1 Corinteni

11 Cadala buchia întâmplosarde-pe lența caște aven amenghe exemplea hai sas-le scriime ca amen te daisaras te las sama, opral caste avilea o sfârșito le sistemengo. 12 Cadea că, codo cai pachial că beșel ande pânrănde te lel sama te na perel tele. 13 Niciech zumaimos ci avilea pe tumende cai te na avel pe manușende. Tha o Del silo fidelo hai ci va mechela te aven zumade mai but sar daștin te phiraven, tha cana va avela o zumaimos vo va pregătila tumenghe vi i calea te înclen, caște daștin te nachen părdal leste. 21 Ci daștin te pien vi o paharo le Iehovasco, vi o paharo le demonengo; ci daștin te len partea vi ca „i meseli le Iehovaschi” hai vi ca i meseli le demonenghi. 23 Sea le buchia daștin te aven cărde, tha na sea le buchia anen miștimata. Sea le buchia daștin te aven cărde, tha na sea anda cadala vazden. 24 Fiesavo te rodel na pesco miștimos, tha averesco 31 Cadea că vi cana han, vi cana pien, vi cana cheren orisavi aver buchi, cheren sea le buchia anda i gloria le Devleschi! 32 Len sama te na cheren vareso cai te peraven le iudeien, le grecen sau la congregația le Devleschi, 33 cadea sar vi me dav mânri zor te avav mișto dichlo savorendar ande sea le buchia; bi te rodav mânro miștimos, tha o miștimos bute manușengo, caște aven hastrame.