Makasu Mamumekeshina Nzamb Mudi Wakad Rukat

Mulong disudiel dia ditenchik dined diyimp dia Satan didi piswimp, chidi cha usey nakash anch kangal twawil mu tul twa muspiritu. Mutu wa mulong winou wisambidin piur pa mutapu ukutwisha kwikal ababela nich malembil kutukwash kushal achila ku mes.

Mu mutu wa mulong winou, shinshikin mutapu tukutwisha kutaninamu kusutil ku kushimpish muchim kwa muprofet Mike. Ileja piur pa yinship yikwikala chijingidij cha disudiel dia chirung chetu cha kuchingel mulong wa Yehova kusal pantaliken ni ditenchik dined diyimp. Shinshikin kand mutapu tukutwisha kumekesh kusanger mulong wa kushimpish muchim kwenday Nzamb.

Rusangu ra njit ja Sanakerib mu Yerusalem pa chirung cha Hezekias rikwet malejan tukutwisha kusadil. Yom yidia mu mutu wa mulong winou yikwet kurumburik kwa pakampwil mulong wa antu inkinau chisend cha ukafung mu chikumangen.

Mutu wakusambish pa mitu yiney ya mulong wambambidin piur pa mutapu ukatay Yehova ni Yesu kuyilam amikoku au pa divu nlel unou ni ulejen mutapu ukatau amikok kwakul ku kubangin kwau. Mutu wakaad ushinshikidin mwikadil ufanyidinau amakurump a mu chikumangen kukasikesh kwikal nich pasadilau mudi atufung ankwash a amikoku.