De duma caște aves hachiardo

So cărdea o Isus

MATERIALO VIDEO: O Isus sicavel i grija cai si amare Dades cerisco caring amende

1. Dich o MATERIALO VIDEO sau citisar Matei 6:25-27. Pala codoia șiu tuche le pușimata cai aven:

1. a) Sar sicadea o Isus i grija le Iehovaschi caring amende?

2. b) Chiar cana o Isus prinjianelas but buchia andal ciriclea, ca so țâni buchi țârdea vo i atenția? Sostar sas lașio cado modo ande savo sicadea le manușen?

So sichioas catar o Isus?

2. Dacă sicavas le manușen ande iech modo ușoro hachiarimasco, von va încărena ande penghi goghi so sicavas-len, hai le sicaimata va arăsăna ande lengo ilo.

Cher so cărdea o Isus

3. Na de duma but. Ando than te phenes sea so jianes anda iech subiecto, de duma numai andal sicaimata sicade ando lil anda o studio. Pala so șios iech pușimos, ajucăr pherdo răbdarea ca o manuș te phenel tuche so pachial. Dacă ci jianel so te phenel sau phenel vareso cai na-i pala le sicaimata biblico, șiu lesche mai but pușimata caște ajutis-les te gândil. Iech data so o manuș hachiardea o sicaimos, jia mai dur.

4. Ajutisar le manușes te cherel o phanglimos mașcar le buchia neve cai sichiol-le hai so prinjianel deja. Sar exemplo, angla so te astaren iech lecția anda o jiuvindimos, daștis te anes lesche andi goghi harnes so sichilea deja anda so si le mulența.

5. Cher ilustrări lașe. Angla so te cheres iech ilustrarea, șiu tuche le pușimata:

1. a) „Si cadai ilustrarea simplo?”

2. b) „Va hachiarela-la ușoro o manuș?”

3. c) „Va ajutila le manușes te hachiarel o sicaimos importanto, na numai i ilustrarea?”