I LECȚIA 6
O Potopo — So sichioas ame?
O Del nimicisardeas le nasulen, tha hastradeas le Noes thai lesca familia. (Geneza 7:11, 12, 23)
Deas o brișind 40 ghiesa thai 40 ratia, ji cana o pai pherdea sea i phuv. Sea manușa nasul mule.
Le îngeria nasul mucle lenghe corpuria masăscă thai cherdile demonia.
Codola cai sas ande-i arca așile juvinde. O Noe vi leschi familia ji la urmă mule, tha o Del va anela len pale viațate; va daștina te train veșnico.
O Del va distrugila le manușen save si nasul, thai va hastravela le manușen save si lașe. (Matei 24:37-39)
O Satan thai lesche demonia vi aghies athaven le manușen.
Cadea sar ande le Noesche ghiesa, but manușa aghies ci len sama so sicavel ame o Del iubitorii. Pa hanțî timpo o Iehova va distrugila sea manușen save si nasul (2 Petru 2:5, 6).
Vi aghies si manușa sar o Noe. Von ascultin le Devlestar thai cheren so phenel vo; cadala si le Martori le Iehovasche.