Faptele
8 Vo gălea andre andi sinagoga hai, trin șiona, dea duma pherdo tromai, încărdea cuvântări hai andea argumentea lașe anda o Raimos le Devlesco. 9 Tha, chichiva sas-le șărale hai ci camenas te pachian, hai denas duma bi pachivales anda O Drom angla le but manușa. Anda codoia, vo tiliardea lendar, lea le discipolen de mașcar lende hai ande fiesavo ghies încărelas cuvântări andi școala le Tiranoschi. 10 Vo cărdea mai dur cadai buchi dui bărșa, cadea că savore cai beșenas andi provincia Asia așunde i duma le Raieschi, vi codola iudei, hai vi codola greci. 19 Hai but anda codola cai cherenas magia chidine penghe lila hai thabarde-le angla savore. Von înghinde sode love sas-le cadala, hai dichlea-pe că sas-le cuci: 50 000 rupune love.