BIBLIOTEK Udia pa Kapend
BIBLIOTEK
UDIA PA KAPEND
Uruund
  • BIBIL
  • MIKAND
  • YIKUMANGAN
  • w10 1/12 map. 28 ​-​ 32
  • Muwangilany Yehovah!

Kwikil video ukimbina

Video winou umukimbinap amboku nawamp.

  • Muwangilany Yehovah!
  • Chinong cha Kalam Chilejen Want wa Yehova—2010
  • Tumitu twa milong
  • Yom Yifanakena
  • Ndond ya Kalimish ya Muminy mu Difukwil Diakin
  • Mudimu wa Miminy Kupwa Kwa Chirung cha David
  • Maswir Metu Makat Kukarumuk Kulondulijan Nich Chisu
  • Ukutwish Kumekesh Anch Ukatin Miminy Yiney
  • Miminy Yisu Mulong wa Difukwil!
    Mudimu Wetu Wa Want—2014
  • Ov, Udi Tayad Kumuwangin Yehova mu Yikumangan Yetu?
    Mudimu Wetu Wa Want—2009
  • Mushimanany Yehova kwa Musangar Nich Muminy
    Mudimu ni Mashakamin ma In Kristu—Mukand wa Chikumangen—2018
  • Ov, Wij?
    Chinong cha Kalam Chilejen Want wa Yehova (Cha Kwilej)—2024
Tal Yom Yivud
Chinong cha Kalam Chilejen Want wa Yehova—2010
w10 1/12 map. 28 ​-​ 32

Muwangilany Yehovah!

“Nikumushiman [Nzamb] pinidia mwom.”​—KUS. 146:2.

1. Ov, chom ik chamubachika nsand David chakwel afunda miminy yend yimwing ya kuseng?

PADINGAY nsand, David wasutisha yisu yivud mu yir yadinga piswimp ni Betlehem mu kulam yisak ya amikoku a tatukwend. Padingay ulamina a mikoku, David washikena ku kutal midimu ya chitangil yamushena ya Yehova: atutumbu a mwiur, “annam a mwisuku,” ni “atujil a mwiur.” Yom yamanay yamushika ku muchim​—chawiy chamubachika nakash chakwel afunda miminy yishikina ku yovil ya muchim ya kumutumbish nich Sakatang wa yom yiney yamushena. Miminy yivud yafunday David tukutwish kuyitan mu buku wa Kuseng.a​—Tang Kuseng 8:3, 4, 7-9, TMK.

2. (a) Muminy ukutwish kwikal nich chibudikin ik piur pa antu? Let chilakej. (b) Ov, chom ik tukutwisha kwilej piur pa urund wa David ni Yehova kusutil Kuseng 34:7, 8 ni Kuseng 139:2-8?

2 Chimeken mudi anch chading pa chirung chinech cha mwom wend, David wawapisha ukaliweny wend wa kuwang miminy. Ndiy wijika kuwang nawamp, chawiy lel, amutazuka chakwel amubudina Mwant Saul kadiad. (Jinsw. 22:29) Muminy wa David wamutudisha mwant wadinga mu kanvundangesh, mudi mukata kutudishan muminy uwamp nlel unou kudi antu. Padingay David ni kuwang kadiad kend, “Saul wading ni kushimpish muchim wend.” (1 Sam. 16:23) Miminy yafundau kudi mwin kuwang winou ni mwin kufund miminy umuziyidila Nzamb yamekana kwikal wa usey ni nlel unou. Tongin bil! Nlel unou pasutin kal mivu 3 000 kupwa kwa kuvadik kwa David, mamiliyon ma antu makweta mikadil kushalijan ni mashakamina mu jindond jawonsu ja pa divu matangining kuseng kwa David mulong wa kutambul dikasikesh ni ruchingej.​—2 Jnsg. 7:6; tang Kus. 34:7, 8; 139:2-8; Amos 6:5.

Ndond ya Kalimish ya Muminy mu Difukwil Diakin

3, 4. Ov, Yom ik yatenchikau pa chirung cha David mulong wa kuwang miminy yitumbila?

