Rode te prinjianes mai but

Activități andal șiavorre

O dad hai i dei trebun te sicaven penghe șiaven anda o Iehova. Cadaia si iech buchi zurales importanto. (Ef. 6:4) Caște avel lenghe mai ușoro te sicaven penghe șiaven, i organizația le Iehovaschi cărdea but feluri materialea. Sar daștis te folosis-le?

• Rode materialea. Po site-o JW.ORG, araches sea le materialea cărde catar i organizația andal tărne, mașcar save si materialea video hai activități scriime.a Caște araches-le, jia ca SICAIMATA BIBLICO > ȘIAVORRE sau SICAIMATA BIBLICO > TĂRNE.

• Alosar iech lașio materialo. Ca i secțiunea „Șiavorre”, daștis te alosares diferime activități lașe anda chio șiavorro. Sar exemplo, rode „Proiectea anda i închinarea andi familia”.

• Cher tuche timpo te beșes ande iech than che șiavorrența. Na dich le materialea video sau tipărime sar iech modo te încăres ocupime che șiavorres. De duma andal sicaimata che șiaveia hai ajutisar-les te pașiol le Iehovastar hai te bariarel pesco amalimos leia.