Kurutu Kuwamp Nakash
Mu chisu chikemp Satan ni ademon akez kayidiosh usu wa kusal nayimp
Satan nau ademon end kakez kadimbap kand akaantu chisu chilemp. Yehova wayopatin kal mwiur. (Kuburik 12:9) Kurutu oku kudia piswimp, Nzamb ukumukarumukin kapamp kakwau Satan ni ademon end. Mu chishimushimu chidiokila kud Nzamb, mupostol Yohan walonda anch: “Am naman mwangel ubudikin mwiur, ukwet nfungul ya dibuku diakad musul, mu chikas chend. Ndiy wamukwata nnak mujim, ndiy nnak mukuru, ndiy Djabul ni Satan, amukasa mivu kanan; amudjibwila mu dibuku diakad musul apatiku, amushiliku chijingidij piur. Chakwel ndiy kakudimbap kand michid ya mangand, chikupu ni pa kupwila mivu kanan, chad kwinyim ez amusuril lel kachisu kakemp.” (Kuburik 20:1-3) Kwinyim, Djabul nau ademon end, akez kayishesh chikupu.—Kuburik 20:10.
Antu ayimp nau panap pansh akez kayikatwil kulemp ni awiy pamwing nau.—Kuseng 37:9, 10; Luka 13:5.
Afu Akez Kikal Aom Kand!
Afu akez kachirik ku mwom panap pansh
Kwinyim kwa kudiosh Satan ni ademon end, Yehova ukez kaletin akaantu yiyukish yivud. Ukez kavurik anch afu adi akadinga mwom, kwikaliku. Yesu wilikeja rufu nich kulal—tul tukash pakad yilat. (Yohan 11:11-14) Wasala mutapu winou mulong wading wij anch chisu chikez chakulankau awiy alela mu tul twa rufu kukchirikin ku mwom. Walonda anch: “Muten ukat kwez ukeza kateshau awonsu alela mwi nzay . . . ni kubudik.”—Yohan 5:28, 29; ilikej Midimu 24:15.
Akez kachirikin ku mwom panap pansh. Kurutu kwa kulejan anch antu afil, kukwikaliku jinsangu ja awiy achirishinau kudiokal ku rufu kwez ku mwom! Mud muukwikala musangar wa kudiokal mu majamu!