3 David wadinga ni ukaliweny, ni wasadila ukaliweny wend mu mutapu uwamp​—mulong wa kumutumbish Yehova. Pikalay mwant wa Isarel, David watenchika midimu ya ku dizang ni miminy yiwamp nakash. Muntu umwing pa dikum ni kusut pakach pa in Levi awonsu wadinga usadina midimu ku tempel​—antu 4 000 pakach pau—​ayinkinsha mudimu wa “kumushiman,” ni antu 288 “ija kal kumuwangil [Yehova] awonsu ija kupandakan.”​—1 Jnsg. 23:3, 5; 25:7.

4 David amwinend wafunda miminy yivud yawangau kudi in Levi. In Isarel awonsu adingaku padingay David ni kuwang kuseng, afanyina kukwachik ku muchim nich yom yadingau ni kutesh. Kupwa, paletau mushet wa manswik ku Yerusalem, “David wayileja . . . amakurump a in Levi kuyitond anamakwau akutwisha kuwang nich yom ya kuwang ya jinkumbu, ni tudiad, ni manchakay, ni kuzambul mazu ma musangar.”​—1 Jnsg. 15:16.

5, 6. (a) Ov, mulong wak adinga ni kuta muchim nakash ku miminy pa chirung cha winyikel wa David? (b) Mutapu ik twija anch miminy yadinga nich usey mu difukwil diakin mu Isarel wa pasak?

5 Ov, mulong wak adinga ni kuta muchim nakash ku miminy pa chirung cha David? Ov, chidi mulong mwant wadinga mwin kuwang? Bwat, kwadinga diyingish dikwau, diamekeshau mu kusut kwa mivu chitot pachirishay Ezekias Mwant utentamina midimu mu tempel. Mu 2 Jinsangu 29:25, afundin anch: “Chad Mwant [Ezekiah] wayiteka in Levi pa ndond yau mu chikumbu cha [Yehova]. Andama nich manchakay, ni tudiad, ni yisaj, mudi mwarijekay David. Mazu minam ma [Yehova] mading ni kushikenang kudi aruw end, Gad ni Natan.”

6 Mwaning, kusutil kudi aprofet end, Yehova ukat kuyitakel in kumwifukwil end chakwel amushimana nich muminy. In kuwang, kusambish pa muchid wa in kupesh, inay kadingap ni kusal yom yikwau yayitau in Levi chakwel ikala ni chisu cha kufund ni cha kuwangol.​—1 Jnsg. 9:33.

7, 8. Ov, kwisu kwimedina kuwang kwa miminy yetu ya Want, ni chom ik chidia cha usu kupandakenamu kwikal nich ukaliweny wa kuwang?

7 Ukutwish kulond anch, ‘Anch afanyidina kuwang nawamp, Kinelap kwikal pakach pa antu adinga ija kuwang nawamp mu dizang!’ Pakwez, kadiap in kuwang awonsu in Levi adinga ija kuwang nawamp. Kwambatan nich 1 Jinsangu 25:8, kwading ni ‘in kwilej.’ Chifanyidin kand kwijik anch kwading in kuwang amwing ading ni ukaliweny ukash ni in kuwang adiokala pakach pa michid yikwau ya in Isarel, pakwez Yehova wayinkisha in Levi mudimu wa kutakel miminy. Tukutwish kwikal nich kashinsh anch kwading ‘ija nawamp’ ap ‘in kwilej,’ ni in levi awonsu ashinshamena asala usu wau wawonsu mulong wa kusal mudimu winou.

8 David wading ukatishin miminy ni wading nich ukaliweny wa kuwang. Ov, chom ik chading cha usey kudi Nzamb piur pa ukaliweny winou wa pakampwil? Mu Kuseng 33:3, David wafunda anch: “Bulany kadiad nawamp, chad toyany nich musangar.” Uruu woviken patok: cha usey chidi anch ‘twasal usu wetu wawonsu’ mulong wa kumutumbish Yehova.

