1 Corinteni

7 O ciacimos si că hasardean deja cana si tumen cris iech averența. Sostar ci mechen tumendar hai mai mișto ci mai roden tumaro ciacimos? Sostar ci mechen mai mișto te aven tumen andi paguba? 9 Sau ci jianen că codola neorta ci va moștenina o Regato le Devlesco? Na athaven tumen. Le manușa imorali, le idolatrii, le adulteri, le murșa cai mechen-pe folosime andel buchia homosexualo, le murșa cai cheren homosexualitatea, 10 le ciora, le hașvale, le machiarde, codola cai prasan hai codola cai athaven averen ci va moștenina o Regato le Devlesco. 11 Hai cadea sanas vi chichiva anda tumende. Tha sanas halade, sanas sfințome, sanas arachle orta ando anav le Raiesco Isus Cristos hai prin o spirito amare Devlesco. 12 Sea le buchia si manghe mechle, tha na sea le buchia anen miștimata. Sea le buchia si manghe mechle, tha ci va avela te mechav ca niciech buchi te cherel manța so camel. 18 Nașen catar i imoralitatea sexualo! Orisavo aver păcato savo daștilas te cherel-les o manuș silo avreal pesco corpo, tha con cherel i imoralitatea sexualo, păcătuil contra pesco corpo.