Țârde miștimata anda le referințea marginalo andai Biblia

Le referințea marginalo andai Biblia – i Traducerea la lumeachi nevi sicaven amenghe că sea le buchia andai Biblia silen phanglimos mașcar lende. Cadal referințea bișialen amen caring aver versetea ande save phenen-pe mai but buchia anda codo subiecto. Caște araches cadal referințea daștis te diches caring le țâne litere cai sile pala iech duma anda o verseto. Andel Biblii tipărime daștis te araches o verseto anda iech anumime litera andi coloana cai si po mașcar la paginaco. Po jw.org hai po JW Library^®, daștis te spides pi țâni litera caște araches le versetea cai silen phanglimos.

Le referințea marginalo daștin te bișalen amen vi caring:

Iech relatarea ande savi phenel-pe sa codoi buchi: I referința bișialel tut caring chichiva versetea andai Biblia cai del-pe duma anda sa codoi întâmplarea. Sar exemplo, dich 2 Samuel 24:1 hai 1 Cronici 21:1.

Iech citato: I referința sicavel cai sas scriime iech duma sau iech expresia. Sar exemplo, dich Matei 4:4 hai Deuteronomo 8:3.

Cana pherel-pe iech profeția: I referința sicavel sar iech profeția pherel-pe. Sar exemplo, dich Matei 21:5 hai Zaharia 9:9.