Matei
4 Atunci o Isus sas îngărdo catar o spirito ando pustio, cai sas ispitime catar o Beng. 2 Pala so încărdea posto 40 ghiesa hai 40 rachia, cărdilea lesche boch. 3 Hai avilea o Ispititoro hai phendea lesche: „Dacă san iech șiav le Devlesco phen cadale barenghe te cheren-pe manre”. 4 Tha, vo phendea lesche parpale: „Si scriime: «O manuș te na trail numai manreia, tha vi orisave cuvântoia cai înclel anda o mui le Iehovasco»”. 5 Pala codoia o Beng îngărdea-les pesa ando foro sfânto, șiutea-les po parapeto le templosco 6 hai phendea lesche: „Dacă san iech șiav le Devlesco, șiude-tu tele, anda codoia că si scriime: «Vo va dela porunca pesche îngeren anda tute» hai «Von va piravena-tu pe vasta caște na des-tu dab le pânreia ande iech bar»”. 7 O Isus phendea lesche: „Tha si scriime vi: «Te na șios co zumaimos le Iehovas, chio Del»”. 8 Pala codoia o Diavolo îngărdea-les leia pe iech baro plain hai sicadea lesche sea-l regatea la lumeache hai lenghi gloria. 9 Hai phendea lesche: „Sea cadal buchia va avela de dav-le tuche dacă des cianga angla mande hai anes manghe închinarea iech data”. 10 Atunci o Isus phendea lesche: „Jiatar, Satan! Anda codoia că si scriime: «Le Iehovasche che Devlesche te închinis-tu hai numai lesche te anes iech servicio sfânto»”. 11 Atunci o Beng tiliardea lestar hai ita că chichiva îngeri avile hai astarde te slujin lesche. 18 Sar phirelas pașa i Marea Galileei, dichlea duie phralen, le Simonos, cai phenel-pe lesche Petru, hai le Andreios, lesco phral, cai șudenas andi marea iech plasa caște astaren mașe, anda codoia că von sas-le pescari. 23 Pala codoia, vo gălea ande sea i Galileea, sicadea le manușen ande lenghe sinagogi, phendea i vestea lași anda o Regato hai sastiardea le manușen catar orisavo nasfalimos hai catar orisavi infirmitatea.