Filipeni
7 Si mișto te gândisarav cadea anda tumende, anda codoia că phiravav tumen ande mânro ilo, tumen cai lean partea manța ca o lașimos nemeritime, cadichi cana somas phandado andel lanțuri, hai vi cana lem i apărarea la vesteachi lași hai cărdem ca voi te arăsăl te avel legalo. 9 Hai ita anda soste mangav-ma mai dur: ca tumari iubirea te bariol sea mai but hai te avel tumen prinjianimos exacto hai vi te aven goghiaver cana trebul te cheren vareso; 10 caște len sama le buchiandar mai importanto hai, cadea, te aven bi doșaco hai te na cheren chanicas te perel catar o ciacimos ji ando ghies le Cristososco; 12 Camav te jianen, phralale, că i situația ande savi som cărdea, mai but, ca i vestea lași te avel îngărdi mai dur, 14 Le mai but andal phrala ando Rai astarde pachiamos cana dichle mânre lanțuri le phandavimasche hai silen acana vi mai but tromai te phenen bi daraco o cuvânto le Devlesco. 18 Hai savo si o rezultato? Codo că, ande orisavo felo, că si andai ipocrizia, că si anda iech ujo ilo, o Cristos si vestime; hai bucuriv-ma cadalatar. Mai but, va avela te bucuriv-ma vi mai dur, 27 Tumen numai phiraven tumen pachivales cadea sar manghel i vestea lași anda o Cristos, ca, vi cana avav te dichav tumen, hai vi cana som dur tumendar, te așunav anda tumende că așen zurale ande iech corcoro spirito, ieche corcore ilesa, ando timpo so iech pașa aver maren tumen anda o pachiamos andi vestea lași,