1 Timotei
7 Tha duriar tutar le paramicea hohamne cai ci sicaven pachiv caring so si sfânto, sar si codola phende le phure jiuvleandar. Mai mișto, rode te sicaves chi pachiv le Devlesche. 8 Anda codoia că o exercițio fizico ajutil iech țâra, tha i devoțiunea sfânto ajutil-ame ande sea le buchia, că anel laia i promisiunea la viațachi de acana hai la viațachi cai va avela. 10 Ita sostar amen cheras buchi phares hai das amari zor, anda codoia că șiuteam amari speranța ande iech Del jiuvindo, savo si iech Salvatorii le manușengo de orisavo felo, vi mai but codolengo loialo. 12 Chonic te na dichel-tu mai tele anda codoia că san tărno. Mai but, av iech exemplo anda codola fideli: ande sar des duma, ande sar phiraves-tu, andi iubirea, ando pachiamos, ando ujimos moralo. 13 Ji cana avav, dedichisar-tu mai dur te citisares publico, te zuriares hai te sicaves. 14 Na bâstăr chichi de cuci si o daro cai sas tuche dino cana o corpo le phurengo șiute penghe vasta opral tute, cadea sar sas phendo de mai anglal le Devlestar. 15 Gândisar-tu mișto cadale buchiande, mech-tu astardo lendar, ca chio bariarimos spiritualo te avel dichlo savorendar. 16 Av atento sea o timpo tute hai sar sicaves averen. Av zuralo ande cadala buchia, căci, cana cheres cadea, va hastraveia tut hai codolen cai așunen-tu.