Folosin i pagina principalo catar o site-o JW.ORG andi predicarea

I pagina principalo sicavel articolea hai materialea video cai sas-le cărde anda le manușa sincero cai ci sile Martori le Iehovasche. (Fa 13:48) Butivar cade del-pe duma anda le buchia sicade ca le știri sau anda save le manușa den duma hai gândin-pe lende.

Sar daștis te folosis i pagina principalo catar o site-o JW.ORG andi predicarea?

• Jia po site-o ande fiesavo ghies. Dich so si nevo hai gândisar-tu sar daștil te ajutil cadai buchi ieche manușes cai camel te prinjianel mai but. (Caște araches vi aver buchia șiute de țâra timpo pi pagina principalo, de po „Dich mai but”) Cana jianes so si nevo pe amaro site-o, va avela te daștis te phenes sea o timpo andi predicarea vareso nevo, cai interesil le manușen.

• Folosisar articolea hai materialea video catar i pagina principalo caște astares te des duma. Cadal materialea ajutin-ame te hachiaras so gândin le manușa anda o teritorio.

• Sicav le manușenghe i pagina principalo. Sicav lenghe mai but subiectea hai sar te roden vi von po site-o.

• Bișial iech linko. Chichiva manușa ci camen te den duma amența, tha camen te dichen amaro site-o. Cadea că, te bișialas pherde tromai codolenghe cai camen te prinjianen mai but, iech linko caring i pagina principalo sau caring iech articolo sau iech materialo video cai si cade.