Romani

5 Cadea că, acana, că sas phendo anda amende că sam orta anda codoia că si amen pachiamos, te așias andi pacea le Devleia prin amaro Rai o Isus Cristos, 2 prin savo daisardeam te primisaras, prin pachiamos, cado lașimos nemeritime cai si amen acana. Te bucurisaras amen anda codoia că si amen i speranța că va avela te primisaras pachiv le Devlestar! 3 Mai but, te bucurisaras amen vi cana nachas prin pharimata, anda codoia că jianas că o pharimos zuriarel amen te na mechas amen 4 hai cana ci mechas amen sam cuci andel iacha le Devlesche, hai cadaia del amen speranța; 5 hai i speranța ci cherel amen te ajucăras de ivea, anda codoia că i iubirea le Devleschi sas șiordi ande amare ile prin o spirito sfânto, cai sas amenghe dino. 10 Că, dacă atunci cana samas dușmani, arăsleam te avas pale andi pacea le Devlesa prin o merimos lesche Șiavesco, cadichi mai but va avasa salvime prin leschi viața, acana, că sam pale andi pacea lesa. 11 Mai but, bucurisaras amen ando Del prin amaro Rai o Isus Cristos, prin savo daisaras te avas andi pacea le Devlesa. 12 Anda codoia, cadea sar prin iech corcoro manuș avilea o păcato andi lumea hai prin o păcato o merimos, hai cadea o merimos nachlea ca sea le manușa, anda codoia că savore păcătuisarde . . . 18 Cadea că, sar prin iech corcori greșeala avilea i condamnarea andal manușa de orisavo felo, sa cadea prin iech corcoro acto ciacimasco sile cărde orta andai viața manușa de orisavo felo. 19 Cadea că, sar prin i neascultarea codoleschi corcoro but arăsle bezăhale, sa cadea prin i ascultarea cadaleschi corcoro but va arăsăna orta.