На тер, кай лэ ԥралэнди и лэ ԥэянди тэ авэл ԥарэс по ди

1. Со о Иегова стердя важ кажно андар мэндэ?

О ИЕГОВА кажнонэс андар мэндэ андя андэ пэстири арӷанизацыя (Иоан. 6:44). Када сыкавэл, кай анда милиардоря мануша, савэ жувэн пэ ԥув о Иегова шутя сама именно пэр тутэ. Во диқля тиро ди, саво можэт тэ полюбий лэс (1 Лет. 28:9). О Иегова ӷанэн тут, во драго тут полэл и фартэ любий. Сар жэ драго када тэ ӷанас!

2. Сар о Иисусо сыкадя, кай о Иегова заботийпэ пала кажно андар мэндэ?

² О Иегова фартэ заботийпэ и любий най кати амэн, но и всаворэ ԥралэн и ԥэян андэ собрания. О Иисусо росԥэндя пала када розлашо примеро, андэ саво лэ Иеговас сыстосардя лэ пастухоса. Если анда стадо, андэ саво сто душ бакрорэ хасардёла хоть ек, во ашавэл кадэла девяносто девять и жал тэ родэл кадэлэ бакрорэс. И кала во лэс арақля, на ля тэ просытярэл лэс, ай наоборот фартэ обрадосайля. Сости амэ анда када сытювас? Кажно ԥрал и ԥэй андэ собрания фартэ куч важ о Иегова. О Иисусо ԥэндя: «Мэрно Дад, савэ по нэбо, на камэл кай тэ мэрэл хоть ек анда кадэла цынёне» (Матф. 18:12—14).

3. Пала со амэ подаса дума андэ кадэя статья?

³ Канешно, амэ на камас тэ терас ԥарэс по ди лэ ԥралэнди и лэ ԥэянди. Но со амэ можэм тэ терас кай лэн тэ на холярас? И со тэ терас, кала амэн холярдэ? Уӷанаса пала када андэ кадэя статья. Но спэрва поласа, ко када «кадэла цынёне», сар ԥэнэнпэ андэ Матфея 18 ӷлава.

ПЭР КАСТЭ О ИИСУСО ԤЭНДЯ «КАДЭЛА ЦЫНЁНЕ»?

4. Пэр кастэ о Иисусо ԥэндя «кадэла цынёне»?

⁴ «Кадэла цынёне», када лэ Иисусостирэ ученикоря. И скати лэнди бэрш тэ на авэл важ о Иисусо вонэ всаек, сар цынёне бэяцэ, важ кода кай вонэ камэн лэстар тэ сытён (Матф. 18:3). Вонэ анда разни страны, анда разно ери и лэндэ разно характеро. Но вонэ всаворэ патян, кай лэ Иисусос бишалдя о Дэл. Важ када о Иисусо лэн фартэ любий (Матф. 18:6; Иоан. 1:12).

5. Со кай о Иегова по ди, кала лэстирэ служытелёнэнца обжанпэ нэсправедливо?

⁵ Важ о Иегова всаворэ анда «кадэла цынёне» фартэ куч. Кай тэ полас, со лэстэ по ди, погиндосараса пала бэяцэ. И бэяцэ важ амэндэ фартэ куч. Амэ лэн фэрисарас, важ кода кай вонэ цынёне, бут со на ӷанэн и всаворэсти патян. Дажэ кала взрослонэ манушэса обжалпэ варико нэсправедливо, када фартэ найдраго. Но если варико обидит цынёне бэятос, амэнди када фартэ на чалёла. Точно кадяжэ и о Иегова камэл амэн тэ фэрий. И кала варикаса анда лэстирэ служытеля варико обжалпэ нэсправедливо, лэ Иеговасти када фартэ на чалёл. И инке через када во можэт фартэ тэ холявэл (Ис. 63:9; Мар. 9:42).

6. Сар и мануша диқэн пэ Иисусостирэ ученикоря, сар ԥэнэнпэ андэ 1 Коринфянам 1:26—29?

