла.

УӶАНАМ МАЙ БУТ

4. Па Библия дицол, кай и время сыкавэл по 1914 бэрш

ВИДЕО: «Андо 1914 бэрш лэ Дэвлэско Царство ля тэ правий» (5:02)

Дэлмут андо Вавилоно сас царё Навуходоносоро. О Дэл дя лэсти суно, андэ саво во сыкадя, со авэла англэ. О Даниило росԥэндя, со сыкавэл кадэва суно, и кай кадэва суно пашол най кати кай о Навуходоносоро, ай кадяжэ и каринг лэ Дэвлэско Царствоa. (Адиносарам Даниил 4:17.)

Адиносарам Даниил 4:20—26 и диқам и таблица пэ авэр страница, сави поможыя тэ подас дума пала вопросоря, савэ катэ.

• 1. Саво суно диқля о Навуходоносоро? (Диқэн о стихо 20 и 21.)

• 2. Со трэбуй сас тэ авэл ла виткаса? (Диқэн о стихо 23.)

• 3. Со трэбуй сас тэ авэл, кала лэна тэ кончинпэ и семь времён? (Диқэн о стихо 26.)

Сар поджал о суно пала витка каринг лэ Дэвлэско Царство?

ПРОРОЧЕСТВО (Даниил 4:20—36)

Правияс

1 Розбари витка

Парашэля тэ правий

2 «Сшынэн и витка», и мэк «прожана семь времён»

Упалэ правий

3 «Тути рияпэ тиро царство»

Андэ время, кала пэрво разо стердяпэ кадэва пророчество

• 4. Со сыкавэлас и витка? (Диқэн о стихо 22.)

• 5. Сар о царё Навуходоносоро парашэля тэ правий? (Адиносарам Даниил 4:29—33.)

• 6. Со сас кадэлэ царёса, кала линэ тэ кончинпэ и семь времён? (Адиносарам Даниил 4:34—36.)

КОДА, СО ТЕРДЯПЭ ПЭРВО

Правияс

4 О Вавилонско царё о Навуходоносоро

Парашэля тэ правий

5 Посли 606 бэрш жы кай о Иисусо, о Навуходоносоро сжыля па годи и нэ моӷ тэ правий семь лет

Упалэ правий

6 О Навуходоносоро авэл каринг пэстэ и упалэ лэл тэ правий

Андэ время, кала дуйто разо стердяпэ кадэва пророчество

• 7. Со сыкавэлас и витка? (Адиносарам 1 Летопись 29:23.)

• 8. Сар парашэлэ тэ правин кадэла царёря? Катар амэ ӷанас, кай вонэ на рисардэ пэстири правления, кала о Иисусо жувэлас пэ ԥув? (Адиносарам Луки 21:24.)

• 9. Кала и кай рисардэ и правления?

КОДА, СО ИНКЕ ТЕРДЯПЭ

Правияс

7 О Дэл правияс через израильски царёря

Парашэля тэ правий

8 О Иерусалимо розмардо и израильски царёря парашэлэ тэ правин. Вонэ на правинас 2 520 лет

Упалэ правий

9 О Иисусо лэл тэ правий по нэбо сар Царё андэ лэ Дэвлэско Царство

5. И люма фартэ паруделя лэ 1914 бэршэстар

Диқам о ВИДЕО.

ВИДЕО: «И жызня паруделя лэ 1914 бэршэстар» (1:10)

О Иисусо ԥэндя, со авэла тэ терэлпэ андэ люма посли кода, сар во ашэла Царёса. Адиносарам Луки 21:9—11 и подам дума пала вопросо, саво май тэлэ.

• Со ту диқлян пэстирэ яқэнца или ашундян пала кода, со пистромэ андэ кадэла стихоря?

О апостоло Павло росԥэндя, савэ авэна мануша андэ послидни деса. Адиносарам 2 Тимофею 3:1—5 и подам дума пала вопросо, саво май тэлэ.

• Диқэс ту, кай адес и мануша андярэн пэс кадя?

6. Лэ Дэвлэско Царство ужэ правий. Тер варисо!

Адиносарам Матфея 24:3, 14 и подам дума пала вопросоря, савэ май тэлэ.

