Ademon Adi Anjipan!
Satan nau ademon adinga in chisum ni in kusal nayimp machiku mawonsu. Pasak Satan wajipa yivam ya mwin kushinshaman Yob. Chad wamujipina aan dikum nich “rikind rujim” ni kuwupul chikumbu mwadingau. Kupwa Satan wamwasa Yob “chipupu cha makwalong kudiosh ku chidjatil cha mwend wend djat ku mutu wend.”—Yob 1:7-19; 2:7, NW.
Mu machuku ma Yesu, ademon adinga ni kuyelish antu amwing ukamam, ni umputames. (Mateu 9:32, 33; 12:22) Amesha muntu umwing mar ni kumusal itapang amwinend nich mayal. (Marko 5:5) Amubarosha ni kumuzikis pansh nsand umwing ni “kumwapol kumumesh mar.”—Luka 9:42.
Pasak,ademon ayelishanga antu ap kuyisarumwin kafef
Nlel unou, Satan nau ademon adi ayimp. Chakin kupandikan pa kusambish, kudiosh kwayopatilau mwiur. Yisalijok yau yijiken pa mangand min mawonsu. Akat kuyelish antu amwing. Akwau akat kuyibumish uchuku, kuyibureshang tul ap kuyilatish nayimp. Akwau ayiyipishin nich masandj. Akwau akat kuyizarish, kuyibachikin ku kujipan, ap ku kwikudik.
Nlel ademon abachikin antu ku kwikal in chisum; kubumish akwau uchuku, ni kuyilatish nayimp
Lintina, wa ku Surinam, ukat kulejan anch demon umwing, ap spiritu muyimp, wajipa in dijuku diend 16 ni kumurumbangesh mujimbu wend ni manangu mivu 18. Kudiokal ku rusangu rend amwinend walonda anch ademon “akat kusangerang kumesh antu mar makash djat kamu ku rufu.”
Pakwez Yehova ukutwish kulam atushalapol end ku yoziu ya Satan.— Jinswir 18:10.