⁶ Сар инке амэ можэм тэ полас о гиндо, кай о Иисусо сыстосардя пэстирэ учениконэн лэ цынёне бэятонэнца? Давайте погиндосараса. Андэ кадэя люма и мануша стон патив пэ кодэла, ко барвалэ, ашунглэ и кастэ исин власть. Ай лэ Иисусостирэ ученикоря андэ лэ манушэндирэ яқа, када най барэ мануша, савэ нисо на ашэн. (Адиносар 1 Коринфянам 1:26—29.) Но о Иегова диқэл пэр лэндэ совсем па аврятэ.

7. Сар о Иегова камэл, кай амэ тэ андярас пэс лэ ԥралэнца и лэ ԥэянца андэ собрания?

⁷ О Иегова любий кажнонэ пэстирэ служытелёс и нэ важно во ужэ бут бэрша служый лэсти или кати болделя. Если о Иегова кадя любий пэстирэ служытелёнэн, и амэ трэбуй тэ любисарас лэн. Андэ Библия пистромэ: «Любин всаворэн андэ собрании» (1 Петра 2:17). Амэ трэбуй тэ пристас бут зор, кай тэ фэрисарас и тэ заботисавас пала ԥрала и ԥэя. Если амэ варикас холярдям андэ собрания, на трэбуй тэ гиндосарас, кай кода просто кацаво мануш. Во просто вся фартэ пашэ прилэл каринг оди, и во екжэно дошало. Но васо варико можэт тэ холявэл? Можэт о мануш гиндой, кай во нисо на ашэл, важ кода кай лэс кадя барярдэ. Ай дэсавэ кати найдэлмут болделэ и инке на сытелэ, кай трэбуй тэ простин аврэн, если варико терэл най кадя. Но нэ важно ко кас холярдя и васо. Амэнди трэбуй тэ стерас вся, кай тэ поладисарас аврэнца! Инке о мануш, саво вся и время холявэл, трэбуй тэ полэл, кай лэсти трэбуй тэ парудёл андэ када. Если во парашэла вся и время тэ холявэл, тоди во авэла май бахтало и аврэнди авэла май вушэро лэса тэ ладин.

НА ГИНДОСАР, КАЙ ТУ МАЙ ЛАШО АВРЭНДАР

8. Со сас важно важ и мануша андэ кодэя время?

⁸ Васо инке о Иисусо сыстосардя пэстирэ учениконэн лэ бэятонэнца? Важ кода кай лэстирэ ученикоря пушлэ лэстар: «Ко авэла само баро андо небесно Царство?» (Матф. 18:1). Важ бут евреёря андэ кодэя время сас фартэ важно кай о мануш тэ авэл ашунгло. Ай ек учоно пала када ԥэндя: «И мануша жувэнас и мэрэнас, кати важ кода кай тэ авэн ашунглэ, кай лэндэ тэ авэл слава и кай пэр лэндэ тэ стон бари патив».

9. Со трэбуй сас тэ терэн лэ Иисусостирэ ученикоря?

⁹ О Иисусо полэлас, кай лэстирэ учениконэнди трэбуй авэла тэ пристон бут зор, кай тэ на терэн кадя, сар и мануша андэ кодэя время. И мануша терэнас вся, кай тэ сыкавэн, ко андар лэндэ май лашо. О Иисусо ԥэндя пэстирэ учениконэнди: «Кодэва, ко машкар тумэндэ май баро, мэк авэл сар цыкнэдэр и кодэва, ко руководий, мэк авэл сар слуӷа» (Луки 22:26). Тэ андярэн пэс, сар цыкнэдэр, када сыкавэл, кай тэ «гиндон, кай авэр май лашэ тумэндар» (Флп. 2:3). Если амэ ласа тэ старысавас тэ терас кадя, тоди амэ никас на холяраса.

10. Пала савэ лэ Павлостирэ алава трэбуй тэ погиндосарас?

¹⁰ Кажно ԥрал и ԥэй андэ собрания ӷанэн тэ терэл варисо май драго аврэндар. И авэла драго кай амэ тэ додиқас андэр лэндэ варисо лашо. Трэбуй тэ погиндосарас пала лэ Павлостирэ алава: «Соса ту най кацаво, сар авэр? И со тутэ исин, со тути на динэ? Ай если тути вся динэ, тоди состэ хвалиспэ, ԥэнэса, ту када екжэно домарделян?» (1 Кор. 4:7). Амэнди на трэбуй фартэ бут сама тэ шас пэр пэстэ, кай амэ кабута май лашэ аврэндар. Ай со если о ԥрал фартэ драго ӷанэн тэ росԥэнэн речь, ай и ԥэй драго проандярэл изучения Библии? Вонэ трэбуй вся и слава тэ отдэн лэ Иеговасти.