• Па сави дила адес дицол, кай лэ Дэвлэско Царство ужэ правий?

• Сар ту можэш тэ терэс кадэя жэ дила?

Лэ Дэвлэско Царство ужэ ля тэ правий и ӥто авэла кодэва дес, кала во правия всаворя ԥувьяса и вся лэла андэ пэстирэ вас. Адиносарам Евреям 10:24, 25 и подам дума пала вопросо, саво май тэлэ.

• Со ту трэбуй тэ терэс, кала диқэс, «кай пашол кодэва дес»?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай и пророчества анда Библия и вся, со терэлпэ андэ люма, сыкавэн, кай лэ Дэвлэско Царство ужэ правий. Амэ сыкавас, кай патяс кадэлэсти, кала росԥэнас пала када аврэнди и кала ԥирас пэ собрания.

Сар ту гиндос?

• Со тердяпэ, кала кончисайлэ и семь времён, пала савэ сас ԥэндо андэ книӷа Даниила?

• Васо ту патяс, кай лэ Дэвлэско Царство ля тэ правий андо 1914 бэрш?

• Сар ту можэш тэ сыкавэс, кай патяс андэ кода, кай лэ Дэвлэско Царство акана правий?

ДИК ИНКЕ

Дик, со ԥэнэн и учони и авэр мануша пала кода, сар паруделя вся андэ люма лэ 1914 бэршэстар.

«Вся фартэ паруделя андэ найлащи риг» (Журнало «Прошонпэ!» важ о апрелё пала 2007 бэрш)

Сар паруделя и жызня кай ек мурш, кала во уӷангля пала пророчество, саво запистромэ андэ Матфея 24:14?

«О бейсболо сас важ мандэ по пэрво ҭан!» («Сторожэво башня» № 3 пала 2017 бэрш)

Катар амэ ӷанас, кай андо пророчество, саво запистромэ андэ Даниила 4 ӷлава, ԥэнэнпэ пала лэ Дэвлэско Царство?

«Кала лэ Дэвлэско Царство ля тэ правий? (часть 1)» («Сторожэво башня» важ о 1 октябрё пала 2014 бэрш)

Васо можно тэ ԥэнас, кай и семь времён, пала савэ ԥэнэнпэ андэ Даниила, кончисайлэ андо 1914 бэрш?

«Кала лэ Дэвлэско Царство ля тэ правий? (часть 2)» («Сторожэво башня» важ о 1 ноябрё пала 2014 бэрш)

Лэ Дэвлэско Царство ужэ правий. Ӥто во парувэла вся пэ ԥув. Уӷан, со стерэла кадэва Царство и саво лашимос кадэлэстар тутэ авэла.

1. Сар через лэ Дэвлэско Царство пэ ԥув авэла мирно и справедливо?

Андэ война Армагеддоно о Иисусо сар Царё андэ лэ Дэвлэско Царство улэла лэ манушэндирэ правительства и лэ найлашэ манушэн (Откровение 16:14, 16). Тоди авэла кадя, сар сас пистромэ андо Псалом 37:10: «Инке найбут, и найлашэ манушэс будэр на авэла». Через о Царство о Иисусо стерэла, кай пэ вся и ԥув авэла мирно и справедливо. (Адиносар Исаия 11:4.)

2. Сави авэла жызня, кала пэ ԥув авэла кадя, сар камэл о Дэл?

Кала правия лэ Дэвлэско Царство, тоди «кодэлэнди, ко кандэн лэ Дэвлэс, ашэлапэ и ԥув и вонэ жувэна пэр латэ вечно» (Псалом 37:29). Прецтавь пэсти и люма, кай нико на насвавэл, и всаворэ мануша жувэн вечно. Котэ кати ек о лашо миро, и всаворэ вонэ любин лэ Иеговас и полэн ек еқэс!

3. Со стерэла лэ Дэвлэско Царство, сар улэла лэ найлашэ манушэн?

