Gândisar tut ca le mai importanto buchia cai sichilean-len

Si tuche poiechdata pharo te anes tuche amintea so sichilean de țâra timpo? Fiesavesche daștil te întâmplol-pe cadaia poiechdata. So daștis te cheres? Te gândisares tut pale ca le mai importanto buchia cai sichilean-len ande codo ghies.

Cana sichios, de chi zor te așes po than poiechdata caște hachiares le mai importanto buchia cai sichilean-len. Te dichas sar ajutisardea o apostolo Pavel te cheren cadai buchi codolen cai avenas te așunen lesco lil. Vo scriisardea: „Ita cadaia si i mai importanto buchi”. (Evr. 8:1) Prin cadal dumes vo ajutisardea-len te hachiaren ciaces so camlea te phenel hai te cheren iech phanglimos mașcar sea so sicadea-len vo.

Pala fiesavi data cana sichios, daștis te mai așes 10 minutea caște gândis-tut ca so sichilean ande codo ghies. Dacă ci anes tuche amintea, mai dich iech var le subtitluri hai le mai importanto buchia anda save del-pe duma cai butivar sile scriime cana astarel o paragrafo. Dacă sichilean iech buchi nevi de chi zor te phenes-la che dumența. Cana gândis tut ca le mai importanto buchia cai sichilean-len, na numai că va așela tuche mai mișto andi goghi, tha va avela te hachiares mai mișto sar daștis te cheres so sichilean.