Lil catar o Corpo de Guvernare

Cuci phralale hai pheiale,

I iubirea anda o Del hai anda le manușa cherel-ame ‘te jias hai te cheras discipoli anda le manușa anda sea le națiuni, bolindoi-le’. (Mat. 28:19, 20; Mar. 12:28-31) I ciaci iubirea sili zurali. La sila o zuralimos te țârdel co ciacimos codolen cai silen „o ilo lașio anda i viața veșnico”. (Fap. 13:48)

Mai anglal, samas sicade te încăras ande amari goghi iech prezentarea hai te das publicații. Tha acana, trebul te das amari zor te lașiaras o modo sar das duma le manușența. Camas te sicavas iubirea caring le coaver hai te das duma anda le buchia cai sile importanto anda lende. Caște daisaras te cheras cadaia, trebul te jianas sar te las fiesave manușes hai te avas atento ca le buchia cai von camen te prinjianen-le. Sar va ajutila-ame cado lilorro?

Ande cado lilorro si 12 sicaimata cai ajutin-ame te hachiaras so felo jene trebul te avas caște sicavas amari iubirea caring le manușa hai te cheras discipoli anda lende. Ande fiesavo sicaimos si iech cotor andai Biblia cai del duma anda sar o Isus sau aver creștini anda o iechto secolo, dine penghi zor te cheren mișto penghi buchi andi predicarea. Acana ci mai trebul te încăras ande amari goghi iech prezentarea cai te phenas-la le manușenghe, tha trebul te dichas sar te sicavas amari iubirea caring lende. Chiar cana trebul te sicavas șucar calități ande sea le buchia cai cheras-le andi predicarea, va avela te dichas că anumime calități ajutin-ame vi mai but i dintuni data cana das duma le manușența, cana das duma lența pale sau cana încăras studii biblico.

Cana va avela te diches fiesavo sicaimos, gândisar-tu sar daștis te sicaves iech anumime calitatea cana des duma le manușența anda o than cai beșes. De chi zor te bariares chi iubirea anda o Iehova hai anda le manușa. Cadai iubirea – mai but sar orisavi buchi – va ajutila-tut te cheres discipoli.

Amen dichas zurales cuci o privilegio te cheras buchi ande iech than tusa. (Țef. 3:9) Amaro lașio Del Iehova, te del-tu but miștimata ando timpo so des chi zor te iubis le manușen hai te cheres discipoli!