I VIAȚA SAR CREȘTINI
Păstori cai cheren buchi ando miștimos le poporosco le Iehovasco
But manușa ci mai pachian-pe ande codola cai silen autoritatea opral aver. Tha, sar te pachian-pe ande lende, cana de mii bărșa, le manușa cai silen autoritatea opral aver, roden numai pengo miștimos? (Mi 7:3) Bariol amaro ilo te jianas că le phure de congregație folosin penghi autoritatea ando miștimos le poporosco le Iehovasco. (Es 10:3; Mt 20:25, 26)
Na sar le manușa anda cadai lumea, le phure de congregație den penghi zor te arăsăn supraveghetori anda codoia că iubin le Iehovas hai lesche poporos. (Ioa 21:16; 1Pe 5:1-3) Tela o vast le Isusosco, von ajutin fiesave phrales hai fiesavea pheia te așel pașa o Iehova hai te jianen ande pengo ilo că sile partea anda leschi familia. Von sighiaren te zuriaren le Iehovasche bacrean hai te aven pașa lende cana nachen prin iech urgența medicalo sau prin iech dezastro naturalo. Cana si tut nevoia catar o ajutorii, mang-les catar le phure anda chi congregația! (Iac 5:13)
DICHEN O MATERIALO VIDEO PĂSTORI CAI LEN SAMA LE BACREANDAR, HAI PALA CODOIA DEN RĂSPUNSO CA LE PUȘIMATA CAI AVEN:
Sar sicade le phure că sas-le pașa i Mariana?
Sar sicade le phure că sas-le pașa o Elias?
Pala so dichlean o materialo video, sar diches i buchi cărdi le phurendar?