Mudimu wa Miminy Kupwa Kwa Chirung cha David

9. Lejan yom wela kuman ni kutesh anch wasala niyey midimu ya kutung tempel pa chirung cha umutakel wa Salomon.

9 Mu winyikel wa Salomon, miminy yadinga nich mudimu ukash mu difukwil dishitwila. Pa dichuku dia kufungul kwa tempel, kwading in kuwang ni in kubul jimpuny 120. (Tang 2 Jinsangu 5:12.) Bibil utulejin anch: “in kubul jimpuny adinga awonsu in kupesh ni in kuwang abombakana pamwing mulong wa kumushiman ni kumujikitish [Yehova], . . . ‘mulond ndiy udi muwamp, mulong rukat rend ridimukina rushiching chikupu.’” Piyadinga miminy yiney ya musangar kuya kurutu, “chikumbu cha [Yehova] chizwila sens nich didj.” Dimekeshina kwitiyik kwa Yehova. Chadinga cha musangar mudi ik ku muchim pa kutesh kubul kwa jimpuny jinej pamwing ni tunan twa in kuwang awangina pamwing!​—2 Jnsg. 5:13.

10, 11. Ov, chom ik chimekeshina anch in Kristu akusambish asadina miminy mu difukwil?

10 Miminy ayisadila kand kud in Kristu a kusambish mu difukwil. Chakin kamu, in kwifukwil a mu mivu chitot ya kusambish kakumanganap mu dizang, ap mu matempel bwat, pakwez akumangana mu yikumbu. Mulong wa kuyizengol ni yom yikwau, mu mikadil mwandingau ni yom yayishikena yasambisha kuyikangesh. Pakwez in Kristu inay adandamena kumushiman Nzamb mu miminy.

11 Kambuy Paul wayibabesha akadivar nend in Kristu adinga mu Kolosay anch: “Muwangilany Nzamb miminy ya kuseng, ni miminy ya kumushiman, muwangilany nich kujikitish mu michim yen.” (Kol. 3:16) Kupwa kwa kuyitek Paul ni Silas mu rukan, awiy asambisha “kulembil ni kuwang miminy ya kumutumbish nich Nzamb,” ap anch kadingap ni mabuku ma miminy makusadil mulong wa kuwang. (Mid. 16:25) Anch akutek mu rukan, ov, miminy yinch ya Want ukutwisha kuwang pakad kutang?

12. Ov, mutapu ik tukutwisha kumekesh anch tukwatin nich usey miminy yetu ya Want?

12 Mulong miminy yikwet ndond ya usey mu difukwil dietu, ov, tukutwish kwiyipul ayinetu anch: ‘Ov, niyisangaredin? Ov, nisadining usu wam wawonsu chakwel nishika kurutu kwa chisu ku yikumangan, ku yitentam ya pakampwil, ni ya distrik mulong wa kuwang pamwing ni akadivar ni anambaz miminy ya kusambish, ni kuwang nich chirungil? Ov, niyikasikeshining anam chakwel alika kuman anch chisu cha kuwang chidia pakach pa Shikol ya Mudimu wa Uteokras ni Chikumangan cha Mudimu ap chisu cha kuwang chidia pakach pa diskur dia patok ni kwilej Chinong cha Kalam mudi chisu chimwing cha kupim, ap cha kudiokal pa jindond jau pakad mulong, ap cha kwiyonanaku?’ Kuwang miminy chidi chikunku cha difukwil dietu. Mwaning, ap anch ‘twij nawamp’ ap tudi ‘in kwilej,’ etu awonsu tukutwish​—ni tufanyidin—​kumushiman Yehova pamwing.​—Ilikej nich 2 Korint 8:12.

Maswir Metu Makat Kukarumuk Kulondulijan Nich Chisu

13, 14. Ov, mulong wak chidi cha usey kuwang nich muchim wetu wawonsu mu yikumangan ya chikumangen? Let chilakej.

13 Pasutin kal mivu 100, Le Phare de la Tour de Sion warumburila mayingish mamwing masadina anch miminy yetu ya Want yikala nich usey nakash. Walonda anch: “Kuwang uyakin udi mutapu umwing uwamp wa kuutek mu manangu ni mu michim ya antu a Nzamb.” Mazu mavud madia mu miminy yetu madiokil mu maverse ma Bibil, chawiy lel kwilej mazu ap makemp ma miminy yimwing kukutwish kwikal mutapu umwing uwamp wa kwandjik uyakin mu michim yetu. Antu avud eza kapamp ka kusambish ku yikumangan yetu ayibachika nakash kudi miminy yidiokila mu muchim yiwanginau mu chikumangen.

