Eclesiasto

7 I asuprirea daștil te diliarel le goghiaveres, hai i mita rimosarel o ilo. 8 Si mai lașio o sfârșito iecha buchiaco sar laco începuto. Si mai mișto te aves răbdătorii sar te aves phuchiardo barimastar. 9 Na sighiar te holiares-tu, că i holi beșel ando colin codolengo cai nai-le goghi. 10 Na phen: „Sostar si le ghiesa cai nachle mai lașe sar cadala?”, că na anda goghiaverimos pușes cadaia. 12 Anda codoia că o goghiaverimos feril, cadea sar vi le love ferin, tha o prinjianimos si mai lașio anda codoia că o goghiaverimos încărel jiuvindo codoles cai siles. 16 Na av zurales orta hai na sicav tut prea goghiaver. Sostar te anes opral tute, tu corcoro i bibacht? 20 Că ci si manuș orta pi phuv savo te cherel numai o miștimos hai te na păcătuil niciechdata. 21 Na șiu co ilo sea le dumes cai phenen-le le manușa, caște na așunes che slujitores că del duma nasul anda tute; 22 că jianes mișto ande chio ilo că butivar vi tu dean duma nasul anda aver.