ПРОСТИСАР АНДА ВСЯ ОДИ

11. Со камля тэ ԥэнэн о Иисусо, кала росԥэндя о примеро пала царё и пала рабо?

¹¹ О Иисусо ԥэндя пэстирэ учениконэнди, кай вонэ никас тэ на холярэн. И кай вонэ май драго када тэ полэн, во росԥэндя примеро пала царё и пала рабо. О царё простисардя пэстирэ рабости баро вужылимос, саво во никала на випотиндоп. Но прожыля набут время и кадэва рабо на закамля тэ простий аврэ рабос, саво лэсти пэ бутэстэ май набут сас вужылэ. И кала о царё уӷангля, со стердя кадэва рабо, во шутя лэс андо баруно. Сости амэ сытювас анда кадэва примеро? О Иисусо ԥэндя: «Кадя и мэрно небесно Дад обжалапэ тумэнца, кала на простина анда вся оди кажно пэстирэ ԥралэс» (Матф. 18:21—35).

12. Со можэт тэ авэл, кала на камэс тэ простис аврэ манушэс?

¹² Кода, со стердя кадэва рабо, андя ԥаримос най кати лэсти, но и аврэнди. Во обжыляпэ найдраго лэ манушэса, саво лэсти сас вужылэ. Во бэшардя лэс андо баруно, пока кодэва на випотинэна лэсти вся о вужылимос. Кадяжэ во стердя найдраго по ди аврэ рабонэнди, савэ када диқлэ. Кацаво можэт тэ авэл и адес. Если амэ терас варисо най кадя, када анэн ԥаримос аврэнди. Например, если амэнца варико найдраго обжыляпэ и амэ на камас лэс тэ простисарас, тоди ԥарэс авэла най кати кадэлэ манушэсти, но и всаворэнди андэ собрания, кала вонэ диқэн, кай амэ на ладисарас машкар пэстэ.

13. Сости амэ сытювас анда кода, со сас ла Кристинаса?

¹³ Если амэ простисарас аврэн, кадэлэстар драго амэнди и аврэнди. Кацаво сас ла ԥьяса, савя ақарэн Кристина. Лати сас ԥарэс, кодэлэстар кай ек ԥэй андэ собрания найдраго ласа обжаласпэ. Вой ԥэнэн, кай кодэя ԥэй, сар ԥэнэнас варисо, кабута сар шуряса шынэнас. Дожылясас дажэ каринг кода, кай вой на камэлас тэ служый ласа андэ ек ӷруппа. Ла Кристинати совсем ужэ и на камэласпэ тэ ԥирэл андэ служэния. И служэния на анэнас лати нисави радость. Вой гиндояс, кай пэ кодэя ԥэй исин васо тэ холявэл. Но вой закамля варисо тэ парувэл. И Кристина на ля пэс тэ жалуий и ля тэ старыийпэ тэ улэл и холи анда пэско ди. Со лати андэ када поможысардя? Вой приля о совето анда статья «Простин анда вся оди», сави сас андэ «Сторожэво башня» лэ 15 октябрёстар 1999 бэрш. И и Кристина простисардя кодэла ԥья. Акана вой полэл, кай кажно андар мэндэ трэбуй тэ парудёлпэ. И о Иегова простий амэн кажно дес. Латэ кабута бар па ди пэля. Акана и служэния анэн лати бут радость.

14. а) Со сас ԥарэс тэ стерэл лэ Петрости, сар ԥэнэнпэ андэ Матфея 18:21, 22? б) Со поможыя амэнди тэ простисарас аврэн?

