29 IULIA – 4 AUGUSTO
PSALMO 69
Ghili 13 hai manglimos | So va dichaia (1 min.)
1. So buchia prin save nachlea o Isus sas phende de mai anglal ando Psalmo 69
(10 min.)
Le manușa urâsarde le Isusos bi te avel-len sostar (Ps 69:4; Ioa 15:24, 25; w11 15/8-M 11 ¶17)
O ilo le Isusosco thabolas anda o chăr le Iehovasco (Ps 69:9; Ioa 2:13-17; w10 15/12-M 8 ¶7, 8)
Le Isusosco ilo sas-lo duchado; cana sas-lo șiuto po stâlpo, dea-pe lesche mol ande savi sas cărchi (Ps 69:20, 21; Mt 27:34; Lu 22:44; Ioa 19:34; g95 22/10-M 31 ¶4; it-2-E 650)
BEȘ HAI GÂNDISAR TUT: Sostar șiutea o Iehova ande le Scripturi ebraico le profeții anda o Mesia?
2. Cuci bara anda o lil le Devlesco
(10 min.)
Ps 69:30, 31 – Sar ajutin amen cadal versetea te lașiaras amare manglimata? (w99 15/1-M 18 ¶11)
So cuci bara arachlean cana citisardean i Biblia ande cado curco?
3. O citimos andai Biblia
(4 min.) Ps 69:1-25 (th lecția 2)
4. Sicav răbdarea – So cărdea o Isus
(7 min.) Den duma. Dichen o MATERIALO VIDEO hai pala codoia den duma anda lmd o sicaimos 8, le punctea 1 hai 2.
5. Sicav răbdarea – Cher so cărdea o Isus
(8 min.) Den duma anda lmd o sicaimos 8, le punctea 3-5 hai „Dich vi”.
Ghili 134
6. So mai camas te lașiaras ande amari congregația
(5 min.)
7. Sar te sichioas anda o Iehova sar familia
(10 min.) Den duma.
Andi ianuaria 2009, o studio andi congregația hai i Școala anda o Servicio Teocratico sas-le șiute ande iech corcori întrunirea, cai încărel-pe ando mașcar le curchesco. Cadai buchi ajutisardea le familien te alosaren cana hai so te sichion anda o Iehova ande iech than, iechvar po curco. But phrala hai pheia phende că cadea pașile vi mai but le Iehovastar hai iech averestar. (De 6:6, 7)
So daștin te cheren le șăre la familiache caște lașiaren o modo sar sichion anda o Iehova sar familia?
Cheren cadaia ande fiesavo curco. Dacă daștil-pe, alosaren de mai anglal o ghies hai i ora cana te sichion anda o Iehova sar familia. Poiechdata, daștilas te avel vareso neajucărdo cai ci mechel tumen te cheren cadaia cana camlean. Anda codoia, alosaren vi aver ghies caște na nachel o curco bi te sichion anda o Iehova sar familia
Pregătin tumen de mai anglal. De duma chia rromniasa, hai poiechdata puș vi che șiaven so camen te cheren cana chiden tumen te sichion sar familia. Ci trebul te cheren bare pregătiri, dacă tumara familia ciaiol-la te cherel cam sa codol buchia ande fiesavo curco
Alosaren te cheren vareso cai daștil te ajutil tumara familia. Ando timpo so le șiave barion, von paruven-pe hai silen nevoia avere buchiandar. Le buchia cai sichion-len ande iech than trebul te ajutil fiesaves andai familia te bariol spiritualo
Cheren cadaia iubireasa hai simțon tumen mișto. Cana i vremea si lași, daștin te sichion sar familia vi andi natura. Daștin te cheren vi țâne pauze. Cana trebul te den duma anda le buchia cai camen te lașiaren-len ande tumari familia, te na han tumen hai te na ortosaren tumen cana sichion ande iech than
Cheren sea o timpo aver vareso. Sar exemplo, daștin te pregătin tumen anda i întrunirea cai avel, te dichen iech materialo video pa jw.org, te den duma anda leste hai te pregătin tumen anda i predicarea. Chiar cana sichion anda o Iehova sar familia hai den duma mașcar tumende, poiechdata fiesavo daștil te sichiol vi corcoro anda o Iehova
Den duma anda cado pușimos:
Save mașcar cadal buchia cărdean-len ji acana cana sichilean anda o Iehova sar familia?
8. Te sichioas andai Biblia andi congregația
(30 min.) bt cap. 13 ¶8-16, o chenarii catar i pagina 105