14 Dichuku dimwing urel, mu muvu wa 1869, C. T. Russell wading udiokil ku mudimu uchirikin ku chikumbu, pateshay muminy wadinga uwanginau ku chot chading mwinshin. Pa chisu chinech cha mwom wend, ndiy wading umen mudi kakezap kwend kutan uyakin piur pa Nzamb. Chawiy, ndiy wakwata mupak wa kwipan mu midimu ya kwisak, ni kutong anch pakezay kwikal ni nfalang, ukutwish kuwanyish maswir ma antu ma ku mujimbu ap anch kakutwishap kuyilej uyakin piur pa Nzamb. Mukadivar Russell wandama mu chot mwadinga rufunfut ni mididim kupwa watana antu akat kulembil mwinimwa. Ndiy washakama ni wasambisha kutesh. Pikwasuta machuku, ndiy wafunda anch yom yateshay uchuku winiwa “yading yitakedilau nich ukwash wa Nzamb, mulong wa kukasikesh ritiy rend rading riziyila nich Bibil upepidilau kudi Nzamb.” Ijik anch kuwang miminy kwawiy kwamupwita cha kusambish Mukadivar Russell chakwel akumangana.

15. Ov, kutesh ik kuwamp kwasala anch achirikina kufund buku wa miminy?

15 Mu kusut kwa chisu, akat kutenchik yom piur pa mutapu wetu wa kutesh Mukand wa Nzamb. Jinswir 4:18 ulondin anch: “Njil ya in kutentam yidi mudi kutok kumunyikina, yikat kuzaz jinsis ni kushik kamu muten pakach.” Kutok kudandamedina kumunyik kukat kutakel chakin kamu yitenchik yisadinau mu mutapu wetu wa ‘kuwang uyakin.’ Mu mivu 25 yasutina, Atuman a Yehova mu jingand jivud asangera kusadin buku wa miminy ukweta mutu wa mulong Louons Jéhovah par nos chants.b Mu mivu yivud kudiosh papalangeshau buku winou chakusambish, kutok kwasambisha kujimb nakash piur pa uvud wa mitu ya milong, ni mazu mamwing wadingau ni kusadil mu buku winou wa miminy masambisha kwikal ma pakur. Chilakej, tulondiningap kand anch “ nouvel ordre ” (Ditenchik Disu), pakwez tukat kulond anch “ monde nouveau ” (Mangand Masu). Ni tulondin katat anch dijin dia Yehova akez “kaditumbish,” tulondiningap kand anch akez “kadichidij.” Chimeken patok anch, kwambatan nich malejan metu, kwadinga kuswir kwa kutenchik buku wetu wa miminy chakwel ikala musu.

16. Ov, mutapu ik ukutwisha buku wetu musu kutukwash kulondul chiyul cha Paul chafunday mu Efes 5:19?

16 Mulong wa mayingish minam ni makwau, Chisak Chitakedila chitiyija kupalangesh kwa buku musu wa miminy ukweta mutu wa mulong Tumuwangilany Yehova. Akepishin uvud wa miminy mu buku wetu musu pa uvud wa 135. Mulong mukwikal miminy yiswimp ya kwilej, chikutwishik kudi etu kulam mu manangu mazu mamwing ma miminy yiney yisu. Chinech chikwatijadin nich chiyul cha Paul chafunday mu Efes 5:19.​—Tang.

Ukutwish Kumekesh Anch Ukatin Miminy Yiney

17. Ov, yitongijok ik yikutwisha kutukwash kupwish wom ap usany pitufanyidina kuwang mu chikumangen?

17 Ov, tukutwish kulikidil wom ap usany utukangesha kuwang miminy pol pa yikumangan ya in Kristu? Shinshikin mwamu: Pitufanyidina kulond, ov, chidiap chakin anch “etu awonsu tukat kurumbuk mu mitapu yivud”? (Jak. 3:2) Chikwau kand, tufanyidinap kulikidil mazu metu maburedina kuwanyin matukangesha kumutumbish Yehova ku chikumbu ni chikumbu. Ov, mulong wak, mazu metu ma kuwang makad kuwanyin mafanyidinap kutukangesh kumutumbish Nzamb mu miminy? Yehova, “watanga kan ka muntu,” usangaredining pa kutesh mutapu tukata kusadin mazu metu mulong wa kumutumbish.​—Kub. 4:11.

