Mutapu wa Kusadin Broshir Winou

Mu broshir winou, ukutan mufund wa dichuku ni dichuku ni komanter wa mufund. Ap anch mufund ni komanter akutwish kuyishinshikin chisu chawonsu, antu avud akat kutaninamu mu kuyishinshikin pamanch. Mwamu akutwish kutongijokin pa yom yatangangau dichuku da kabuj. Kushinshikin mufund mu dijuku kuding kwa ukwash nakash. Majuku ma Betel ma pa mangand mawonsu makat kusal mwamu pa chisu cha kuda.

Makomanter madokil mu manimero ma Chinong cha Kalam (w) cha Ngond wa 4, 2023 djat kwi Ngond wa 3, 2024. Mashifre malondwilaku kupwa kwa muvu ni ngond wa nimero wa Chinong cha Kalam mamekeshin chakusambish paj wa nimero wa Chinong cha Kalam ni mashifre makwau malondwilaku mamekeshin maparagraf mwadoshangau komanter. (Tal chilakej kwinshin oku.) Jinsangu jikwau piur pa mufund ukutwish kujitan mu mutu wa mulong wa Chinong cha Kalam chitekinau mu referans.