Rode te prinjianes mai but
Te sichioas hai te încăras andi goghi le „ghilea spiritualo”
„Poiechdata pachiav că ci som lași chancesche, tha o Iehova zuriarel-ma prin le ghilea pa JW Broadcasting®.” (Lorraine, SUA)
‘Le ghilea spiritualo’ cărde partea sea o timpo anda i închinarea andini le Iehovasche. (Col. 3:16) Dacă sichioas-le hai încăras-le ande amari goghi, von daștin te zuriaren-ame vi cana na-i amende iech lil andal ghilea sau iech dispozitivo electronico. Caște avel amenghe mai ușoro te încăras-le ande amari goghi, daisaras te cheras so phenel-pe mai telal.
Citisar atento le versuri caște hachiares-len chichi mai mișto. Iech buchi așel mai sigo ande amari goghi dacă hachiaras anda soste si i duma. Sea le versuri catar le ghilea – vi codola andal șiavorre hai vi le ghilea originalo – sile șiute po jw.org, ca i fila „Biblioteca”, i secțiunea „Ghilea”.
Scriisar che vasteia le versuri. Cadea, le dumes andal ghilea va așena ande chi goghi. (Deut. 17:18)
Ghilaba zurales. Citisar sau ghilaba iech ghili mai butivar.
Dicta so încărdean ande chi goghi. De chi zor te anes ande chi goghi le versuri bi te diches-tu pe lende.