Посли кода, сар о Иисусо улэла лэ найлашэ манушэн, во авэла Царёса инке тысяча лет. Андэ кадэя время во и 144 000, савэ правина лэса, поможына лэ манушэнди тэ ашэн совершэни, када кай тэ на авэн бэзэхэстирэ. И при концэ андэ кадэя жэ время, пэ ԥув авэла шукарно раё, кай жувэла о бахтало народо, саво кандэл лэ Дэвлэс. Посли када о Иисусо рия и власть пэстирэ Дадэсти, лэ Иеговасти, и всаворэ додиқэна, кай лэско алав свынто (Матфея 6:9, 10). Тоди во умарэла лэ Сатанас, лэ бэнгэн и кодэлэн, ко жала против лэстэ (Откровение 20:7—10). Лэ Дэвлэско Царство стерэла вся важ и ԥув, кай пэр латэ тэ авэл лащи жызня, пэ вся и время! И вся када сыкавэла, кай о Иегова лашо правителё и диқэл пала пэстирэ тварении.

УӶАНАМ МАЙ БУТ

4. Лэ Дэвлэско Царство улэла всаворэ правительства, савэ кай и мануша

Андэ Библия запистромэ, кай кала о мануш хулаий пэ авэр мануш, када на анэн лашимос (Экклезиаст 8:9). Через пэско Царство о Иегова рия лэ манушэнди вся, со вонэ хасардэ, и стерэла, кай вся тэ авэл справедливо.

Адиносарам Даниил 2:44 и 2 Фессалоникийцам 1:6—8 и подам дума пала вопросоря, савэ май тэлэ.

• Со о Иегова и лэско Шаво о Иисусо стерэна кодэлэнца, ко правин, и ко лэн подритярэн?

• Сар кода, кай ту ужэ ӷанэс пала Иегова и пала Иисусо, поможый тути тэ патяс, кай вонэ лэна тэ правин справедливо?

5. О Иисусо со май лашо правителё

О Иисусо, царё андэ лэ Дэвлэско Царство, во лэла тэ поможый лэ народости андэ вся. Диқам о ВИДЕО и уӷанам, кай о Иисусо фартэ камэл тэ поможый лэ манушэнди и лэстэ исин пэ када зор.

ВИДЕО: «О Иисусо сыкадя, со стерэла лэ Дэвлэско Царство важ и мануша» (1:13)

Кала о Иисусо сас пэ ԥув, во терэлас чудеса. Када сыкавэл, со во лэла тэ терэл, кала ашэла Царёса андэ лэ Дэвлэско Царство. Со ту аштярэс май фартэ анда кода, со ԥэнэнпэ май тэлэ? Адиносарам всаворэ стихоря, савэ катэ исин.

6. И мануша авэна бахталэ, важ кода кай лэла тэ правий лэ Дэвлэско Царство

ВИДЕО: «Англэ авэла райкани жызня!» (4:38)

Адиносарам Псалом 145:16 и подам дума пала вопросо, саво май тэлэ.

• Со тутэ по ди кодэлэстар, кай о Иегова дэла «кажнонэсти вся, со во камэл»?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай лэ Дэвлэско Царство стерэла кода, со загиндосардя о Дэл. И кала во лэла тэ правий, вся и ԥув ашэла раё, кай жувэна ек и лашэ мануша, савэ тэлёна лэ Иеговасти вся и вечность.

Сар ту гиндос?

• Сар через лэ Дэвлэско Царство и мануша додиқэна, кай лэ Иеговаско алав свынто?

• Савэ стихоря анда Библия доԥэнэн, кай лэ Дэвлэско Царство стерэла вся, пала со о Дэл дя алав?

• Со ту аштярэс май фартэ анда кода, со обещяет о Дэл?

ДИК ИНКЕ

Уӷан, со када Армагеддоно.

«Со када война Армагеддоно?» (статья по сайто)

Уӷан пала кода, со авэла андэ время, пэ сави о Иисусо ԥэндя «бари бида» (Матфея 24:21).

Что такое великое бедствие?» (вэб-статья)

Дик, сар и взросли, кадяжэ и бэяцэ прецтавляют пэс андо раё пэ ԥув.

«Прецтавь пэс андо раё» (1:50)

Уӷан, сар ек мануш, саво сас приступнико, паруделя, кала ля тэ адиной и Библия. Дик и статья «Мэ загиндосававас пала бут вопросоря».

«Библия парувэл и жызня» («Сторожэво башня» важ о 1 январё пала 2012 бэрш)