Con si o Del?

De cana si i lumea, le manușa andine închinarea mai bute devlenghe. Cu sea cadala, i Biblia del duma anda iech Del cai „si mai baro sar sea le coaver devla”. (2 Cronici 2:5) Con si cado Del? Hai sostar silo vo mai baro sar sea le coaver devla savende le manușa anen închinarea? Ande cadai lecția va avela te diches so camel cado Del te prinjianes anda leste.

1. Savo si o anav le Devlesco hai catar jianas că vo camel te prinjianas-les?

Andi Biblia, o Del sicavel amenghe con silo. Vo phenel: „Me som o Iehova. Cado si mânro anav”. (Citisaren Isaia 42:5, 8.) „Iehova” si iech anav ebraico cai daștil-pe că însemnol „Vo cherel te avel sea so trebul”. O Iehova camel te prinjianas lesco anav. (Exodo 3:15) Catar jianas cadai buchi? Andi Biblia lesco anav silo scriime de mai but sar 7 000 var!a Numai le ciace Devles, cai si „o ciacio Del opre andel ceruri hai tele pi phuv”, daștil te avel-les cado anav, Iehova. (Deuteronomo 4:39)

2. So phenel amenghe i Biblia anda o Iehova?

I Biblia phenel că, mașcar sea le devla savende le manușa anen închinarea, o Iehova si o corcoro ciacio Del. Sostar? Si mai but motivea. Le Iehovas siles i mai bari autoritatea hai vo corcoro si „Codo O Mai Baro pa sea i phuv”. (Citisaren Psalmo 83:18.) I Biblia phenel anda leste că si „Codo O Mai Zuralo”, anda codoia că les siles o zuralimos te cherel oriso camel. Vo ‘cărdea sea le buchia’ – o universo hai sea so si jiuvindo pa i phuv. (Revelația 4:8, 11) O Iehova si o corcoro cai sas anda sea o timpo hai cai va avela anda sea o timpo. (Psalmo 90:2)

3. Le Devles siles but titluri, tha numai iech si lesco anav

Caște hachiaren i diferența mașcar o titlo hai o anav ieche manușesco, dichen o MATERIALO VIDEO hai pala codoia den duma:

MATERIALO VIDEO: But titluri, tha iech corcoro anav (0:41)

• Savi si i diferența mașcar iech titlo, sar avelas „Rai”, hai iech anav?

I Biblia phenel că le manușa anen închinarea bute devlenghe hai raienghe. Citisaren Psalmo 136:1-3 hai pala codoia den duma:

• Con si ‘o Del le devlengo’ hai ‘o Rai le raiengo’?

4. O Iehova camel te prinjianes hai te folosisares lesco anav

MATERIALO VIDEO: Siles anav le Devles? (iech cotor) (3:11)

• Camel o Iehova ca lesco anav te avel prinjiando? Sostar pachias cadaia?

O Iehova camel ca le manușa te folosisaren lesco anav. Citisaren Romani 10:13 hai pala codoia den duma:

• Chichi de importanto si te folosisaras o anav le Devlesco, Iehova?

• So si ande chio ilo cana varecon anel pesche amintea chio anav hai folosil-les?

• So pachias, so si ando ilo le Iehovasco cana tu folosis lesco anav?

5. O Iehova camel te pașios lestar

MATERIALO VIDEO: Rodem le ciace Devles (8:18)

• So phendea i Soten că sas ande laco ilo cana așundea o anav le Devlesco?

Caște cărdios amal varecaia, mai anglal trebul te prinjianes lesco anav. Citisaren Iacov 4:8a hai pala codoia den duma:

• So acharel-tu o Iehova te cheres?

• Sar daștil te ajutil-tu te pașios le Devlestar o fapto că prinjianes hai că folosis lesco anav?

SO SICHILEAM

O corcoro ciacio Del bușiol Iehova. Vo camel te folosisaras hai te prinjianas cado anav caște daisaras te pașioas lestar.

So dichleam

• Sostar si o Iehova diferime de sea le coaver devla savenghe le manușa anen închinarea?

• Sostar trebul te folosisaras o anav le Devlesco?

• Catar jianes că o Iehova camel te pașios lestar?

RODE MAI BUT

Va avela te diches panji buchia cai sicaven claro că si iech Del.

„Si iech Del?” (Articolo pa amaro site-o)

Va avela te hachiares sostar si mișto te pachias că o Del sas anda sea o timpo.

„Con cărdea le Devles?” (O Turno de veghe, 1 augusto 2014)

Va avela te sichios sostar trebul te folosisaras o anav le Devlesco, chiar cana ci jianel-pe sar sas lesche phendo ande le timpuri purane.

„Con si o Iehova?” (Articolo pa amaro site-o)

Si importanto sar phenas le Devlesche? Va avela te diches sostar daisaras te phenas că le Devles siles iech corcoro anav.

„Chichi anava si le Devles?” (Articolo pa amaro site-o)