Estera
3 Hai ande sea le thana cai arăsălas o decreto le regesco, sas baro roimos mașcar le iudei, încărenas posto, rovenas hai denas cingar duchatar. But jene beșenas zinghiarde pe pohthan gonesco hai cenușa. 11 „Sea le manușa le regesche hai o poporo anda sea le thana le regesche jianen că, dacă iech murș sau iech jiuvli del andre andi bar de andral le regeschi bi te avel achardo, si iech corcori legea: trebul te avel mudardo; așel andi viața numai dacă o rege zinghiarel o sceptro anda sumnacai. Hai me ci somas achardi leste de 30 ghiesa”. 12 Cana sas lesche phende le dumes catar i Estera, 13 o Mardoheu phendea te avel phendo caring i Estera: „Te na pachias că dacă san anda o chăr le regesco, va avela tuche mai ușoro te hastras sar le coavere iudeienghe. 14 Că dacă tu așes anda o mui acana, o ajutorii hai o hastraimos anda le iudei va avena anda aver than, tha tu hai o chăr che dadesco va merena. Hai con jianel dacă na anda iech timpo sar cado sanas cărdi thagarni!”. 15 Atunci i Estera phendea parpale le Mardoheosche: 16 „Jia hai chide sea le iudeien andai Susa hai încăren posto anda mande. Te na han hai te na pien trin ghiesa, nici cana si ghies, nici cana si riat. Va avela te încărav posto vi me hai mânre slujitorea. Pala codoia, va avela te jiav andre co rege, chiar cana si contra i legea; hai, dacă trebul te merav, va avela te merav”.