Rode te prinjianes mai but

Folosisar i secțiunea „So si nevo”

Andi secțiunea „So si nevo” andai aplicația JW Library^® hai pa o site-o jw.org si le mai neve materialea publichime. Sar ajutil-tu cadai secțiunea te araches so si mai nevo?

JW Library

• Ori chichivar șiol-pe iech nevo articolo, si actualizâme sea i seria anda savi cherel partea cado. Cadea că, cana andi secțiunea „So si nevo” apăril iech seria articolenghi, daștis te descărchis i palutni versiunea anda codoi seria. Pala codoia, daștis te citis o nevo articolo cai si o dintuno andai lista, cai sili cărdi pala i data.

• Daștil-pe că anda le publicații mai lungo, sar avenas le reviste, trebul tuche mai but timpo caște citis-le. Cadea că caște jianes cai așilean le citimaia, daștis te șios-le ca i secținea „Favorite”, caște araches-le mai ușoro cana cames te citis-le mai dur. Pala so citisardean-le, daștis te choses-le andai secțiunea „Favorite”.

JW.ORG

Chichiva materialea, mașcar save si le știri hai anunțuri, apărin numai po site-o jw.org, hai ci apărin vi ande JW Library. Caște jianes save si le palutne articolea șiute po site-o, rode te diches mai butivar i secțiunea „So si nevo”.