LECȚIA 03
Daștis te pachias andi Biblia?
Andi Biblia arachas but promisiuni hai sfaturi. Daștil-pe că cames te jianes ce sicaimata si ande late. Tha daștil-pe că vi încăres-tu parpale hai pușes-tu: „Daștiv te pachiav le sfaturi hai le promisiuni anda iech lil cadichi de purano? Si lache sfaturi lașe vi anda mande aghies? Daștil te avel-ma pachiamos ande so phenel voi anda o viitorii?”. Milioanea manușa pachian andi Biblia. Dich mai dur sostar daștis vi tu te pachias ande late.
1. Si andi Biblia ciacimata sau si iech lil paramiceanța?
I Biblia phenel că si iech lil ande savo si scriime „exacto le cuvintea le ciacimasche”. (Eclesiasto 12:10) Voi del duma anda buchia cai întâmplosarde-pe ciaces, manușența ciace. (Citisaren Luca 1:3; 3:1, 2.) But goghiaver manușa phende că i Biblia sili exacto cana del duma anda bărșa, manușa, thana hai buchia cai întâmplosarde-pe.
2. Sostar daisaras te pachias andi Biblia chiar cana si iech lil purano?
Butivar, i Biblia del duma anda buchia cai ci sas-le prinjiande ando timpo cana sas-le scriime. Sar exemplo, voi del duma anda subiectea științifico. But andal buchia cai sas phende anda cadal subiectea ci sas pachiane le manușendar anda codo timpo. Cu sea cadala, i știința anda amare ghiesa sicavel că i Biblia si iech lil exacto. Le cuvintea cai arachas-le ande late sile „de fiesavi data demno pachiamasche, acana hai anda sea o timpo”. (Psalmo 111:8)
3. Sostar daisaras te pachias ande so phenel i Biblia anda o viitorii?
Andi Biblia arachas profețiia anda „le buchia cai ci sas încă cărde”. (Isaia 46:10) Voi phendea de mai anglal le buchia bute bărșența angla so te întâmplon-pe. Sa cadea, sicadea andel mai țâne buchia so dichas aghies andi lumea. Ande cadai lecția, va dichaia chichiva profeții biblico. Va aveia uimime te diches chichi de exacto pherdile-pe cadala!
HACHIAR MAI MIȘTO
Dich sar phenel i știința de aghies că so si scriime andi Biblia si ciaces hai sar pherdile-pe chichiva bare profeții biblico.
4. I Biblia si exacto cana del duma anda i știința
Ande puraimata le mai but manușa pachianas că i phuv beșel pe varesoste. Dichen o MATERIALO VIDEO.
Dich so sas scriime ando lil Iov acana mai but sar 3 500 bărșa. Citisaren Iov 26:7 hai pala codoia den duma:
Sostar si iech bari buchi că i Biblia sicavel că i phuv beșel „pe chanceste”?
Ji acana 200 bărșa, le manușa ci hachiarde mișto sar jial o pai andi natura. Dich so phenel i Biblia mii bărșența mai anglal. Citisaren Iov 36:27, 28 hai pala codoia den duma:
Sostar si interesanto că i Biblia del duma simplo anda sar jial o pai andi natura?
Zuriarde chio pachiamos andi Biblia le versetea cai citisardean-le acana?
5. I Biblia phendea de mai anglal le buchia cai întâmplosarde-pe
Citisaren Isaia 44:27–45:2 hai pala codoia den duma:
Ce buchia anda sar avelas te perel o Babilono phendea i Biblia 200 bărșența mai anglal te întâmplol-pe cadaia?
I istoria sicavel că o Cirus, o rege anda i Persia hai leschi armata cucerisarde o Babilono ande 539 a.a.e.b Von cărde ca le paia cai protejinas o foro te șioren-pe pe aver riga, găle andre pe le udara cai sas bâstărde pâtărde hai cucerisarde-les bi te maren-pe. Aghies, pala mai but sar 2 500 bărșa, o Babilono silo iech grămada barenghi. Dich so phendea de mai anglal i Biblia.
Citisaren Isaia 13:19, 20 hai pala codoia den duma:
Sar pherdilea-pe cadai profeția?
Le ruine le Babilonosco cai sile ando Irak de aghies
6. I Biblia phendea de mai anglal le buchia cai dichas-le aghies andi lumea
I Biblia phenel că traisaras andel „ghiesa de palal”. (2 Timotei 3:1) Dich so phendea i Biblia anda cadal ghiesa.
Citisaren Matei 24:6, 7 hai pala codoia den duma:
So phendea i Biblia anda sar va avela i situația pa i phuv andel ghiesa de palal?
Citisaren 2 Timotei 3:1-5 hai pala codoia den duma:
So phendea i Biblia anda sar va avena le manușa andal ghiesa de palal?
Sar si le manușa de pașa tute?
UNII MANUȘA PHENEN: „I Biblia si iech lil paramiceanța”.
So cherel-tu te pachias andi Biblia?
SO SICHILEAM
I istoria, i știința hai le profeții sicaven că daștil te avel-tu pachiamos andi Biblia.
So dichleam
Si andi Biblia ciacimata sau si iech lil paramiceanța?
Ce exemplea sicaven că i Biblia si exacto cana del duma anda i știința?
Pachias că i Biblia phenel de mai anglal o viitorii? Dacă da, sostar?
RODE MAI BUT
Si andi Biblia greșeli științifico?
„Si i Biblia exacto cana del duma anda i știința?” (Articolo pa amaro site-o)
Savo si o ciacimos andal „ghiesa de palal”?
„Șov profeții biblico cai trebul te pheren-pe” (O Turno de veghe, 1 mai 2011)
Dich sar pherdile-pe le profeții biblico ande soste priveal o Imperio Grecisco.
Dich sar le profeții biblico parude o modo sar iech murș dichelas i Biblia.
„Ci pachiaiem că existil o Del” (O Turno de veghe nr. 5 2017)
a Le profeții si mesajea le Devlestar cai den duma andal buchia phende mai anglal te întâmplon-pe.
b „A.a.e.” însemnol „angla amari era” hai „a.e.” însemnol „amari era”.