¹⁴ Амэ трэбуй тэ простисарас амарэ ԥралэн и ԥэян андэ собрания и када правильно. Но дэкала када фартэ ԥарэс тэ терас. Кацаво сас и кай о апостоло Пётро. Лэсти тожэ сас найвушэро тэ простий аврэн. (Адиносар Матфея 18:21, 22.) Со амэнди поможыя? Трэбуй тэ сэрас, кай о Иегова амэн фартэ любий и жалуий (Матф. 18:32, 33). Хоть амэ када на ашас, во всаек амэн вся и время простий (Пс. 103:8—10). Инке амэ «трэбуй тэ любисарас ек еқэс» (1 Иоан. 4:11). Вижал, амэнди трэбуй тэ простисарас аврэн. Би кадэлэско нисар. Кадяжэ трэбуй тэ погиндосарас, саво лашимос можэт тэ авэл, кала амэ простисарас аврэн. Кадя авэла мирно андэ собрания, амэ фэрисараса амари дружба лэ Иеговаса и амэнди по ди авэла драго (2 Кор. 2:7; Кол. 3:14). Инке амэ трэбуй тэ мангас помощь лэ Иеговастар, кай тэ простисарас аврэн важ кода, кай во када камэл. На домэкам, кай лэ Сатанастэ тэ вижал тэ стерэл кадя, кай амэ тэ холявас ек пэ ек (Эф. 4:26, 27). И кай андэ собрания всаворэ тэ ладин, амэнди трэбуй лэ Иеговастири помощь.

НА РИТЯР И ХОЛИ АНДО ДИ

15. Со трэбуй тэ терэс, кала тут варико андэ собрания холярдя, сар ԥэнэнпэ андэ Колоссянам 3:13?

¹⁵ Ай со тэ терэс, кала тут фартэ холярдя ԥрал или ԥэй анда собрания и кадэлэстар тути най спокойно по ди? Трэбуй тэ пристос бут зор, кай тэ поладис. Росԥэн лэ Иеговасти вся, со тутэ по ди. Мангпэ пала кодэва, ко тут холярдя. Манг лэ Иеговас тэ поможый тути тэ додиқэс андэ кодэва ԥрал или ԥэй варисо лашо, пала со лэн о Иегова любий (Луки 6:28). Если ту всаек на парашэлян тэ холявэс пэ кодэва мануш, тоди тути трэбуй тэ подэс дума лэса. Подтидэ алава, савэ ту ԥэнэса. Погиндосар, кай о ԥрал или и ԥэй можэт най нарошно тут холярдэ (Матф. 5:23, 24; 1 Кор. 13:7). Патя лэнди, кай вонэ ԥэнэн чачимос. Ай со если во или вой на камэл туса тэ поладий? На параш тэ терэс вся, кай тэ авэл мирно. (Адиносар Колоссянам 3:13.) И само важно, на домэк кай ту тэ лэс тэ вэрыцыс лэ манушэс, саво тут холярдя. Через када ту можэш тэ хасарэс и дружба лэ Иеговаса. Если ту прилэса кадэла советоря каринг пэстэ, тоди ту сыкавэса, кай и дружба лэ Иеговаса тути май куч всаворэстар (Пс. 119:165).

16. Пала со о Иегова можэт тэ спушэл кажнонэстар андар мэндэ?

¹⁶ Амэ фартэ блаӷодарни лэ Иеговасти, кай можэм тэ служысарас лэ ԥралэнца и лэ ԥэянца андэ собрания, сар ек ери, пала саво диқэл о Иисусо (Иоан. 10:16). Андэ книжка «Организованы, чтобы исполнять волю Иеговы» пэ страница 165 ԥэнэнпэ: «О Иегова спушэла амэндар, если амэ на ласа тэ терас вся кай андэ собрания тэ авэл мирно». Важ када амэ трэбуй тэ старысавас тэ диқас пэ ԥрала и пэ ԥэя, кадя сар диқэл пэр лэндэ о Иегова. Важ лэстэ амэ всаворэ, сар цынёне бэяцэ, савэн во фартэ любий. Ай тути куч и ԥрала и ԥэя анда собрания? О Иегова диқэл и фартэ цэний вся, со ту важ лэндэ терэс (Матф. 10:42).

17. Со ту закамлян тэ терэс, через кадэя статья?

¹⁷ Амэ любисарас лэ ԥралэн и лэ ԥэян и важ када стераса вся, кай тэ на холярас лэн. Амэ на гиндосарас, кай май лашэ лэндар и простисарас лэн анда вся оди. Амэ на трэбуй тэ домэкас, кай через и холи тэ хасарас и дружба лэ Иеговаса. Пристам вся пэско зор кай андэ собрания «тэ авэл мирно и тэ подритярас ек еқэс»! (Рим. 14:19).