18. Let yiyul piur pa mutapu wa kwilej mazu ma miminy yisu.

18 CD ukweta mutu wa mulong Chantons à Jéhovah​—Version chantée amusala mu jindim jivud. Mudi mazu ma antu awanga nawamp miminy yisu. Chiwapidil nakash kutesh miminy yiney. Dandamen kuyitesh yisu yivud; chawiy lel ukez kwilej mazu ma miminy yimwing yisu. Mazu ma miminy yivud amafunda mu mutapu wa kwel anch piukata kuwang mazu ma kusambish, ukutwish kwijik mutapu wa kuwang kand mazu malondwilaku. Chawiy lel piuwangishina CD winou, pakish kuwang pamwing ni mazu makwatau! Anch wijidin mazu ni miminy ku chikumbu, ukutwish kuwang nawamp ku Chot cha Want.

19. Ov, yom ik yikatau kusal pakatau kurijek mutapu wa kukwat miminy yetu ya Want?

19 Chiswapel kulik kutongijokin nakash piur pa miminy yakwatau yitukata kusadil mu machuku ma yitentam ya pakampwil, ya munyimuku, ni ya distrikt. Asala mudimu ukash payitenchikau. Kupwa kwa kutond miminy, miminy ya kukwat afanyidin kuyifund nawamp mulong wa kuyitumin yid 64 ya in kuwang a Chinong cha Kalam chakwel ayiwanga. In kuwang akat kusutish yisu yivud mu kuchirikin mazu makezau kuwang ni kuchirikinamu mu kuwang ni kupwa akushiken ku kumakwat ku mastudio metu media ku Patterson, mu New York. Antu dikum pakach pa akadivar ni anambaz inay kakatap kushakamang mu États-Unis. Awonsu amen anch chidi katumb kupan ukwash mulong wa kubudish miminy yiwamp nakash mulong wa yinship yetu ya uteokras. Tukutwish kuyijikitish mulong wa usu wau usadilau nich rukat. Pakatau kutwit kudi mwin kutakel ku yitentam yetu chakwel anch, tushakamany ni kulondul miminy yatenchikau nich rukat, tufanyidin kushakam kapamp kamwing.

20. Ov, yom ik ukwatin mupak chakwel kuyisal?

20 Yehova uteshining mutapu tukata kumutumbish nich miminy yetu. Yidi ya usey kudi ndiy. Tukutwish kusangaresh muchim wend kusutil ku kuwang miminy nich muchim wetu wawonsu kwindond yawonsu tukata kukumangan mulong wa kumwifukwil. Mwaning, ap anch twij nawamp ap tukat kwilej, “muwangilany [amboku] Yehova”!​—Kus. 104:33.

[Mazu madia kwishin kwa paj]

a Chom chishimokishina chidi anch, pasuta mivu yitot dikum kwinyim kwa rufu ra David, chisak cha angel chalejana kuvadik kwa Mesia chakwel ikala kafung, wadinga ulamina yisak yau ya amikoku piswimp ni Betlehem.​—Luka 2:4, 8, 13, 14.

b Buku wa miminy 225 amupalangesha mu jindim 100 ni kusut.

Ov, Chom ik Utongina?

• Ov, yilakej ik ya pa chirung cha Bibil yimekeshina anch miminy yikwet usey mu difukwil dietu?

• Ov, chom ik umena anch chikwatijadin pakach pa kuziyil kwi mbil ya Yesu yidia mu Mateu 22:37 ni kuwang ni muchim wetu wawonsu miminy ya Want?

• Ov, mu mitapu ik tukutwisha kumekesh kujikitish kwetu piur pa miminy yetu ya Want?

[Chipich chidia pa paj wa 31]

Ov, uyikangeshining aney kudiokal pakad mulong pa ndond pashichau pa chisu chiwanginau miminy?

    Mikand ya Uruund (1999-2025)
    Budik
    Andam
    • Uruund
    • Kwangan
    • Yom ukatina
    • Copyright © 2025 Watch Tower Bible and Tract Society of Pennsylvania
    • Mbil ja Kusadin
    • Mbil ja Ujindj
    • Paramètres de confidentialité
    • JW.ORG
    • Andam
    Kwangan