Watchtower – BIBLIOTECA ONLINE
Watchtower
BIBLIOTECA ONLINE
Rromani (România)
  • BIBLIA
  • PUBLICAȚII
  • ÎNTRUNIRI
Publicații ande rromani șib (2014-2025)
De Loghin tu
Loghisao tu
Watchtower – BIBLIOTECA ONLINE
Watchtower
BIBLIOTECA ONLINE
Mișto avilean!
Cadava si iech instrumento andai cercetarea le publicațienghe cărde le Martorendar le Iehovasche ande mai but șiba.
Andoa descărchimos le publicațiengo, rughisaras-tu te jias po jw.org.
Anunțo
Șiba neve disponibilo: Betsimisaraka (Northern), Betsimisaraka (Southern), Konkomba, Matses, Mi'kmaq
  • Aghies

Marține, 21 octombria

Con va perseverila ji co sfârșito, codo va avela hastrame. (Mat. 24:13)

So miștimata anel amenghe i răbdarea? Cana sicavas răbdarea sam mai voime hai mai liniștime. Cadea că, i răbdarea daștil te ajutil amen te avel amen iech goghi sastevesti hai iech lașio sastimos. Mai but, cana sicavas răbdarea hachiaras amen mai mișto le coaverența, hai cadea i congregația așel chidini. Cana varecon phenel vareso nasul, ci va avela te sighiaras te holiaras amen hai te cheras i situația vi mai phari. (Ps. 37:8, n.s.; Prov. 14:29) Tha, mai opral sar oriso, las amen pala amaro Dad cerisco hai pașioas lestar. Si zurales șucar te sicavas răbdarea hai cadaia anel amenghe vi but miștimata. Chiar cana ci si amenghe sea o timpo ușoro te sicavas răbdarea, o Iehova va ajutila amen te daisaras te cheras cadaia. Hai, ando timpo so ajucăras pherde răbdarea i lumea nevi, daisaras te pachias ciaces că „i iach le Iehovaschi dichel caring codola cai daran lestar, caring codola cai ajucăren leschi iubirea loialo”. (Ps. 33:18) Cadea că, te avas hotărâme vi mai dur ‘te las pe amende’ i răbdarea. w23.08 22 ¶7; 25 ¶16, 17

Te rodas ande fiesavo ghies ando lil le Devlesco – 2025

Tetraghine, 22 octombria

O pachiamos cai nai-lo sicado prin le buchia cărde, silo mulo. (Iac. 2:17)

O Iacov sicadea că iech manuș daștil te pachial că siles pachiamos, tha vo ci sicavel cadaia prin so cherel. (Iac. 2:1-5, 9) Sa cadea, o Iacov dea duma vi anda varecon cai dichel ieche phrales sau iecha pheia saven „ci silen sosa te hureaven-pe hai nai-len o haben de fiesavo ghies”, tha ci cherel chanci anda lende caște ajutil-len. Chiar cana codo manuș phenel că siles pachiamos, si de ivea, anda codoia că ci sicavel cadaia prin so cherel. (Iac. 2:14-17) O Iacov phendea anda i Rahav că si iech exemplo anda sar te sicaves chio pachiamos prin so cheres. (Iac. 2:25, 26) Voi așundea le Iehovastar hai hachiardea că Vo sas pașa le israeliți. (Ios. 2:9-11) Voi sicadea pesco pachiamos prin so cărdea. I Rahav, lea sama catar dui spioni israeliți cana lenghi viața sas ando pericolo. Cadea că, cadai jiuvli imperfecto hai cai ci sas-li israelita, sas arachli orta andel iacha le Devlesche, cadea sar o Avraam. Catar i Rahav sichioas că si zurales importanto te sicavas amaro pachiamos prin so cheras. w23.12 5 ¶12, 13

Te rodas ande fiesavo ghies ando lil le Devlesco – 2025

Joine, 23 octombria

Mangav man te astaren rădăcini hai te așen zurale pi temelia. (Ef. 3:17)

Amen sar slujitori le Iehovasche ci camas te hachiaras numai le ciacimata de bază andai Biblia. O spirito sfânto daștil te ajutil amen te camas te hachiaras „chiar vi le buchia profundo le Devlesche”. (1 Cor. 2:9, 10) Daștias te șios tuche andi goghi te sichios mai but buchia cai ajutin tut te pașios le Iehovastar? Sar exemplo, rode te diches sar sicadea vo peschi iubirea caring pesche slujitori andal puraimata caște hachiares sar sicavel vo peschi iubirea vi anda tute. Sa cadea, daștis te sichios anda sar camelas o Iehova ca le israeliți te anen lesche închinarea hai sar camel te anas lesche amen închinarea aghies. Sau daștis te rodes te hachiares mai mișto le profeții cai o Isus pherdea-len cana sas-lo pi phuv. Cadai buchi daștil te avel șucar anda tute dacă folosis o Indexo le publicațiengo Watch Tower sau o Ghido de cercetare anda le Martori le Iehovasche. Cana sichios profundo andai Biblia daștis te zuriares chio pachiamos hai cadaia ajutil tut te araches „o prinjianimos anda o Del”. (Prov. 2:4, 5) w23.10 18, 19 ¶3-5

Te rodas ande fiesavo ghies ando lil le Devlesco – 2025
Mișto avilean!
Cadava si iech instrumento andai cercetarea le publicațienghe cărde le Martorendar le Iehovasche ande mai but șiba.
Andoa descărchimos le publicațiengo, rughisaras-tu te jias po jw.org.
  • Rromani (România)
  • Bișeal
  • Preferințe
  • Copyright © 2025 Watch Tower Bible and Tract Society of Pennsylvania
  • Termeni andai utilizarea
  • Politica andai confidențialitatea
  • Setări andai confidențialitatea
  • JW.ORG
  • Loghisao tu
Bișeal